الموضوع: Exclamation الحل النهائى لمشكله التنطيط و المساعديين التيت لل rb

المشاركة الأصلية كتبت بواسطة karimpoo

بسم الله الرحمن الحيم,

انا الحمد لله ربنا كرمنى و اشتريت اكسنت RB و دلوقتى ماشى بيها حوالى 13000 km العربيه ممتازه بجميع المقاييس سحب , تجميع , جرى , شكل , صالون
الا المشكله اللى كانت منغصه عليا حياتى 2 او 3 يركبوا ورا واتفرج يا معلم على السيرك اللى بيحصل اى مطب هوا صغير تحس ان العربيه بتتهبد و بتتنطط لدرجه عقدتنى و وصلت لدرجه انى كنت هابيع العربيه لحد لما شوفت تعليق لشخصيه محترمه هنا انه راح و عمل قلق فى غبور ابورواش و غيروله المساعديين بمساعديين معدليين بصراحه قلت اجرب مش هاخسر حاجه " وخاصه انى دافع شقى عمرى فيها " ف دخلت على موقع www.hyundai-egypt.net و عملت شكوى بخصوص المساعديين و بصراحه و لاول مره احس ان فيه اهتمام ردوا عليا بايميل بعد يومين سألوا عن رقم الموتور و الشاسيه و رقم الموبيل و انهى مركز خدمه رحته و اشتكيت بسبب المساعدين و اسم المهندس اللى "نفضلك هاهاهاهاها" بصراحه انا كنت مارحتش صيانه خالص انا بغير زيت و فيلتر بره التوكيل فبعد الشرح قولتلهم ان اقرب مركز خدمه ليه و انا من السويس هوه فرع العبور , المهم تانى يوم لقيت مهندس اسمه وجدى بيكلمنى و بيقولى ان المساعدسسن مش موجودين دلوقتى و ادانى رقم واحد فى قطع الغيار اتابع معاه و بعد اسبوع بالظبط المساعديين وصلوا و الراجل بتاع قطع الغيار قال لى حاول تييجى على طول احسن يتباعوا فى ساعتها روحت على مركز غبور العبور بصراحه انا اتوهمت من الشياكه و النظافه سألت على المهندس جيه خد منى العربيه الساعه 1 و استلمتها الساعه 4:30 بعد ما غيروا المساعديين نييجى بقى للسسبنس المهم "ان ان ان اااااااااااان"
كنت واقف طبعا شايف عربيتى من فوق فى التوكيا و لحسن الحظ جابوا العربيه تحتى مباشره و كنت شايف كل حاجه و اول ما فك المساعد و جاب المساعد الجديد انا اتصدمت المساعد القديم حتت حديده انما المساعد الجديد شبه دانه الدفع هههه بصراحه فرق شاسع "المهم لازم تتأكد ان اللى هايتغير المساعديين المعدليين" وبعد كده استلمت العربيه و مشيت على الصحراوى على 180 وعمال البس مطبات علشان اجرب بصراحه العربيه اختلفت تماما العربيه بقت فوق الممتازه اللى ناقصنى ان شاء الله اجنط 205/50/R16 و العربيه هاتبقى احسن من ال BMW هاهاهاهاها

المهم يا جماعه حاولوا ما تتنازلش عن حقك العربيه اختلفت تماما و ربنا يباركلنا فيها يا رب.

يا باشا بارك الله فيك
عملت نفس الي انت عملته و كلموني تاني يوم و فعلا حجزت و حكيتلهم المشكلة في التليفون نفس مشكلتك بالظبط و حجزولي اليوم الثلاثاء الساعة ٨:٣٠ ص بس انا روحت الساعة ٩:٠٠ و أول ما وصلت هناك بقولهم على الحجز باسمي قالولي المساعدين فعلاً محجوزين باسمك و سألت المهندس و هو بستلم مني العربية ايه الفرق بين الي راكبين و الي هاتركبهم قالي العربية نازلة بمساعدين Soft و الي هايركبوا hard
عشان الطرق بتاعتنا مش نافع معاها ال Soft و خد مني العربية الساعة ٩:١٠و خلصوها الساعة ١٠:٣٠ .
المهم حسيت ان العربية نشفت شوية بس الثبات احسن بكتير و التنطيط قل كتيير.. و في مطبات الهوا اختفى و الحمد لله.
و الخلاصة واضح ان هيونداي بدأت تحترم عملائها و تخاف على مستقبلها و الموضوع تم من غير خناقات و لا زعيق و لا شد و لا فلوس .. و محدش يسيب حقه يا جماعة عشان يحترمونا من الأول.

شكرا مرة أخرى أخي الكريم

يا جماعه الفرق بين المساعديين ان الجديده شكلها جامد و Heavy duty المهم العربيه لسه زى ما هيه ناعمه و بقت اعلى ثبات على الطريق و المهم بقت كل لما اخد مطب مش بتتنطط ولا وبتتهبد زى الاول.
بس المشكله انى مش عارف رقم المساعد او اسمه بس هوه من التوكيل و هوه المساعد المعدل

-أخيرا هنخلص من التنطيط ألف حمد و شكر ليك يا رب
-دي كانت تكتك من كتر التنطيط

مبروك لكل اللى غير المساعدين

انا بقى معايا النيو أكسنت وكنت عاوز اغير الاربع مساعدين بنوع تانى غير بتوعها فلما عرفت ان غبور معاة توكيل مونرو للهيونداى بقيت متابعهم لحد ما جابوا المساعدين الامامى والحمد لله اشتريتهم وركبتهم بس هما ناشفين

والخلفى بقالى اربع شهور عمال اتصل واسأل عليهم عندهم للاسف يقولولى الاسبوع اللى جاى .. أخر الشهر .. الشحنة فى الجمرك ولسة ماا افرجناش عليها ورود كتير كدة

ومش عارف اعمل ايه لان مش هاينفع اجيب الخلفى زى الاصلى لانى اشترتهم وبصراحة لقيتهم مساعدين زبالة زبالة زبالة ولحام النحاس تحس زى ميكون ملحوم عند واحد حداد
ومش عارف اشترى اية ولا غير نوع تانى والعربية مش عجبانى وعاوز اى نوع يتناسب مع العربية ويكون نظيف

المشاركة الأصلية كتبت بواسطة amagroup

انا روحت لمركز العدوي علي طريق المحلة المنصورة مركز معتمد طبعا ميعرفوش اي حاجه بس انا مفلتش ان في حد غيرهام قبل كده وناوي ان شاء الله اغيرهم قبل ال10000
بس سؤال علي الماشي انتوا بتغيرو الزيت كل 5000 ولا 10000 لان الفلتر بيقولوا 5000 بس انا حطيت 10000 وقلتله هبقي اجي اغير الفلتر بعد 5000 وهل لازم اروح كل 5000 يعين لو فوت مره هخرج بره الضمان؟؟
طولت عليكوا

-الزيت ١٠٠٠٠ احسن بمراحل و خليك ماشي عليه و الفلتر يتغير على ١٠٠٠٠ بردو عادي جدا
-حكايه الفلتر دي فتي اخر حاجه او بيركبوا فلتر مش اصلي و دي استبعدها
-روح صيانه ٥٠٠٠ ده هو الضمان سنتين عشان لو حصل حاجه لا قدر الله تشتري دماغك من اي مسئوليه