الموضوع: الحمد لله جيبت سيفيك 2008 و موتسيكل خبطني

شكرا يا جماعة عالتهنئة الجميلة دي و ربنا يرزقكم باحسن منها و يباركلكم في عربياتكم

خلوني بقى اكملكم انطباعي عن العربية

اولا : الصالون
ناس اوحيتلي انها ضيقة و حسسوني اني حجيب حاجة نتكربس فيها , طبعا انا لما جربتها قبل كده يادوب قعدت عالكرسي زي ما هو و سوقت لكن مفليتش بقى الصالون و جربت اقدم و أخر الكراسي و كده
بس لما اخدت عربيتي بقى ظبت قعدتي على كرسي السواق انا طولي 187 سم و قلت اما اجرب اقعد ورا لقيت في براح جميل ووسع مكانش موجود في الجيل السادس رغم ان الجيل السادس معقول في الوسع بس دي فيها وسع اكتر و حتت الارضية الفلات دي تحفة

ثانيا : الشنطة
معقولة لكن مش في وسع الجيل الخامس و السادس يمكن دي الحاجة الوحيدة السلبية في العربية بس برضه في رائي ان مساحة الركاب اهم من مساحة الشنط يا فرحتي بالشنطة بحر بس اللي قعدين في الصالون مخنوقين

ثالثا : ارتفاع السيارة عن الارض
معقول جدا و مناسب جدا يكفي اني ماشي و حاسس اني جمب الناس في الجيل السادس و الخامس كنت بعدي من تحت المرايات بمرايتي و اوكرة اي عربية جمبي كانت بتبقى في اول فرش الباب عندي دا غير بقى الارصفة اللي مكانش باب الجيل السادس بيفتح جمبها و في دي بيفتح عادي جدا و لسله فيه فراغ كمان لكن لما بتحمل اتنين ورار تبدي تبقى حريص في المطبات لكن و هي فاضية بتعدي عادي جدا

رابعا : المحرك
ماشاء الله هادي جدا و بيقدر ياخد العربية من اي سرعة بطيقة لسرعة اعلى بمنتهي السلاسة

خامسا : دا بقى عيب رهيييييب حيموتني و مش قادر استحمله و يمكن ابيع العربية بسببه
.
.
.
.
.
.
.
صوت المرايات نيههههههاااااا
مش قادر يا جماعة انا بتعذب

طبعا بهرج ولا حسيت بأي صوت مزعج او حاجة ضايقتني و بفكر المره الجاية اروح مكان مهجور و اطفي كل حاجة و احرك المرايات لما شاوف ايه اخرتها

المشاركة الأصلية كتبت بواسطة sanhory

شكرا يا جماعة عالتهنئة الجميلة دي و ربنا يرزقكم باحسن منها و يباركلكم في عربياتكم

خلوني بقى اكملكم انطباعي عن العربية

اولا : الصالون
ناس اوحيتلي انها ضيقة و حسسوني اني حجيب حاجة نتكربس فيها , طبعا انا لما جربتها قبل كده يادوب قعدت عالكرسي زي ما هو و سوقت لكن مفليتش بقى الصالون و جربت اقدم و أخر الكراسي و كده
بس لما اخدت عربيتي بقى ظبت قعدتي على كرسي السواق انا طولي 187 سم و قلت اما اجرب اقعد ورا لقيت في براح جميل ووسع مكانش موجود في الجيل السادس رغم ان الجيل السادس معقول في الوسع بس دي فيها وسع اكتر و حتت الارضية الفلات دي تحفة

ثانيا : الشنطة
معقولة لكن مش في وسع الجيل الخامس و السادس يمكن دي الحاجة الوحيدة السلبية في العربية بس برضه في رائي ان مساحة الركاب اهم من مساحة الشنط يا فرحتي بالشنطة بحر بس اللي قعدين في الصالون مخنوقين

ثالثا : ارتفاع السيارة عن الارض
معقول جدا و مناسب جدا يكفي اني ماشي و حاسس اني جمب الناس في الجيل السادس و الخامس كنت بعدي من تحت المرايات بمرايتي و اوكرة اي عربية جمبي كانت بتبقى في اول فرش الباب عندي دا غير بقى الارصفة اللي مكانش باب الجيل السادس بيفتح جمبها و في دي بيفتح عادي جدا و لسله فيه فراغ كمان لكن لما بتحمل اتنين ورار تبدي تبقى حريص في المطبات لكن و هي فاضية بتعدي عادي جدا

رابعا : المحرك
ماشاء الله هادي جدا و بيقدر ياخد العربية من اي سرعة بطيقة لسرعة اعلى بمنتهي السلاسة

خامسا : دا بقى عيب رهيييييب حيموتني و مش قادر استحمله و يمكن ابيع العربية بسببه
.
.
.
.
.
.
.
صوت المرايات نيههههههاااااا
مش قادر يا جماعة انا بتعذب

طبعا بهرج ولا حسيت بأي صوت مزعج او حاجة ضايقتني و بفكر المره الجاية اروح مكان مهجور و اطفي كل حاجة و احرك المرايات لما شاوف ايه اخرتها

على فكره الشنطه بتبان ضيقه لكن لما ترص فيها الحاجه بتلقاها مكفيه و زياده و ده عن تجربه
بس ما قولتش جبتها لونها ايه و عامله كام و بكام؟

المشاركة الأصلية كتبت بواسطة hany63

على فكره الشنطه بتبان ضيقه لكن لما ترص فيها الحاجه بتلقاها مكفيه و زياده و ده عن تجربه
بس ما قولتش جبتها لونها ايه و عامله كام و بكام؟

هي تقضي و تكفي فعلا بس مقارنة بعربيات تانية هي اضيق شوية بس مش قصه يعني الواحد مبيركبش في الشنطة

لونها جلاكسي جراي و عاملة 100 الف كل الصيانات في التوكيل فابريكة برا و جوا ب 100 الف و فيها ال gps kit الاصلية

المشاركة الأصلية كتبت بواسطة sanhory

هي تقضي و تكفي فعلا بس مقارنة بعربيات تانية هي اضيق شوية بس مش قصه يعني الواحد مبيركبش في الشنطة

لونها جلاكسي جراي و عاملة 100 الف كل الصيانات في التوكيل فابريكة برا و جوا ب 100 الف و فيها ال gps kit الاصلية

ربنا يملهالك بركه و تكون قدم خير

المشاركة الأصلية كتبت بواسطة Unendlich

+1 أول سطرين
بس بلاش ال d3, خدها 1, 2 D3 و انقل عند 6600-6700 و خد سفالة على أبوه و أصوات شكس بكس
بس أصبر لما ايدك تاخد على الفتيس عشان متأخرش النقلة و تخش في ال redline
و لوني أول مرة خالص جربت أنحرف كنت بنقل على 7

نفسي اعمل الحركه دي بس بخاف على الموتور و الفتيس
انا اخري على الاول ٤٠
٧٠ على التاني
وباجيب على التالت ١١٥ و بعدين بدي d4 من الشيفت

يالله زي الفل

تاني خبطه النهاردة

سواق ميكروباص دخل في الرفرف التاني اللي عالشمال ورا

زي الفلللل اخبطوا كمان زي ما انتوا عايزين ....... اولعلكوا في نفسي يعني ولا اعمل ايه ,

عالم غريبة ولا ليهم في السواقة

الف الف مبروك يا باشا
ربنا يملاها لك خير و بركه و يكفيك شر طريقها و يستر طريقك و طريقنا كلنا