حاستلم الصنى 2013 بكرة

**TeamUtd** · 23-09-2012 09:52 PM

السلام عليكم

دى اول مشاركة ليا ... ان شاء الله حاستلم الصنى 2013 اوتوماتيك بكرة حاجزها من شهر 7 .. كنت عايز اسأل حضراتكوا اولآ :
1. ايه اللى اعمل عليه check فى العربية قبل ما استلم و
2. ايه اللى اتأكد منه (زى مثلا البطارية الجافة) و
3. ايه الورق اللى المفروض حستلمه من المعرض

ثانيا:

بالنسبة للمرور و الترخيص لو حد يقدر يقولى الاجرائات اللى بتتعمل و بتتكلف كام

ثالثا:

لو عايز افرش العريبة جلد عشان اخافظ على الفرش ايه احسن مكان فى اسكندرية اعمل فيه الموضوع ده و هل التوكيل بيعملها ولا لآ و بتتكلف كام تقريبا

اخيرا:

العربية كانت فى المعرض من يوم الخميس اللى فات بس كانوا مستنيين الورق بتاعها هل ده عادى و لا المفروض العربية تيجى من المصنع علطول

اسف جدا على الاطالة و جزاكم الله خيرا

**TeamUtd** · 23-09-2012 10:49 PM

العربية برونزى فرش بيج ان شاء الله

**TeamUtd** · 23-09-2012 11:53 PM

يا رجالة اى رد طيب

**Youssef.Awad** · 24-09-2012 12:06 AM

1000 مبروووووووووووووووووك مقدما .. وتستلم على خير ان شاء الله

راجع الموضوعات التالية للافادة (بخلاف موضوعات الصنى الجديدة فى الفهرس المثبت والمكتبة):
http://www.nilemotors.net/Nile/309300-a.html
http://www.nilemotors.net/Nile/308119-a.html
http://www.nilemotors.net/Nile/308039-a.html
http://www.nilemotors.net/Nile/308310-2013.html
http://www.nilemotors.net/Nile/309029-2013.html

اوراق الاستلام كالاتى وجميعها يلزم احتوائها على رقم الشاسيه والمحرك ويشترط وجودها للترخيص فى المرور:
(1) شهادة ملكية العربية

ودى بتكون فيها بيانات العربية كاملة زى الافراج الجمركى بالنسبة للعربيات المستوردة ويكون مكتوب فيها إنتاج محلى
ومختومة بخاتم نيسان مصر المعتمد وخاتم الموزع المعتمد وتاريخ الانتاج من المصنع.

(2) مبايعة العربية أو خطاب المرور

ودى بتكون مثل عقد البيع من المعرض لحضرتك ويكتب فيها اسمك بالكومبيوتر مع بيانات العربية كاملة
وفيها صيغة توجيه الى المرور المعنى بترخيص العربية من واقع محل اقامة حضرتك (من واقع بيانات الرقم القومى وايصال كهرباء او غاز للسكن)
وبهذا يكون ترخيص العربية باسمك لو تم كتباتها مسبقا ويشترط للترخيص باسم المشترى الجديد منك عقد بيع جديد منك له لضمه فى ملف المرور
ويكتب فيه عبارة (مع حظر البيع لصالح بنك ..... وعدم التجديد الا بموجب خطاب وتفويض من البنك) فى حالة الشراء بالتقسيط بقرض بنكى

(3) خطاب تخصيص سيارة

وده يتوفر فقط فى حال الشراء بالتقسيط مع احد البنوك ويوجه باسم البنك المسحوب منه القرض مع ذكر بيانات العربية من شاسيه ومحرك واللون ويكتب فيها اسم المالك او صاحب القرض

(4) ايصال استلام
ويتم كتابته بعد استلام العربية من المعرض بتحديد اليوم والتاريخ والساعة ايضا لأخلاء مسؤولية المعرض عن العربية من ساعة تاريخه

(5) كتيب الضمان

يتم كتابة بياناته من واقع رخصة السيارة واسم المالك بعد الترخيص

**Bishoy.Girgis** · 24-09-2012 12:26 AM

الف الف مبروك استلام العربية مقدما ً :))
و انا شايف ان يوسف قام بالواجب ووضع كل اللينكات اللي فيها اجابات لكل اسئلتك
و اهلا بيك بقسم نيسان نايل موتورز و منتظرين تقاريرك

**TeamUtd** · 24-09-2012 01:05 AM

المشاركة الأصلية كتبت بواسطة peaceman

الف الف مبروك استلام العربية مقدما ً :))
و انا شايف ان يوسف قام بالواجب ووضع كل اللينكات اللي فيها اجابات لكل اسئلتك
و اهلا بيك بقسم نيسان نايل موتورز و منتظرين تقاريرك

الله يبارك فيك :)

ان شاء الله لو ربنا سهل و استلمت بكرة ححاول اعمل تقرير بالاستلام فى اقرب وقت

**kliken** · 24-09-2012 01:46 AM

الف مبروك يا باشا و ربنا يباركلك فيها ان شاء الله

**ehab78** · 24-09-2012 02:11 AM

الف مبروك يا باشا00وباذن الله تستلم على خير

**TeamUtd** · 24-09-2012 02:49 AM

المشاركة الأصلية كتبت بواسطة ehab78

الف مبروك يا باشا00وباذن الله تستلم على خير

المشاركة الأصلية كتبت بواسطة kliken

الف مبروك يا باشا و ربنا يباركلك فيها ان شاء الله

الله يبارك فيكو يا رجالة و يا رب يسهل الامور بكرة ان شاء الله

الموضوع: حاستلم الصنى 2013 بكرة

LinkBack

أدوات الموضوع

عرض

-

-

-

المواضيع المتشابهه

انا رايح بكرة 16-12-2012 اشوف فيات لينيا 2013

زيييت الصنى 2013

سعر الصنى 2013

ايه رايك فى شكل الصنى 2013

إن شاء الله حاستلم لانوس بكرة

الكلمات الدلالية لهذا الموضوع

المفضلات

المفضلات

ضوابط المشاركة