ﺍﻟﺮﺍﺟﻞ ﺷﺎﻝ ﺗﺮﻣﻮﺳﺘﺎﺕ ﺍﻟﻜﻮﻉ

**samfady** · 24-09-2012 04:45 PM

شكرررررراااااا على الردود
انا هاروحلو النهارده واشترى واحده واخليه يركبها

**broadband** · 24-09-2012 05:27 PM

نصيحة خلى بالك من الثرموستات اللى حاتشتريه و يا ريت تجيبه من التوكيل اضمن حتى لو غالى شوية بس افضل و انا عن نفسى اشتريتهم استيراد و شفت الفرق فى الخامة بين الجديد و اللى اشتريته و اللى اشتريته منه ركبهولى و نضفه تمام و اتكد انه بيفتح و كل الردياتير بيسخن و اطمن كويس قبل ما تتحرك خطوة بالعربية

و احنا فى الخدمة

**samfady** · 25-09-2012 02:18 PM

روحت امبارح لبتاع الردادتيرات قالى يعنى الناس اللى انت سالتهم بيفهمو عنى انا اي عربيه بتجيلى بشيل منها الترموستات ونا فاهم شغلى شدينا مع بعض شويه ومشيت رحت للميكايكى بتاعى قالى طبعا هي مهمه جدا روحت اشتريتلو واحده gm وفك الكوعه وركبهااا
شكككككككرا ليكم كلكم

**blazer** · 25-09-2012 03:12 PM

لما بتتشال بيحدث الاتى
العربيه بتسخن فى وقت طويل
فى الطرق السريعه العربيه بتتجمد والحراره بتبقى على ال c
العربيه فى الشتا على ال c برده
بالتالى العربيه مبتشتغلش فى درجة حرارتها الطبيعية مما ينتج عنه إستهلاج الماتور واستهلاك بنزين بغباء وضعف التسارع والسرعة القصوى للعربيه

**blazer** · 25-09-2012 03:22 PM

http://www.nilemotors.net/Nile/283254-2.html

**samfady** · 25-09-2012 03:29 PM

المشاركة الأصلية كتبت بواسطة blazer

http://www.nilemotors.net/nile/283254-2.html

شكرا
هو الميكانيكى امبارح عمل زى ما انت شارح بالظبط

**MMamdouh** · 25-09-2012 05:09 PM

المشاركة الأصلية كتبت بواسطة samfady

روحت امبارح لبتاع الردادتيرات قالى يعنى الناس اللى انت سالتهم بيفهمو عنى انا اي عربيه بتجيلى بشيل منها الترموستات ونا فاهم شغلى

يمهل ولا يهمل

MMamdouh

**m0hsen** · 29-09-2012 07:00 PM

طيب هو ايه الفرق بين ان تكون ثرموستات الكوعة مقفولة او مفتوحة ومااعراضها لو كانت مقفولة او مفتوحة وايهما اخطر على الموتور

**a7medsh3rawi** · 29-09-2012 07:27 PM

المشاركة الأصلية كتبت بواسطة m0hsen

طيب هو ايه الفرق بين ان تكون ثرموستات الكوعة مقفولة او مفتوحة ومااعراضها لو كانت مقفولة او مفتوحة وايهما اخطر على الموتور

الترموستات مقفول طالما الموتور قبل درجة حرارة 80 - 88 انما لو زادت عن كدا يبدأ يفتح تدريجيا لكى يسمح بمرور المياه الساخنة للرياد تير والباردة للموتور والمشكلة تحدث اذا فضل مقفول لغاية الميه ما توصل لدرجة الغليان داخل الموتور ويجيب ساعتها جوان وش سلندر واذا فضل مفتوح وما قفلش لما الميه تبرد هتقل درجة حرارة الموتور ويبتدى يبرجل وممكن يطفى ويزيد معاه استهلاك البنزين ودرجة حرارة الزيت هتقل وتبدأ البساتم تاكل في الشميز وتحتاج مع الوقت تركب طقم شنبر .
طبعا الاخطر في الاتنين انه يعطل وهو مقفول.