الموضوع: اسئلة عن تويوتا فورتشنر

المشاركة الأصلية كتبت بواسطة tamersalah

هو مفيش فرق بين الاثنين الا في المحرك بس

عموما أنا جربت ال 4000 زي ما قلت وفرقها في السحب يختلف طبعا ومش حاسس إن فرق السعر كبير بين الاثنين (للأسف معنديش آخر الأسعار) بس ممكن تشوف في أقرب صالة للمصرية أو معرض

لو هتآخذ ال 2700 هتحس بالفرق بس في المسافات والسحب لكن في وسط البلد لا وممكن يكون ميزتها البنزين بس مش كتير قوي

فعلا مفيش اختلاف فى الاوبشنز؟
المبيعات فى توكيل تويوتا التجمع قالى لان دى حاجه ودة حاجه تانيه خالص

المشاركة الأصلية كتبت بواسطة saddam

الأخ العزيز بما إن حضرتك ناوي تدفع مبلغ زي ده وبما إن بعض الناس في مصر والخليج بيقولوا عليا خبير أو على قدي لأني سقت أكتر من ألفين عربية في حياتي حيث كنت مستورد سابقا للخليج والعراق وسوريا وإمتلكت أكثر من 107 سيارة شخصية في مختلف الدول اللي عشت فيها وحاليا في مصر معايه 7 سيارات وبناءا عليه حنصحك نصيحة بناءا على دراسة للسوق المصرية
الفورتشنر لا تساوي في نظري أكثر من 170 ألف جنيه وكل قرش يتدفع فيها فوق كده فهو في خانة اللي يروح ميرجعش ثانيا نظرا لغلاء سعرها فالعربية ليست بياعة حاليا في مصر ثم العربية ال 2700 سي سي عزمها يكاد يكون تعبان جدا يعني أي مواطن عندو سيراتو أو هيونداي أو كورولا حيكون أسرع منك ثم إن العربية في سرعة 160 تفقد إتزانها
ومن الخلاصة ونصيحتي ليك والحل الوسط ليك هو جيب رانجلر 2013 4 باب أولا رخيصة عن الفورتشنر ثانيا قطع غيارها متوفرة وبياعة عن الفورتشنر بكتير وكمان قطع غيارها التايواني إبتدت توصل مصر ولو على الكنبة الثالثة ببساطة جدا ب 5 آلافغ جنيه تركب كنبة أصلي وشيك غير كده العربية الرانجلر أمتن بالنسبة للسرعة والحوادث للست الوالدة وعلى فكرة عشان بس متقولش إني بروج للجيب الرانجلر أنا من العربيات اللي مبحبش أركبها بس أنا شايفها لواحد زي حضرتك فهي مناسبة لطلبك
بس غالب ظني إن الست والدتك مش حيعجبها كل الكلام ده وحتروح للأرخص والمضمون والقليل الأعطال وهو الدايهاتسو تيريوس وفيها 7 راكب أصلي وتقبل مروري ونصيحتي وبارك الله فيما رزق ودمتم

بس الرانجلر على الاقل 3600 سى سى يعنى تعويره فى البنزين والضريبه والترخيص

المشاركة الأصلية كتبت بواسطة mhmhmh75

ريح دماغك وهات قشقاي يا ولد عمي تكسب في كل شيء او شوف الاكس تريل لو انتا مصر عل الدفع الرباعي او شوف سوبارو الجديدة على فكرة علو القشقاي نفس علو الاكس تريل

يا باشا الموضوع مش موضوع دفع رباعى الموضوع اركب حاجه عاليه بسعر معقوب مانت شايف الاسعار ادفع 200 الف فى قشقاى ولا 250 فى سبورتاج ؟ ولا ادفع 275 فى رانجلر محترمه
بالنسبه للاكس تريل للاسف الشديد مش عايزين ينزلو الموديل الجديد بتاعها والموديل الحالى مقرف من جوه
بالنسبه للسوباروxv صدقنى انى رحت لغاية المعرض عشان اخلص وعجبانى جدا بس ترددت بحكم سوق السوبارو فى مصر التوكيل والحوارات اللى بنسمعها عن ندرة قطع الغيار
قلى انت اجيب ايه

المشاركة الأصلية كتبت بواسطة mohyeldin1974

يا باشا الموضوع مش موضوع دفع رباعى الموضوع اركب حاجه عاليه بسعر معقوب مانت شايف الاسعار ادفع 200 الف فى قشقاى ولا 250 فى سبورتاج ؟ ولا ادفع 275 فى رانجلر محترمه
بالنسبه للاكس تريل للاسف الشديد مش عايزين ينزلو الموديل الجديد بتاعها والموديل الحالى مقرف من جوه
بالنسبه للسوباروxv صدقنى انى رحت لغاية المعرض عشان اخلص وعجبانى جدا بس ترددت بحكم سوق السوبارو فى مصر التوكيل والحوارات اللى بنسمعها عن ندرة قطع الغيار
قلى انت اجيب ايه

براحه الفرق البسيط في السعر بين السبورتاج والرانجلر مغلري للشراء بس فيه فرق كبير في الضريبه واستهلاك البنزين يخليك تفكر مرتين.

المشاركة الأصلية كتبت بواسطة ahmed_adham

براحه الفرق البسيط في السعر بين السبورتاج والرانجلر مغلري للشراء بس فيه فرق كبير في الضريبه واستهلاك البنزين يخليك تفكر مرتين.

ماهى دى الكارثه الكبرى ان الواحد يدفع الفلوس كلها فى عربيات كده ومش عاجب
يبقى المنطق يقول ان ادفع حبه زياده واركب بقه ، اما اريح نفسى من الحوار ده كله واشوفلى عربيه مستعمله ب 80 ولا 90 الف وامشى جنب الحيط