الموضوع: شداية نار بال SiR مع هيونداى سوناتا 2012

كنت رايح امبارح شارع مصطفى النحاس على الساعة 5 ظهرا وطبعا الاتوستراد ملىء شوية بالزحام لكن اول لما خلصت طريق النصر فدخلت يمين مش عارف اسم الشارع اوى , المهم كان بيلف معايا واحد بهيونداى سوناتا شايفة عمال يشد وشوية يمشى بالراحة على طريق النصر , وتانى مرة اشوف سوناتا ملاكى من ساعة مانزلت

المهم يدوبك دخلنا الملف ومش عارف لقيت الطريق فاااااااااااااااااااااااا ااااااااضى تقريبا ماكنش فية غيرنا وكمان عربيتين قدامنا واحدة لانسر بومة والتانية تويوتا 2000 ( عيون)
وحنا الاتنين ماشيين محدش فينا مشغل التكييف , وهو لوحدة وانا معايا اخويا
عربيتى عايزة فلتر بنزين ( لان اللى عندى خلاص انتهى بقالة 20000 كيلو وطبعا خانق العربية ) وماشية ببنزين 92 والكاوتش بقالى شهرين ماشوفتش ضغطة والزيت عندى وصل ل 6000 كيلو استخدام ( دية حالة العربية عندى )
وهو باين على العربية انها ماشية بقالها كتير شوية لانى انا متابعة واحنا فى طريق النصر وشاء القدر اننا ناخد الملف مع بعض فى نفس التوقيت
وبدون وعى لقيت نفسى بدوس بنزين وهو كمان بيدوش بنزين وصوت المحركات على وهوب رحنا طايرين احنا الاتنين انا مش هينفع كدة روحت جايب اخر الدواسة وال vtec فاتح وهو كمان صوت ماتورة على بس شتان الفرق مابين ال vtec ومحرك الهيونداى , وصلت لسرعة 140 والفرق كبوت ليا طبعا اول لما وصلت السرعة عندى170 كم الفرق بقى عربية بينى وبينة ان ماكنش اكتر وقبل ربع الطريق كدة مايخلص روحت مهدى السرعة وهو كذلك ( راح جية جنبى وكلكسلى , شغلت الانتظار روحت باصصلة , لقيتة بيقولى العربية دية متربنة وكام سى سى , قولتلة دية sir قالى يعنى كام قوتلة 1600 سى سى 175 حصان استوك ) راح قايلى ربنا يباركلك فيها ماشاء الله راح مدينة كلكس تحية روحت مديلة كلكس تحية مع رعاشين نور وانتهى القصة على كدة ( السوناتا دية كانت ال 2000 سى سى ) العادية الشكل الجديد 2012 سوداء

وانا راجع بقى رجعت على الساعة 6:30 كدة وخدت كوبرى اكتوبر وانا طالع كوبرى اكتوبر من عند اخر طريق النصر لقيت النترا 2012 نبيتى فتحة سقف وعمال يدينى رعاش وعايز يعدى وانا قدامى ميكروباصين واحد شمال والتانى يمين والكوبرى كلة حارتين وهو راح ناقل للحارة التانية وعمال يدى رعاش للميكروباصين وعمال يكلكس , فالمهم بتاع الميكروباص دخل الناحية بتاعتى عند الملف الحاد دة وراح بتاع الهيونداى دايس وانا دوست وراة , قولت بس هشوف بقى ثبات الالنترا فى الملف , لقيت الواد جاب ورااااااااااااا وداس فرامل وهدى خالص روحت انا بقى مستلمة وقعدت اديلة فى رعاش وكلكس لانى بعدى الملف بأسرع من كدة بكتير , المهم راح خلص الملف وشادد وانا وراة طلع على كوبرى اكتوبر فى اتجاة رمسيس والتحرير وطبعا الوصلة دية حارتين فقط بردة وبتاع الالنترا طاير وانا وراة جيت بقى عايز اعدية راح مصدرلى عربيتة فى النص ومافيش منفذ اعدى ولا هنا ولا هنا وعمال اديلة فى رعاش وكلكس ولا كأنة موجود وهو دايس وبيجرى وانا مثبت سرعتى ومش عايز يعدينى لدرجة انة نرفز اخويا جدا , عشان مش عايز يخلينى اعدى , وانا قولت اكيد هتيجى فرصة وفعلا , جت الملف اللى بيبقى فى الطلعة بتاعة صلاح سالم , واضطر يبقى فى الحارة الشمال وطبعا عدى بس هدى لان عربيتى بتميل جامد مع الملفات وانا روحت طاير من اليمين وخدت الملف دة على سرعة 150 كم , وهديت بعديها واستنيتة وسيبتلة جمب عشان اعرفة مقامة والفرق مابين العربيتين , والمفأجاة انة مارداش يشد معايا ( خاف طبعا لا يتهزأ تانى ) روحت سايبة وماشى وعملت علية بدوستين vtec خليت الكوبرى كلة يتفرج

ودية كانت التجربة اليومية مابين هوندا وهيونداى