الموضوع: شداية نار بال SiR مع هيونداى سوناتا 2012

المشاركة الأصلية كتبت بواسطة TFSI

الأخ سامح

الشارع اللى كنتوا بتجروا فيه ده إمتداد يوسف عباس وفيه مطلع كبير بطول الشارع وبما إن العربية عندك عزمها ضعيف فبالتالى الفرق ما كنش جامد .

والله شوف ياباشا انا مش عارف اسامى الشوارع , بس هو اول شارع يمين بعد ماتخلص طريق النصر

على فكرة انا عمرى محسيت ان عزم العربية ضعيف اصلا هية عندى العزم بتاعها 16كجم على وزن عربية 1175 كجم , مقدار القوة الحصانية الى الوزن ( 111 حصان ) مع بنزين 95

التسارع من صفر الى 100 كم فى 6.7 ث , ودة انا محققة قبل كدة

السرعة القصوى 258 كم وصلتلها فعليا , من صفر الى 200 فى 25-26 ثانية فى الحدود دية

انا عايز اقول لحضرتك لحاجة انا عمرى فى حياتى وانا بجرى فجأءة مع حد سقط غيار باخد سرعة العربية والنقلة اللى عليها وبجرى عليها والحمد لله بتسحب معايا ( وممكن تسألوا ( كشرى ) لان كان لسة راكب معايا وشاف كدة فعلا , مافيش اى تأثير يذكر على العزم بتاع السيارة او التسارع الحمد لله

المشاركة الأصلية كتبت بواسطة formulator

ممكن تكون سوناتا 2.0T تربو مش N/A
(لأنى بتكعبل فيهم كتير أوى هى السوداء 2.0T وواحدة بيضاء برضه 2.0T)

- عشان كده سامح مازعلوش جامد؟!!


هية فعلا طلعت السوناتا 2000 سى سى تيربو واتأكد من اخويا

على فكرة انا مازعلتوش جامد عشان الصيانة اللى محتاجها فوق دية , ياباشا انا فكيت فلتر البنزين طلع حبر اسود مش بنزين , والله الفلتر انتهى تماما من اكتر من 20000 الف كيلو , دة غير ضغط الكاوتش والزيت , والبنزين كل دة خلى العربية تعمل كدة

+111
ممكن برضه، الحته دى عايزة مواتير تربو يامعلم!!
يعنى الشداية دى لو فـ طريق مستوى-مفتوح شوية.. كان فرق العربيتين (اللى مزعل سمسم) بقى فرق 5-6 عربيات؟!!!
ههههههههههههههههههههه

انت عارف انا زعلان لية عشان اول مرة اعمل فى العربية كدة انا كنت بغير الحاجة قبل ميعادها ( يعنى الزيت كنت بنزلة قبل ميعادة ب2000 كم , فلتر البنزين كنت بغيرة كل 20000 الف بدل من 40000 الف , زيت الفتيس كنت بغيرة كل سنة , تيل الفرامل هما السنتين حتى لو خارج نصة اللى متاكل ) - بنزين 95 دة ماكنش بينزل من العربية
كل اسبوع لازم نظافة مستمرة للعربية كاملة
المشكلة بس الفترة اللى فاتت كانت ظروف الزواج وبعديها الشغل وشوية كورسات مش لاقى وقت خالص اعمل حاجة بس ان شاء الله هفضالها

المشاركة الأصلية كتبت بواسطة yasserelsayad

احتمال باردوا بس دى مش حاجة كويسة يعنى
بس باردوا مش للدرجة دى .. على كدة لو راكب معاه كام واحد العربية اداءها بيقل خالص بقى ولا ايه ؟

على فكرة مافيش فرق يذكر نهائى وانا محمل العربية او وانا فيها لوحدى غير فقط فى الطلعة بعد كدة والله مابحس بأى تأثير نهائى سواء بتكييف او من غير تكييف الحمد لله

المشاركة الأصلية كتبت بواسطة TFSI

لا حضرتك للدرجة ديه لأن التورك ضعيف جداً فى الموتير ديه وأما كنت بجرى (بعربيات مختلفة على حسب الفئة والتعديل) مع أى حد sir أو h22 كان دايما يشوف مطلع يقولى لأ نجرى فى المنزل ونجرى من 60-70 عشان ال v-tec وبرده بيتعلم عليه هههههههه

شوف ياباشا انا عمرى ماحسيت ان الtorque ضعيف ابدا , يعنى انا الحمد لله بطلع اى مطلع بدون الضغط على العربية نهائى بعكس بشوف العربيات بتاعة اليومين دول مواتيرهم بتبقى مضغوط عليها عشان تطلع معاهم مستريح
انا مش معاك نهائى نقطة العزم دية ياباشا , ممكن يكون عندهم حاجة غلط او مش مظبوطة وهات اى حد معاة SiR هنا ويأكدلك كلامى
وربنا يباركلك فى عربيتك ياباشا

المشاركة الأصلية كتبت بواسطة yasserelsayad

المتعدل حاجة والـ stock حاجة تانية

وبعدين الـ 328i دى 245 حصان (بس حكاية 240 whp) .. انا بتكلم على السوناتا نفسها وموضوع المطلع دا .. دى 274 حصان وعزمها 365 نوتين مع عربية اه High rev بس عزمها تقريبا اقل من السيراتو مثلا 157 نوتين و175 حصان.


فى فرق فى السرعات سيدى الرئيس :)

عزم الهوندا 16 كجم عند عدد لفات بالنسبة للفتيس المانيوال المزود بlsd ودية عربيتى

معلش ياباشا ممكن بس تخرج السيراتو من الموضوع عشان هية مالهاش دعوة بالفئة دية خالص