الموضوع: محتاااااااار بين الياريس 2007 وأكسينت 2009

المشاركة الأصلية كتبت بواسطة bakroov

بس مش حينزل منها جديد ودى نقطة فى صالح الاكسنت

بس المعلومة دي جديدة
لأن أنا أعرف ان فيه ياريس 2012 و2013 كمان فبرجاء وضح ماتقصد
وفرضا لو هي فعلا مش هاتنزل تاني ده معناه إن تويوتا مش هاتنزل قطع غيار ياريس (أكيد هاتكون موجوده) وعلى فكره أكسنت بحبها جدا وكانت لآخر لحظه هاجيبها ولكن فعلا الياريس فيها مميزات كتير ومنها انها 1300 سي سي تخيل إن دي ميزه عندي مع إن الكل بيدور على الماتور العفي، وهاتقولي ليه ؟؟ هاقولك عشان أنا عارف تويوتا كويس وقوتها وسحبها وتكيفها عاملين ازاي

فما قولك دام فضلك ؟؟

المشاركة الأصلية كتبت بواسطة kotimg2

يارس طبعا لامجال للمقارنة

بشكرك على الرد
بس أنا بحب الرد يكون مسبب عشان أفهم لأني أنا ركبت كل واحده فيهم مره واحده وماكنتش سايق حتى، وطبعا منبهر بالياريس مع زهقي من مقدمتها الغريبة والل مش بتتشاف دي
فأنا منتظر من حضرتك تسبيب ولو بسيط عن الياريس له هي بجداره ولا مقارنه بينها وبين الأكسنت

المشاركة الأصلية كتبت بواسطة bakroov

الياريس عربية جميلة واصيلة بس مش حينزل منها جديد ودى نقطة فى صالح الاكسنت وخصوصا انها 2009 وده برضه بيفرق فى سعر اعادة البيع .. صلى استخارة وربنا يوفقك

طيب ما الاكسنت مش بتنزل برضه يبقي دي نقطة في صالح الاكسنت ليه ؟
ممكن توضح لي النقطة دي لو سمحت

كمان الياريس (تحديدا حتي موديل 2009 ) الوحيدة اللي ياباني لكن باقي العربيات اللي في نفس فئتها من الشركات اليابانية أنتاج تايلاندي أو هندي أو مكسيكي

المشاركة الأصلية كتبت بواسطة Y a r i s

m6r1982
يا اهلاً بيك في قسم تويوتا وسبق سئلت نفس السؤال في المنتدى التاني ورديت عليك بخصوص اليارس
بس يالله كي يطمئن قلبك

@@@@@@
واستاذ سمير. اليارس صناعه يابانية ١٠٠٪ ولسه بتتصنع في مصنع اليابان وفي شكل جديد نزل في الخليج ٢٠١٣ كمان
بس طبعاً منزلش مصر هنا لسه. عقبال مالناس تفوق وتعرف ان علشان الواحد يركب زيروا لازم يكون معاه على الاقل فوق المية الف جنية لان لسه الناس عايشة في الوهم وفاكره ان ٧٥ الف جنيه يركبوه عربية زيرو. وبجنوط وبلتوث كمان والحقيقه المره الي الناس مش قادرة تقطنع بيها ان العربيات المحترمه الزيروا علشان تركب وتقول انا راكب عربية. لازم تبدء من ٨٥ الف جنية فما فوووق لذلك سبحان الله عليهم. عربية الاكسينت الي كانت ب ٣٢٠٠٠ جنيه وبيدللووو عليها بقت ب ١٠٣ الف جنيه ومحدش اتكلم
ولمن التويوتا نطتت نطه صغيرة بل تكاد تكون قفزة زغنوونه كده من ٩٤ الف جنيه ووصلت ١٣٣ جنيه الناس هاجت وازاي ومش ازاي رغم ان المتور كبر بقه ١٥٠٠ سي سي والين الياباني قفز فشركة تويوتا في مصر مبقتش تبيعها مؤقتاً لغاية مالناس تبتدي تفوق من اثر الصدمة ان الجنية وووقع وساعتها هتبتدي تنزلها مصر تاني وبالذات لمن يجي واحد يقلك انا اجيب هونداي ب ١١٣ ولا اجيب تويوتا ب ١٣٣ لا اجيب تويوتا احسن اهي يباني وماتريل وجوده عاليه

حتى في شركة ديهاتسوا لمن الناس لقيت البياكانتوا ب ٩٥٠٠٠ جنية وكوري
والسيريون ب ١٠٣. وياباني ١٠٠٪. ابتدو يدوروا عليها. وقدروا يبلعوا سعرها ويقتنعوا ان هوا ده تمنها العادل وسعر السوق بس شركة ديهاتسوا طلعت ناصحه وقامت رافعه السعر مع زيادة الطلب عليها

وبالتوفيق لصاحب الموضوع

بشكرك على المرور وأنا مقتنع تماما بالياباني
==========================
وأنا على فكره خلاص يمكن بكره بالكتير أنزل أشوف السوق كده وأشتري ياريس .
بس الراجل اللي جاي معاي بيخوفني من قطع الغيار والصيانة وإن قطع الغيار مش موجوده ومش عارف إيه ؟؟ فهل الكلام ده صحيح ؟؟؟ برجاء الإفادة ممن معه السيارة وخاصتا أنا هاكون في المنوفية يعني صنايعيه زي الـ

والله ياجماعة أنا اقتنعت بالياريس تماما مع احترامي الشديد لنيو أكسنت لكن أنا عندي عقده من موضوع الصيانة بسبب الصني 2003 اللي كانت معي .. فدلوني أفادكم الله

يا تيوتاويه طمنوني أرجوكم

قطع غيار الياريس فعلا مش موجوده كتير أو غاليه عن باقي تويوتا أو فيه قطع معينه مش موجوده أو فيه أي مشاكل بالنسبة للصيانة أو قطع الغيار، يكون أنا ماعرفهاش ...

برجاء من معه ياريس يجيبني وشكر مقدما.

للمرة الثانية أرجوكم ... يا تيوتاويه طمنوني

قطع غيار الياريس فعلا مش موجوده كتير أو غاليه عن باقي تويوتا أو فيه قطع معينه مش موجوده أو فيه أي مشاكل بالنسبة للصيانة أو قطع الغيار، يكون أنا ماعرفهاش ...

برجاء من معه ياريس يجيبني وشكر مقدما.