اقتباس المشاركة الأصلية كتبت بواسطة mohammedaladel مشاهدة المشاركة
صدقنى كنت عارف إن اللى هيرد هيقول إنها على الطبيعة أقوى من كدا وإنها تكاد تكون 200 حصان ع الطبيعة وإن الهوندا قوة لا تضاهيها قوة حتى لو كان المحرك 90 حصان ينافس المحرك ال 190 حصان الكلام دا مش منطقى خالص

بعدين كماليات إيه دى اللى حضرتك بتتكلم عنها فى عربية شكلها غلط ؟؟؟ ممكن حد يرد يقول من ورا شكلها غلط لكن من قدام عروسة هو بالعافية ؟ كل الناس أجمعت إن الشكل الجديد فاشل
ولو على الكماليات الفئة الأولى اللى ب 176 مفيهاش مرايات ضم دا لو على الكماليات

تمام قوى يعنى هوندا مش بتنزل مواتيرها القوية فى مصر ودا اللى أنا متوقعه فى الرد بس المفروض برضه السعر يبقى منافس والشكل جذاب

الأسترا تربو على كونتاكت شفتها ب 214 ألف وإنت عارف مواصفاتها إيه وشكلها من برا كمان بيتكلم

أنا مش بقارن بين الأسترا تربو والسيفيك لأن مفيش وجه مقارنة لا إمكانيات ولكن مقارنة كسعر
أعمل بيها أيه شوية كماليات فى الهاى لاين اللى ب 200 ألف تقريبا والشكل برا محبط

مع محرك 123 حصان !!!!!!!!!

طيب مقلتليش حضرتك ال sir تعمل إيه مع السيفيك الجديدة فين هى الباور أووووووووووووف دريم ؟؟

وطالما هوندا مبقتش تنزلنا المواتير الجبارة بتاعتها يبقى نبطل المبالغة فى الوصف :)

ونكتفى بالكلام عن ماضى هوندا مع ال sir عشان محدش يتصدم من الباور اللى طالع اليومين دول بالأسعار الغير منافسة هو كام واحد هنامعاه السيفيك الجيل الأخير ؟؟؟؟

وازاى اللى نزل من ال sir اللى كله بيحكى عن محركها الفائق محس بفرق فى السحب مع الجيل التامن الأوتو ؟؟؟
على فكرة انا بطلع بعربيه حقيرة من سيفك 2008 ب 109 حصان فقط وببهدلها من صفر الى 100