الموضوع: شداية نار بال SiR مع هيونداى سوناتا 2012

المشاركة الأصلية كتبت بواسطة MohammedAladel

طيب ولما العربية القديمة دى تشد قصاد السيفيك ال 2012 يعمل إيه صاحبها برضه هيبقى مكسوف ؟

المفروض النهاردة سيفيك على سعرها دا أقل ما فيها يبقى محرك 160 حصان
تقريبا أسترا تربو نفس السعر وشوف محركها بيطلع كام حصان

هو بصراحة المحرك اللى فى العربية ال sirجامد ولكن انا مش شايف تكنولوجيا هوندا الجامدة فى السيفيك حاليا
إيه السبب ؟؟؟

الاسترا البيزك ب 177 الف 116 حصان و التربو ب 215000 الف ومش محصله كماليات الهاي لاين في السيفيك ام 200 الف
مع العلم ان الاسترا جماركها ارخص من السيفيك 40%
نيجي لحتة المواتير
هوندا التزمت بقياسات يورو 5 الخاصه بالانبعاثات الضاره بالبيئه فمبقتش تعمل مواتير ال 2 كامه ال 1600 و علت السعه ل 1800 سي سي و طبعا انت عارف جمارك بلدك فاصبح الموتور بيتعمل سبيشيال اوردر لمصر و تركيا 1600 كامه واحده و بيطلع 123 حصان بنظام ivtec
طبعا طبقا للكلام النظري هنقول الموتور عادي بس اؤكد لك انه على الارض متجاوب جدا جدا و ممتع في سواقته و تحس العربيه متربنه بعد ال 3500 لفه ومش هقول بيعدي ايه
و الدليل سنوري زملينا نزل من SIR مانيوال للجيل التامن و ما اتضايقش
تحياتي

المشاركة الأصلية كتبت بواسطة minicooper20

موااااااااااااااااااااااا ااااافق
انا لو اتغلبت هسيح لنفسى خلقه انا مبتكسفش
و لو سمسم مش فاضى ممكن اى حد بس يكون قابل انا بكون فى مكستوى ال 330 و انا محمل و انا معاه من صفر و متحرك و لى حد توب سبيد
و ياباشا سيح زى متحب

اتفقنا نحدد المكان و الزمان و كل واحد يجيب رجالته

بس عرفني انت حتجري ب ايه

المشاركة الأصلية كتبت بواسطة mohammedaladel

صدقنى كنت عارف إن اللى هيرد هيقول إنها على الطبيعة أقوى من كدا وإنها تكاد تكون 200 حصان ع الطبيعة وإن الهوندا قوة لا تضاهيها قوة حتى لو كان المحرك 90 حصان ينافس المحرك ال 190 حصان الكلام دا مش منطقى خالص

بعدين كماليات إيه دى اللى حضرتك بتتكلم عنها فى عربية شكلها غلط ؟؟؟ ممكن حد يرد يقول من ورا شكلها غلط لكن من قدام عروسة هو بالعافية ؟ كل الناس أجمعت إن الشكل الجديد فاشل
ولو على الكماليات الفئة الأولى اللى ب 176 مفيهاش مرايات ضم دا لو على الكماليات

تمام قوى يعنى هوندا مش بتنزل مواتيرها القوية فى مصر ودا اللى أنا متوقعه فى الرد بس المفروض برضه السعر يبقى منافس والشكل جذاب

الأسترا تربو على كونتاكت شفتها ب 214 ألف وإنت عارف مواصفاتها إيه وشكلها من برا كمان بيتكلم

أنا مش بقارن بين الأسترا تربو والسيفيك لأن مفيش وجه مقارنة لا إمكانيات ولكن مقارنة كسعر
أعمل بيها أيه شوية كماليات فى الهاى لاين اللى ب 200 ألف تقريبا والشكل برا محبط

مع محرك 123 حصان !!!!!!!!!

طيب مقلتليش حضرتك ال sir تعمل إيه مع السيفيك الجديدة فين هى الباور أووووووووووووف دريم ؟؟

وطالما هوندا مبقتش تنزلنا المواتير الجبارة بتاعتها يبقى نبطل المبالغة فى الوصف :)

ونكتفى بالكلام عن ماضى هوندا مع ال sir عشان محدش يتصدم من الباور اللى طالع اليومين دول بالأسعار الغير منافسة هو كام واحد هنامعاه السيفيك الجيل الأخير ؟؟؟؟

وازاى اللى نزل من ال sir اللى كله بيحكى عن محركها الفائق محس بفرق فى السحب مع الجيل التامن الأوتو ؟؟؟

على فكرة انا بطلع بعربيه حقيرة من سيفك 2008 ب 109 حصان فقط وببهدلها من صفر الى 100

المشاركة الأصلية كتبت بواسطة MohammedAladel

وازاى اللى نزل من ال sir اللى كله بيحكى عن محركها الفائق محس بفرق فى السحب مع الجيل التامن الأوتو ؟؟؟

كل وقت و له اذان زي ما بيقولوا

انا لما نزلت من ال sir نزلت عشان قولت كفاية جري كده انا عندي اولاد و استخداماتي اليومية بستعمل فيها نص طاقة الموتور قولت طالما انا بطلت الجري المفتري ليه احتفظ بحاجة مش بستعملها

انا بس عايز اوصل معلومة اللي مقعدش في sir و هي بتجري ياريت ميفكرش انها مجرد 1600 و احنا مهولين الموضوع احنا مش بنتكلم عن فيرنا موتورها متفتح ولا عربية مش للجري اصلا و احنا عاملينها عربية خرافية

ال sir اصلا يعني جري و جري مفتري و غبي و النقطة اللي بنتكلم فيها و بنفتخر بيها ان كل ده من 1600 NA

نيجي بقى للنقطة بتاعة ال الموتور بتاع السيفيك الجديدة
في فرق بين عربية بتجمع بسهولة و بتجري و بين عربية بتقعد تجر فيها و هي عاملة زي الجثة
و في فرق برضه بين عربية بتجري و تجمع بسهولة و عربية بتجمع و بتجري بسهولة و بتفتري في الجري

انا بالنسبالي الموتور الجديد ممتع جدا و بيجري و كل حاجة بس في عربيات اجي عندها و محاولش اجري معاها غير ال sir كنت بدوس مع اي حاجة

المشاركة الأصلية كتبت بواسطة lanos2004

على فكرة انا بطلع بعربيه حقيرة من سيفك 2008 ب 109 حصان فقط وببهدلها من صفر الى 100

و مين قال ان ال 2008 بتاعة من 0-100 ؟

بس فوق بقى تعرف تشوفه ؟ معتقدش