الموضوع: Exclamation الحل النهائى لمشكله التنطيط و المساعديين التيت لل rb

المشاركة الأصلية كتبت بواسطة remad82

انا لسه مغير المسعدين امبارح فى غبور , العربيه اختلفت تماما

-يعني في الغرز و ملفات ثباتها زاد و لا أيه
-أحساسك بعيوب الطريق بعد تغيير المساعديين زاد و لا قل
-حجزت معاد أزاي ؟
-أصل أنا أكتر محتاجها الثبات
-شكرا مقدما

المشاركة الأصلية كتبت بواسطة karimpoo

بسم الله الرحمن الحيم,

انا الحمد لله ربنا كرمنى و اشتريت اكسنت rb و دلوقتى ماشى بيها حوالى 13000 km العربيه ممتازه بجميع المقاييس سحب , تجميع , جرى , شكل , صالون
الا المشكله اللى كانت منغصه عليا حياتى 2 او 3 يركبوا ورا واتفرج يا معلم على السيرك اللى بيحصل اى مطب هوا صغير تحس ان العربيه بتتهبد و بتتنطط لدرجه عقدتنى و وصلت لدرجه انى كنت هابيع العربيه لحد لما شوفت تعليق لشخصيه محترمه هنا انه راح و عمل قلق فى غبور ابورواش و غيروله المساعديين بمساعديين معدليين بصراحه قلت اجرب مش هاخسر حاجه " وخاصه انى دافع شقى عمرى فيها " ف دخلت على موقع www.hyundai-egypt.net و عملت شكوى بخصوص المساعديين و بصراحه و لاول مره احس ان فيه اهتمام ردوا عليا بايميل بعد يومين سألوا عن رقم الموتور و الشاسيه و رقم الموبيل و انهى مركز خدمه رحته و اشتكيت بسبب المساعدين و اسم المهندس اللى "نفضلك هاهاهاهاها" بصراحه انا كنت مارحتش صيانه خالص انا بغير زيت و فيلتر بره التوكيل فبعد الشرح قولتلهم ان اقرب مركز خدمه ليه و انا من السويس هوه فرع العبور , المهم تانى يوم لقيت مهندس اسمه وجدى بيكلمنى و بيقولى ان المساعدسسن مش موجودين دلوقتى و ادانى رقم واحد فى قطع الغيار اتابع معاه و بعد اسبوع بالظبط المساعديين وصلوا و الراجل بتاع قطع الغيار قال لى حاول تييجى على طول احسن يتباعوا فى ساعتها روحت على مركز غبور العبور بصراحه انا اتوهمت من الشياكه و النظافه سألت على المهندس جيه خد منى العربيه الساعه 1 و استلمتها الساعه 4:30 بعد ما غيروا المساعديين نييجى بقى للسسبنس المهم "ان ان ان اااااااااااان"
كنت واقف طبعا شايف عربيتى من فوق فى التوكيا و لحسن الحظ جابوا العربيه تحتى مباشره و كنت شايف كل حاجه و اول ما فك المساعد و جاب المساعد الجديد انا اتصدمت المساعد القديم حتت حديده انما المساعد الجديد شبه دانه الدفع هههه بصراحه فرق شاسع "المهم لازم تتأكد ان اللى هايتغير المساعديين المعدليين" وبعد كده استلمت العربيه و مشيت على الصحراوى على 180 وعمال البس مطبات علشان اجرب بصراحه العربيه اختلفت تماما العربيه بقت فوق الممتازه اللى ناقصنى ان شاء الله اجنط 205/50/r16 و العربيه هاتبقى احسن من ال bmw هاهاهاهاها

المهم يا جماعه حاولوا ما تتنازلش عن حقك العربيه اختلفت تماما و ربنا يباركلنا فيها يا رب.

اي خدمه يا حبوب انا حبيت اخدم لما نزلت التعليق بتاع المساعدين المتعدلين وانك تروح تعمل قلق
على العموم ياريت اي حد عنده مشكله وحلها في العربيه يقلنا ويقلنا عمل ايه وحلها ازاي

طيب مدام انا افدتك انت وغيرك في موضوع المساعدين المتعدلين عايز اعرف حاجة من الناس واتاكد مها لكل حد عنده العربية

يا ترى حد بيسمع صوت طقه لما يلف الدركسيون يمين او شمال؟
ياريت اي حد يركز في الموضوع ده ويقلنا لاحظ الموضوع ده ولا ايه

!!!!?

يا جماعه والله الثبات بقى اكتر من الاول و العفشه نشفت بس حاجه لا تذكر بقت زى العربيات العاديه اللى ركبناها قبل كده و موضوع الحك فى المطبات قل خالص و التنطيط اختفى تماما و الغرز و الجرى انا بعمل غرز على 160 والحمد لله فل فل.

المشاركة الأصلية كتبت بواسطة meshmesh_egypt

طيب مفيش تعديل لمساعدين النيو اكسنت عشان نترحم برده احنا كمان من التنطيط

بما اننا زى بعض ومعانا نيو اكسنت انا غيرت الامامى مونرو وش لاقى الخلفى نفس النوع
شوف لو عندك افكار للبديل ياريت تقوللى ولو ان دة مش المكان بتاعنا دة بتاع وحوش rb