مشكلة قرفاني بجد وشكلي هاسيب الشقة بسببها

**mikho83** · 03-12-2012 12:46 PM

السلام عليكم يا أهل المنتدى
انا عندي مشكلة بجد مزهقاني ومؤرقة عليا حياتي وقرفان من البيت
مشكلة الدود!!!!! ايوة والله الدود
كل ما يكون فيه شوية مية مثلا على أرضية الحمام ونسيبها لتاني يوم الصبح نلاقيها مليانة دود. لو زوجتي غسلت المواعين وسابته على حوض المطبخ لأي سبب وجينا تاني يوم نلاقي فيه دود تحت المواعين. لو فيه عيش وسيبناه كذا يوم نلاقيه مليان دود.
انا عارف اني قرفتكم بالكلام، ما بالكم بقى باللي عايش فيه.
المشكلة إني مش عارف ايه السبب!!!!
ومش عارف إيه الحل.
أفيدوني أفادكم الله............

**samoreception** · 03-12-2012 01:34 PM

بصراحة نفسى افيدك بس انا اول مره فى حياتى اسمع عن حاجة كده

**friendship7897** · 03-12-2012 01:43 PM

دود !
أنا أعرف إن فيه نمل - فيه صراصير - لكن دود الله أعلم
فيه شركات لإبادة الحشرات ودي كتيرة بترش البيت من كل الحشرات اللي ممكن تتربي في البيت ،وفيه شركات ممكن تنظف وترش المواد الكيماوية وتعيش عادي في البيت ، وفيه شركات لازم تسيب البيت بعد الرش لمدة ثلاث أيام
حاول تتصل بشركة من الشركات دي يمكن يكون عندها حل
وربنا يكون في عونك وعون زوجتك
بس نصيجة عامة ، وأنا الحمد لله ماشية عليها من سنين ، وعلشان كدة عمر ما دخل بيتي أي حشرة ولو صغيرة
عند سفرك أي مكان لمدة كام يوم - هات المبيدات القاتلة للحشرات ودي ماركات كتيرة من الصيدلية أو سائبة من شارع عماد الدين - ورش الشقة حتى لو مفيهاش حاجة - دي بتكون صيانة للبيت من دخول الحشرات .

**Amr_MO** · 03-12-2012 01:52 PM

يمكن العيب في مواسير المياه الي داخلة الشقة عندك او المياه نفسها الي واصلالك احتمال كبير تكون المياه مختلطة بنسبة من مياه الصرف ومحملة ببيض الحشرات الي بيفقس لما المياه تكون راكدة ومفهاش حركة زي مياه ارض الحمام وخلافه

حرب دايما تغسل ارضية الحمام بالكلوروكس الابيض واشطفه كويس بعدها بس خلي بالك من ريحته ومتكترش منه علشان بيعمل مشاكل في التنفس

**Y a r i s** · 03-12-2012 02:06 PM

والله ماعارف اقولك ايه يا عزيزي
بس الدود ده مبيطلعش الا اذا في شيء ميت في شقتك ... او انكم بتسيبوا بقايا الطعام بالشهور اما من ليلا وضحاها .... يبقى الموضوع غريب جداً وينافي الظواهر الطبيعية او العلمية ....

ومالكش فعلاً غير انك ترش الشقة وتشوف النتيجة لو ما زالت. المشكلة قائمة. يبقى ملكش غير انك تعزل وتسيب الشقة دي يمكن يكون فيها لعنة ماااا حد اتقتل فيها زمان ولا حاجة ومكتشفوش الجثة غير بعد فترة. .... ومتابعين معاك صحيح ان المطبخ عندك نوعو ايه خشب قديم. ولا خشب جديد ولا المونيوم !!

**Ahmed Selim** · 03-12-2012 02:29 PM

جيب شركة رش.......و بيبقى عندهم رش بدون ريحة و رش بريحة........

لو عندك أطفال أعمل اللى بدون ريحة......و لو أطفال أقل من سنتين هتسيب الشقة لمدة 24 ساعة أو 48 ساعة علشان بيبقى خطر على الأطفال.

و تخللى الشركة ترشلك كويس فى إماكن البالوعات و المواسير اللى خارجة من الحوائط.

بس هى فعلاً مشكلة غريبة جداً.........المعتاد صراصير........فئران.....بس مش دود خالص.

**hossam_elwani** · 03-12-2012 02:49 PM

رش الشقه بالمبيدات المخصصه او اتصل بشركه متخصصه فى المجال ده وتانى حاجه جيب مية نار مركزه وحطها فى البلعات ومواسير المجارى مش اقل من 5 كيلو مية نار خام

**SHNORY** · 03-12-2012 03:24 PM

الدود ده يرقات ذباب او اي حشره تانيه
ممكن يكون البيض موجود ولما الميه بتيجي عليه بيفقس
تسييقه بالجاز
ورش ميه سخنه
واديها موبيدات وميه نار بعد كده لو لسه المشكله موجوده

**SHNORY** · 03-12-2012 03:24 PM

الدود ده يرقات ذباب او اي حشره تانيه
ممكن يكون البيض موجود ولما الميه بتيجي عليه بيفقس
تسييقه بالجاز
ورش ميه سخنه
واديها موبيدات وميه نار بعد كده لو لسه المشكله موجوده

-

الموضوع: مشكلة قرفاني بجد وشكلي هاسيب الشقة بسببها

LinkBack

أدوات الموضوع

عرض

مشكلة قرفاني بجد وشكلي هاسيب الشقة بسببها - انشر الموضوع فى :

-

-

-

-

-

المواضيع المتشابهه

هاسيب العربية شهر ونص - البطارية - الاطارات ؟ اعمل اية !

مشكلة قرفاني في الجيتا اي حد عندة حل لو سمحتم؟

مشكلة قرفاني في باب السواق

الكلمات الدلالية لهذا الموضوع

المفضلات

المفضلات

ضوابط المشاركة