الحمد لله جيبت سيفيك 2008 و موتسيكل خبطني

**sanhory** · 25-09-2012 12:13 PM

المشاركة الأصلية كتبت بواسطة szaalouk

الف الف مبروك يا باشا
ربنا يملاها لك خير و بركه و يكفيك شر طريقها و يستر طريقك و طريقنا كلنا

الله يبارك فيك يا باشا

المشاركة الأصلية كتبت بواسطة kar!m

الف مبروك .. ربنا يبارك لك فيها و يحفظهالك.

نفس اللي حصل معايا تاني يوم جبت فيه العربية.

ايه ده !

ده طلع مشهور بقى بتاع الموتسيكل ده

**محمد أنور** · 25-09-2012 11:13 PM

حط مصحف في العربية يا سنهوري و شغل قرأن فيها
انا مستغرب ليه العربية عمالة تتخبط كدة ؟ ممكن يكون حد مش راضي عن البيعة مثلا زي صاحب العربية اللي قبلك او حد من اهل بيتك ؟
ربنا يسترها عليك و علينا

**tarekomar66** · 26-09-2012 10:56 PM

فى الاول الف الف مبروك يا سنهورى
ربنا يعوض عليك فى العين اللى مش عاوزه تسيسبك دى "" زى معظم الهونداويه "" واعتقد باقى العربيات كمان لان السواقه ما بقتش لا فن ولا ذوق ولا اخلاق خصوصا الموتوسيكلات الصينى ..... قدر الله وماشاء فعل ..... وعلى رأى اغلب المشاركين سيب فيها حاجات ما تعملهاش علشان الناس تشوف انها اخدت العين الجامده
وعملت ايه فى عربيتك القديمه لان كان فى واحد عاوزها واديته رقمك ومش عارف لو كان كلمك ولا ايه ؟

**tarekomar66** · 26-09-2012 10:58 PM

شغل قرأن فيها
+11111

**sanhory** · 03-10-2012 12:05 PM

المشاركة الأصلية كتبت بواسطة محمد أنور

حط مصحف في العربية يا سنهوري و شغل قرأن فيها
انا مستغرب ليه العربية عمالة تتخبط كدة ؟ ممكن يكون حد مش راضي عن البيعة مثلا زي صاحب العربية اللي قبلك او حد من اهل بيتك ؟
ربنا يسترها عليك و علينا

المصحف موجود و كل حاجة رغم اني مش مع فكرة استخدام المصحف كتميمة انا بحطه في درج الطابلوه بس عشان لو مستني في العربية و مش لاقي حاجة اعملها اقرا فيه شوية
وبعدين والله الراجل صاحبها مديهاني و هو راضي و مفيش حد في البيت عندي متضايق من موضوع العربية هي بس العين عاملة شغل , ربنا يتولانا برحمته

المشاركة الأصلية كتبت بواسطة tarekomar66

فى الاول الف الف مبروك يا سنهورى
ربنا يعوض عليك فى العين اللى مش عاوزه تسيسبك دى "" زى معظم الهونداويه "" واعتقد باقى العربيات كمان لان السواقه ما بقتش لا فن ولا ذوق ولا اخلاق خصوصا الموتوسيكلات الصينى ..... قدر الله وماشاء فعل ..... وعلى رأى اغلب المشاركين سيب فيها حاجات ما تعملهاش علشان الناس تشوف انها اخدت العين الجامده
وعملت ايه فى عربيتك القديمه لان كان فى واحد عاوزها واديته رقمك ومش عارف لو كان كلمك ولا ايه ؟

الله يبارك فيك يا باشا
الحمد لله على كل شئ يا استاذ طارق قضاء اخف من قضاء
انا فعلا سايبها زي ما هي

في واحد كلمني فعلا و قالي انه من المنتدى بس مش بيدخل كتير و هو حتى ساكن في المعادي
كلمني يوم الخميس كنت انا بعتها الثلاثاء

قلتله لو كنت بدرت شوية كان الاقربون اولى لكن مفيش نصيب بقى
قالي يااه دا انا شفت الاعلان في المنتدى من 3 4 ايام بس كل يوم اكسل اتكلم و اقول بكرة
وكان زعلات قوي عليها

يله نصيب اللي اخدها بقى ربنا يباركله و يباركلنا جميعا

**kar!m** · 03-10-2012 12:41 PM

المشاركة الأصلية كتبت بواسطة sanhory

المصحف موجود و كل حاجة رغم اني مش مع فكرة استخدام المصحف كتميمة انا بحطه في درج الطابلوه بس عشان لو مستني في العربية و مش لاقي حاجة اعملها اقرا فيه شوية

الله يفتح عليك

ما حكم وضع المصحف في السيارة من أجل التبرك والحصن من العين وأيضا خشية أن تصدم ؟

الجواب:
الحمد لله
حكم وضع المصحف في السيارة دفعا للعين أو توقيا للخطر بدعة فإن الصحابة رضي الله عنهم لم يكونوا يحملون المصحف دفعا للخطر أو للعين ، وإذا كان بدعة فإن النبي صلى الله عليه وسلم قال : " كل بدعة ضلالة وكل ضلالة في النار " (سؤال على الهاتف الشيخ محمد بن صالح العثيمين ) ( البدع والمحدثات وما لا أصل له ص259)

وسئل أيضا الشيخ عبد العزيز بن باز رحمه الله السؤال التالي : يعلق بعض الناس آيات قرآنية وأحاديث نبوية في غرف المنازل أو في المطاعم أو المكاتب ، وكذلك في المستشفيات والمستوصفات يعلقون قوله تعالى " وإذا مرضت فهو يشفين " وغير ذلك .. فهل تعليق ذلك يعتبر من التمائم المنهي عنها شرعا ، علما بأن مقصودهم استنزال البركات وطرد الشياطين ، وقد يقصد من ذلك أيضا تذكير الناسي وتنبيه الغافل ، وهل من التمائم وضع المصحف في السيارة بحجة التبرك به ؟

فأجاب سماحته قائلا : إذا كان المقصود بما ذكره السائل تذكرة الناس وتعليمهم ما ينفعهم فلا حرج في ذلك ، أما إذا كان المقصود اعتبارها حرزا من الشياطين أو الجن فلا أعلم لهذا أصلا وهكذا وضع المصحف في السيارة للتبرك بذلك ليس له أصل وليس بمشروع ، أما إذا وضعه في السيارة ليقرأ فيه بعض الأحيان أو ليقرأ فيه بعض الركاب فهذا طيب ولا بأس .. والله ولي التوفيق

( فتاوى إسلامية 4/29 ) (الشيخ ابن باز )