محتاااااااار بين الياريس 2007 وأكسينت 2009

**m6r1282** · 24-09-2012 01:39 PM

محتاااااااار بين الياريس 2007 وأكسينت 2009 مانيوال فول أوبشن

مبدئيا أنا موفر 63 ألف بالعافية وحسب السوق اليومين دول وجدت (الفابريكه وعدادها صغير مانيوال وفول أوبشن) من الإثنين يكون في حدود السعر ده بشويه فصال وحركات .. وتسهيل ربنا قبل كل شيء

لكن أنا فعلا محتار، فاهحكيلكوا مختصرا طبيعة الدنيا عندي والحالة المادية
واختاروا معي

المحافظة المنوفية فالمطبات عبارة عن كباري صغيرة

قطع الغيار عايز ذات جودة عاليه (أصلية أو غيره) وسعرها يكون حنين
موفره في البنزين لوبسافر أسبوعيا من المنوفية للقاهرة مثلا
ماتعطلش كتير (طبعا مع إن هاحافظ عليها) يعني أكثر اعتمادية
الجسم القوي والبويه القوية والباور التمام في عجلة القيادة
أكثرهما تعميرا من ناحية الماتور بالذات ومن ناحية الداخل والجسم الخارجي
وغير ذلك ممايلمسه من يقرأ الموضوع ويهتم لسؤالي
((مع الأخذ في العلم إن ياريس هاتكون 2007 وأكسينت 2009)) دا طبعا على أد اللي معايا من أموال.

مشكورين مقدما

**haroun707** · 24-09-2012 02:25 PM

accent

**m6r1282** · 24-09-2012 02:58 PM

المشاركة الأصلية كتبت بواسطة haroun707

accent

شكرا على الرد ولكن
هل ده رأي شخصي ولا عن تجربة للسيارتين ولا ماذا ؟
برجاء التوضيح بعض الشيء مشكورا

**essam2z2** · 24-09-2012 03:16 PM

بص هما العربيتين كويسين ولو جبت ده او ده مش حتندم بس اليبانى يبانى برده انا خالى معاه ياريس 2007 و عاملة حوالى 100000 كيلو والحمدلله مغيرش اى حاجة ةفيها غير الصيانات العادية والبوجيهات وعربية ناعمة وتحفة بكل المقاييس وكمان ماطورها بيجمع بسرعة و 1300 سسى يعنى موفرة فى البنزين ودى نقطة فيها احسن من النيو اكسنت اللى 1600 سسى وقريبين فى الأداء مع بعض الياريس طبعا عفشتها احسن من النيو اكسنت واعلى على الأرض من الأكسنت يعنى من الأخر صعب تحك فى مطب الصالون من جوة بيتهيألى زى بعض مش فارقة وقطع الغيار موجودة للأثنين بس على حد علمى الهيونداى اسهل فى موضوع قطع الغيار الياريس عيبها على السرعات العالية مش ثابتة اوى بعد 140 كدة انا معرفش ايه نظام النيو اكسنت فى الثبات عشان مسوقتهاش على طريق سريع فى الأخر زى ما قولتلك فى الأول الأثنين كويسين ولو جبت ده او ده مش حتندم انا عن نفسى لو مكانك حجيب الياريس عشان بحبها اكتر بس فى نقطة فى الياريس لازم تاخد بالك منها وتشوف حتناسبك ولا لأ ان وانت سايق مابتشوفش الكبوت نهائى لو حتى وقفت على رجليك بتعرف ابعاد العربية بعد كده بالتعود وطبعا لو فى واحده حالتها احسن من التانية تجيبها عشان انت بتجيب عربية مستعملة فأهم حاجة هى الحالة

**m6r1282** · 24-09-2012 03:36 PM

المشاركة الأصلية كتبت بواسطة essam2z2

بص هما العربيتين كويسين ولو جبت ده او ده مش حتندم بس اليبانى يبانى برده انا خالى معاه ياريس 2007 و عاملة حوالى 100000 كيلو والحمدلله مغيرش اى حاجة ةفيها غير الصيانات العادية والبوجيهات وعربية ناعمة وتحفة بكل المقاييس وكمان ماطورها بيجمع بسرعة و 1300 سسى يعنى موفرة فى البنزين ودى نقطة فيها احسن من النيو اكسنت اللى 1600 سسى وقريبين فى الأداء مع بعض الياريس طبعا عفشتها احسن من النيو اكسنت واعلى على الأرض من الأكسنت يعنى من الأخر صعب تحك فى مطب الصالون من جوة بيتهيألى زى بعض مش فارقة وقطع الغيار موجودة للأثنين بس على حد علمى الهيونداى اسهل فى موضوع قطع الغيار الياريس عيبها على السرعات العالية مش ثابتة اوى بعد 140 كدة انا معرفش ايه نظام النيو اكسنت فى الثبات عشان مسوقتهاش على طريق سريع فى الأخر زى ما قولتلك فى الأول الأثنين كويسين ولو جبت ده او ده مش حتندم انا عن نفسى لو مكانك حجيب الياريس عشان بحبها اكتر بس فى نقطة فى الياريس لازم تاخد بالك منها وتشوف حتناسبك ولا لأ ان وانت سايق مابتشوفش الكبوت نهائى لو حتى وقفت على رجليك بتعرف ابعاد العربية بعد كده بالتعود وطبعا لو فى واحده حالتها احسن من التانية تجيبها عشان انت بتجيب عربية مستعملة فأهم حاجة هى الحالة

أشكرك بشده وأنا عايز الردود الواضحة زي كده فعلا
وادع لي بالتوفيق لأن الواحد مش عارف الخير فين

**S O P H O S** · 24-09-2012 04:58 PM

بص حضرتك الاثنين لو قدامك هات الانظف فيهم بدون تحيز
لان الاهم هنا مش العربية الاهم الانظف كحالة
ولو الاثنين قريبن من بعض
كراي هات الياريس ..
والله اعلم

**m6r1282** · 24-09-2012 05:05 PM

المشاركة الأصلية كتبت بواسطة s o p h o s

بص حضرتك الاثنين لو قدامك هات الانظف فيهم بدون تحيز
لان الاهم هنا مش العربية الاهم الانظف كحالة
ولو الاثنين قريبن من بعض
كراي هات الياريس ..
والله اعلم

تعرف حتى الآن هي دي الطريقة اللي ناوي أتعامل بيها في الشراء
ادع لي بالتوفيق لأيهما أحسن حالة وأحسن مستقبلا

**S O P H O S** · 24-09-2012 05:13 PM

المشاركة الأصلية كتبت بواسطة m6r1282

تعرف حتى الآن هي دي الطريقة اللي ناوي أتعامل بيها في الشراء
ادع لي بالتوفيق لأيهما أحسن حالة وأحسن مستقبلا

ان شاء الله ربنا يوفقك للافضل فيهم
ويكرمك بالاحسن ..

**Motaz.Habib** · 24-09-2012 05:33 PM

يا اهلن يا اهلن بالحبايب
بص يباشا انا هنقلك واقع تجربتى مع الياريس حبيبتى
انا اصلا من المنوفية من شبين و عايش فالقاهرة و بسافر كل خميس و جمعة باستمرار
بص العربية معايا بقالها سنتين من 01/01/2011
انا كنت جايبها عاملة 40 الف و تقريبا قربت على 100 خلاص و هى موديل 2008 اوتو
العربية انا بفحتها فحت غير طبيعى و بقرص على النقات و كل اللى تتخيلة و الحمد لله بجد عربية اصيلة جدا بس المهم انى بعمل الصيانة فالتوكيل
انا من يوم مجيبتها مغيرتش فيها اى حاجة غير المساعدين اللى ورا ودة بسبب الزراعى و المطبات و انا بكون بجرى علية فطبيعى المساعدين تضرب و الكلام دة عند 80 الف
العربية مريحة جدا فالسفر تكيف لا يعلا علية و خصوصا لو الزراعى واقف السعة 2 او 3 كدة فالصيف ولا تحس باى حاجه عفشة مريحة و حط تحتيها 100 خط سحبها طبعا مش هؤلك جبار بس كويس على 1300
خامتها من جوة حلوة مشكلتى مع العربية دى حجتين الاكصدامات بتاعتها ضعيفة جدا لو حد لمسها بتقع و دى ليها حل انى علمتلها مسامير من جوة تمسكها و خلاص المشكلة التانية هى الثبات فوق 140 هتلاقى العربية مش قد كدة بس عادى انا بجيب بيها 180 على الصحراوى

طيب نيجى بقى للاكسنت العربية مع اخويا جايبها زيروا اوتو اللى هى نيو اكسنت بعدى بشر او اتنين تقريبا
طيب العربية جرايا لابعد الحدود تعالى بقى بص على العفشة بترزع بطريقة غير طبيعية والله وانا بركبها بحس انى راكب ديزل قطع غيرها طبعا تحفة و رخيصة عن التويوتا هو حالين بيفكر يبعها علشان ضهرو مبقاش مستحمل لانة ساكن فالقاهرة و بيروح و يجى كل اسبوع بردة الخامات من جوة تعبانة جدا حتى الطابلوة بتاعها مش بيعجبنى

اى استفسار تانى انا تحت امرك يباشا دة كل اللى اقدر افيدك فية فالعربيتين دول و طبعا دى وجهة نظرى والله اعلم بردو و ربنا يوفئك و تجيب حاجة تريحك و مبروك مقدما

-

الموضوع: محتاااااااار بين الياريس 2007 وأكسينت 2009

LinkBack

أدوات الموضوع

عرض

محتاااااااار بين الياريس 2007 وأكسينت 2009 - انشر الموضوع فى :

-

-

-

-

المواضيع المتشابهه

محتاااااااار فى الكشف على ميجان مستعملة

هل فعلا الياريس 2009 اقل جوده من 2006 و 2007 و 2008 ؟

عن الياريس 2009

الفروق بين الياريس 2009 و الياريس 2008

انا محتاااااااار ارجو الافادة

الكلمات الدلالية لهذا الموضوع

المفضلات

المفضلات

ضوابط المشاركة