محتاااااااار بين الياريس 2007 وأكسينت 2009

**mkmaly** · 27-09-2012 04:11 PM

عامل زى الى بيختار بين الكباب والعدس

**m6r1282** · 27-09-2012 04:14 PM

المشاركة الأصلية كتبت بواسطة y a r i s

يافندم. اطمن وحط في بطنك. بطيخة ياباني كمان
نيجي بقه للعيوب الحقيقه
اكصدمات ضعيفه هيا تعتبرر حلية للعربية
اسطوانت الدبرياج. بتخلص حسب ما انتا بتتعافى على العربية وتبقى عاوز تغيرها كل ٦٠ الف كيلو كده لانها تعتبر حاجة مستهلكة

زرار الايشارة الرباعي ضعيف وبيعلق
- تقصد زرار الإنذار ولا دراع الإشارات ؟

كرسي السواق في بعض العربيات بيزيق

في ناس اشتكت من ثباتها. بعد ال ١٤٠
- دي مش مشكلة لأن أنا مش جراي يعني لا أصل لـ 140

اما غير كده عربية زي الفل. وعلى قولت اخ لينا هيا العربية قيمة. مقابل كل قرش تدفعوا فيها. بسم الله مشاء الله وبالتوفيق

جزاك الله خيرا على الرد

فعلا موضوع الديبرياج ده أنا لسه قارئه حالا

بالسنبة كمان للمانويل 2007 و 2008 فعلا لايوجد فيهم abs

**m6r1282** · 27-09-2012 04:15 PM

المشاركة الأصلية كتبت بواسطة mkmaly

عامل زى الى بيختار بين الكباب والعدس

ههههههههههههههههه
بس النيو أكسينت مش عدس دي عربية محترمة جدا

**Samir Elshahawy** · 29-09-2012 05:27 PM

توكل علي الله و هات الكباب (قصدي الياريس)
هههههههههههه

و علي فكرة العدس برضه بقي غالي و مش موجود
مع تحياتي لصاحب التعليق

**Y a r i s** · 29-09-2012 05:52 PM

ههههههههههه. تصدقوا بقالي زماااااااااااان مكلتش كباب بس انا لسه فاكر طعموا هو كان حتت سودة كده على الفحم وطرية وناعمه من جوا هههههههه برضوا على سيرة قفزت اسعار اليارس. فاكرين كان الكباب زمان بكام كان الكيلو ب ٢٠ جنية وتاكول وتتمنجه اخر منجهه النهرده بقه كيلو الكباب وصل ١٦٠ جنيه. لا ويقلك مشكل كمان يعني كباب على كفته مفيش كباب لوحدوا

@@@@@@@@@@@@

بالنسبة لزرار الاشارة الرباعي الي بيعلق. ده زرار الانتظار الرباعي ضعيف نسبياً ولازم تدوس عليه ضغطتين علشان يوقف
اما بالنسبة. لطقم الدبرياج. فهو يعملو ١٥٠٠ جنية من غير طبعاً زيت الفتيس في التوكيل

@@@@@@@
المهم دلوقتي انا نفسي هفاني على شوية كباب والمشكلة اني ملاحظ بقالي فترة ان القطط والكلاب. قلت في الشوارع حبتين وبقت حاجة نادرة وكل فين وفين لمن تلاقي قطه ماشية او كلب بيهو هو ولا قطه بتنو نو ههههههههه. اعمل ايه ! افيدوني افادكم الله !

**Ahmod** · 29-09-2012 06:02 PM

المشاركة الأصلية كتبت بواسطة m6r1282

محتاااااااار بين الياريس 2007 وأكسينت 2009 مانيوال فول أوبشن

مبدئيا أنا موفر 63 ألف بالعافية وحسب السوق اليومين دول وجدت (الفابريكه وعدادها صغير مانيوال وفول أوبشن) من الإثنين يكون في حدود السعر ده بشويه فصال وحركات .. وتسهيل ربنا قبل كل شيء

لكن أنا فعلا محتار، فاهحكيلكوا مختصرا طبيعة الدنيا عندي والحالة المادية
واختاروا معي

المحافظة المنوفية فالمطبات عبارة عن كباري صغيرة

الياريس اعلى بالتالي هتلاقيها افضل في المطبات وعفشتها انعم

قطع الغيار عايز ذات جودة عاليه (أصلية أو غيره) وسعرها يكون حنين

الاكسنت افضل وقطع غيارها ارخص بفرق مش قليل عن قطع غيار الياريس اللى تعتبر غالية حبتين

الاتنين متوفرين في قطع الغيار سواء الاصلية او التيواني او الصيني

وبالنسبة لانهي قطع معمرة اكتر فانا ماجربتش الاكسنت لكن الياريس قطع غيارها غالية بس معمرة جدا انا فضلت 4 سنين بفلتر هوا الاستوك اللى جاي مع العربية والعربية كانت ماشية زي الفل الحمد لله

موفره في البنزين لوبسافر أسبوعيا من المنوفية للقاهرة مثلا

الياريس اوفر في البنزين عشان 1300

ماتعطلش كتير (طبعا مع إن هاحافظ عليها) يعني أكثر اعتمادية

الاتنين كويسين في النقطة دي لكن برضوا نقدر نقول ان الياريس او التويوتا عموما الاعتمادية رقم 1 في العالم !!

الجسم القوي والبويه القوية والباور التمام في عجلة القيادة

الجسم القوي اعتقد الاكسنت لان الياريس اكصدامتها ضعيفة حبتين لكن شاسيه العربية قوي

البوية في الاتنين كويسة

الباور الياريس افضل لانها باور كهرباء مقابل باور زيت في الاكسنت

أكثرهما تعميرا من ناحية الماتور بالذات ومن ناحية الداخل والجسم الخارجي

الياباني طبعا هيعمر اكتر مافيش كلام

وغير ذلك ممايلمسه من يقرأ الموضوع ويهتم لسؤالي
((مع الأخذ في العلم إن ياريس هاتكون 2007 وأكسينت 2009)) دا طبعا على أد اللي معايا من أموال.

مشكورين مقدما

انا رديت على بعض النقاط اللى حضرتك ذكرتها

لكن فيه برضوا نقاط تانية لازم تتحط في الحسبان

الاكسنت ماتورها سحبه اقوى من الياريس لانها 1600 والاكسنت عربية جراية جدا

الياريس تكييفها افضل من الاكسنت وده معروف عن تكييفات العربيات الياباني

الخامات الداخلية في صالح الياريس مع ان الاتنين بلاستيك

بس تحس الياريس بلاستيك انضف من اللى في الاكسنت !! وده لاحظته لاني بركب اكسنت مع واحد زميلي كتير

تحس انها بلاستيك لو اتكيت عليه زيادة ممكن يتكسر

القعدة عموما في الياريس افضل لانها الكرسي بتاعها مرتفع وبيخليك كاشف الطريق ودي حاجة مش هتحسها الا لما تسوق الياريس وتبقى بتسوق اي عربية تانية هتحس بفرق القعدة

في النهاية فيه بعض المميزات للاكسنت وفيه بعض المميزات للياريس

المستعمل حالة فاللى حالتها احسن تشتريها

ولو الاتنين حالتهم كويسة انصحك بالياريس لان صدقني الياباني تمنه فيه وبيعيش ومعمر لابعد الحدود يعني مش هتقول معاك لا لو اهملت في صيانتها

المشاركة الأصلية كتبت بواسطة SE_coralsea

كمان الياريس (تحديدا حتي موديل 2009 ) الوحيدة اللي ياباني لكن باقي العربيات اللي في نفس فئتها من الشركات اليابانية أنتاج تايلاندي أو هندي أو مكسيكي

لا يا باشمهندس سمير !! الياريس من اول مانزلت من 2006 ياباني !! ؟؟

انا 2007 ولما اشتريتها كان معايا الافراج الجمركي !! ياباني ياباني يا كبير مافيش كلام

انا مافيش سلك - مش هقولك فلتر ولا قطعة غيار كبيرة - لا سلك !!

بطلعه من العربية عشان اغير اي حاجة الا ومحفور عليه Made in japan !!

**Y a r i s** · 29-09-2012 11:11 PM

المشاركة الأصلية كتبت بواسطة s o p h o s

لو جبت متنساش العشره

ياحبيبي يابوحميد هو انا اقدر انسى العشرة وانا الي كنت مستني امبارح بفارغ الصبر لانوا يوم عيد ميلادك. علشان تعزمني. انا والدكتور احمد والباشمهندس معتز على شوية كباب وكفته بمناسبة عيد ميلادك هههههههه. ونحط شمعة كده في نص التلاته كيلو كباب الي هتجيبهوملنا. ونطفي الشمعه ههههه. اقولك احنا نستنى صاحب الموضوع لمن يشتري عربية ياريس ويعزمنا على كيلو كباب على طرب بمناسبة العربية الجديدة @@@@@@@@@@
او هو في فكرة .... استاذ سمير منسق قسم هونداي بيعملوا مقابلات. كل اسبوع احنا نحضر مقابلة من مقابلتهم ونطلب العشا كباب. وفي عز المقابلة ناخود بعضينا ونفلسع ههههههههه ونقولهم نشوف وشكم بخير !!!

-

الموضوع: محتاااااااار بين الياريس 2007 وأكسينت 2009

LinkBack

أدوات الموضوع

عرض

أشكرك أخي -

-

-

-

-

المواضيع المتشابهه

محتاااااااار فى الكشف على ميجان مستعملة

هل فعلا الياريس 2009 اقل جوده من 2006 و 2007 و 2008 ؟

عن الياريس 2009

الفروق بين الياريس 2009 و الياريس 2008

انا محتاااااااار ارجو الافادة

الكلمات الدلالية لهذا الموضوع

المفضلات

المفضلات

ضوابط المشاركة