أبو البنات

**tutankhamoun** · 05-07-2008 10:14 PM

الكارثة ساعات بتكون من المجتمع المزيف
مجتمعنا يا جماعة ملئ بالعقد النفسية و الخزعبلات و الكلام ده
الناس مش عملية ........ المظاهر حاكمة حياتنا

يعني ممكن تلاقي زوجين مخلفين بنت أو بنتين
و يكونوا راضيين
إنما بقى الأقارب و المعارف و الأصدقاء

و الزن على الودان ..........

و عموما .......... البنات و الأولاد خلفتهم هبة من عند المولى عز و جل

و اللي يعترض على أمر الله ...... سيرى ما لا يحبه في حياته و آخرته

ما هو الفرق ؟؟؟؟؟؟
لا فرق غير في موضوع الميراث
إنما بعد أن تموت ......... و تُحاسب
أستفكر في بنت أو ولد
أستفكر في الميراث الذي تركته ( من سيأخذه أو من سيتركه ) ؟؟
بل ستحُاسب عليه

أين العقول ؟؟؟؟ أرحمنا يارب

**Noha.M** · 05-07-2008 11:35 PM

المشاركة الأصلية كتبت بواسطة د.أحمد سمير

المشكلة بس في الحكاية دي إنك مع خلفتك للبنات ولو فرضاً ربنا كرمك وبقى عندك كدة فيللا وكام عربية .. إنك هتلاقي شوية حلاليف ماشيين في بيتك بالفانلات ، وواحد فيهم بيجعر وبيقول اعمليلي شاي يا حماتي .. وتيجي تنزل الصبح تلاقي العربية الأولانية خدتها فلانة وجوزها علشان الباص فاتهم ، والعربية التانية خدها فلان جوز علانة علشان اتأخر على الشغل ، والبنت التالتة عربيتها عطلانة فخدت العربية التالتة ولا تجد أمامك سوى الميكروباص أو تاخدها كعابي على شغلك ..
.

انا كنت ساندة الكرسي على الحيطة و بتمرجح و انا بقرا تعليقك و بجد من الضحك وقعت وقعة وحشة اوى

بس بجد ضحكتننى جدااااااااااا

**ows212** · 06-07-2008 03:13 AM

المشاركة الأصلية كتبت بواسطة OlaOsman

على فكرة الناس اللي من النوع ده عمرهم ما هايستريحوا و دايما هيلاقوا حاجة يقرفوك بيها و يحسسوك انها ناقصاك ما دام همه مركزين معاك اوي كده. انا رأيي ما تحاولش ترضي الناس بأي طريقة من الطرق و لو انت فعلا عايز طفل تاني يبقى عشان انت و زوجتك عايزين كده و متفقين على كده، انما ابدا مش عشان الناس تستريح.

ربنا يبارك لك في بناتك يا رب و يجعلهم ذرية صالحة بإذن الله :)

لا مش كده ... الناس دى عبارة عن اهلى وجيرانى ومعارفى والزباين اللى عندى
دى ثقافة عامة ... والناس بتقول كده من منطلق كلمتين يواسونى بيهم
خالة مراتى كانت معانا فى الولادة التانية وكان عندها يقين ان المولود ولد
ومش هاقولك زعلت ازاى لما عرفت انها بنت

**tutankhamoun** · 06-07-2008 08:59 AM

كل حاجة في بلدنا متشألبة
أحوال الناس ............. و إيمانهم الضعيف

ربنا بيقول في القرآن فيما معناه

يهب لمن يشاء إناثا ........... و يهب لمن يشاء الذكور ......... و يجعل من يشاء عقيما

يعني ربنا لما أتكلم عن هبة الأولاد

أتكلم عن البنات الأول
و بعدين الذكور
و بعدين قال على الناس اللي مش هايديهم

الإيمان هنا بحكم و قدر الله له دور كبير جدا

و هو ذلك الإيمان الغائب عن حياتنا ........... و الذي أستبدلناه بالعادات و التقاليد الخرقاء

**D . a .\ AYMAN** · 07-07-2008 01:39 AM

انا الحمد لله عندي بنتين زي القمر "هما قارفني آه بس برضه بحبهم" سواء انا أو المدام بنحبهم جدا والحمدلله وما بنفكرش نجيب عيال تاني وكفاية كدة "بس نقدر نربي دول بس"

وعموما انا أصلا كان نفسي في بنت وماكانش نفسي في ولاد خالص وفي الآخرالأمر لله من قبل ومن بعد لأن الموضوع كله بيد الله بس مش حد تاني ولو كان جالى ولد برضه ماكنتش هازعل

الولاد فايدتهم الوحيدة في رأئي يشيلوا الحاجات التقيلة وهما طالعين السلم :):):)... وهما اللى بيروحوا للميكانيكي لما العربية بيحصل فيها حاجة:):):) .. الخ ... يعني كلها مساوئ مش مميزات معلش عشان انا الراجل الوحيد في البيت فانا اللى بعمل كل ده ومتغاظ من الحتة دي :):):):):):):):)

لكن البنات يرتاحوا ويدلعوا وطلباتهم أوامر وما الى ذلك صدقوني هما واكلين الدنيا كلها بس انتوا مش واخدين بالكوا

يبقى في الآخر مين الأحسن ... وعايزني أفكر في مين اللى هاياخد الميراث دا هية هاتاخد حقها كله تشيله وبعدين برضه هاتاخد باقيت الميراث من خالها ولا عمها بشوية دلع وطلبات والذي منه يبقى مين اللى يكسب

وفي الآخر كله هايموت ومش هايفكر في الحاجات دي خالص غير لو كان مخلف بنت صالحة تحجب عنه النار ساعتها هيفرح فرحة ما بعدا فرحة

لكن لو حتي بنت أو ولد غير صالحين هايسئل عنهم يوم القيامة ويتحاسب عليهم

**kareem_Ashmawy** · 07-07-2008 10:26 AM

لكن البنات يرتاحوا ويدلعوا وطلباتهم أوامر وما الى ذلك صدقوني هما واكلين الدنيا كلها بس انتوا مش واخدين بالكوا

يبقى في الآخر مين الأحسن ... وعايزني أفكر في مين اللى هاياخد الميراث دا هية هاتاخد حقها كله تشيله وبعدين برضه هاتاخد باقيت الميراث من خالها ولا عمها بشوية دلع وطلبات والذي منه يبقى مين اللى يكسب

بما انك جبت سيرة ان البنت احسن من الولد...جيت على الجرح..و دا اللى كنت بقوله من زمان
أحب أأكد كلامك بنظرية من دماغ العبد لله....ألا و هى
نظرية الخــــــــــــــــــروف
و دى واضحة اوى عندنا فى الكلية ( انا فى طب القاهرة)
البنت من دول تشد مذاكرة طول السنة و لا كأننا أخر شهر فى السنة و الامتحان الأسبوع الجاى
من ساعة ما يروحوا البيت لغاية ما ييجوا الكلية تانى يوم و هما بيذاكروا
تقولش شفاااااااااااااط معلومات
و السؤال يتسأل فى المحاضرة و لا فى السيكشن تلاقى البت رزعت الاجابة من غير ما تفكر
و طبعا بيجيبوا درجات أعلى مننا بمراحل...لأنهم ببساطة ملهمش أى اهتمامات فى الوجود الا المذاكرة
و على فكرة 90 % من بنات طب مبيعرفوش يطبخوا...مفيش وقت
انما الولاد بأه ياعينى ليهم اهتمامات طبيعية أباحها الشرع لهم
زى الكورة و الكمبيوتر و العربيات و خلافه
كل ده ماشى مفيش عليه نقد
نيجه بأه للمهزلة
تلاقى البنات دول اللى جايبين أعلى مننا بكتير فى الأخر هما يتعينوا فى الكلية عشان مجموعهم
واحنا الشباب طبعا فى الشارع
نيجى بأه نلاقى انها مش هتستفيد من التعيين ده حاجة الا انها تاخد مكاننا نحن الشباب و خلاص
لأنها ببساطة
أولا مش محتاجة المرتب
لأن فى خروف أساسا متولى الانفاق عليها بأمر الشرع ( الخروف هنا يرمز لنا نحن معشر الرجال
سواء أباها الفاضل أو زوجها المحترم)
تانى حاجة مش هتعرف تملى مكتانها كدكتورة زى الرجل
و متقعدوش تقولولى بأه البنت زى الولد و أشطر منه كمان
دوروا كده فى ذاكرتكم تعرفوا كام دكتورة شاطرة و كام دكتور شاطر
أو بمعنى أخر عمرك سمعت عن جراحة ( يعنى دكتورة جراحة )
أو دكتورة قلب !!!! أو مخ و أعصاب ( و النسا لما الحالة بتبقى مستعصية بيهرعوا الى دكتور راجل و على فكرة أشهر أطباء النسا فى العالم من الرجال)
لأ و الأنقح تبص تلاقيها أول ما تتعين هوووووب بقت حامل و تاخدلها أجازة وضع و رضاعة و تعطل مكانها فترة مش قصيرة
يعنى هيا بتذاكر طول سنين الكلية و تزاحم الولاد على الشغل من الأخر طفاسة !!
.
نيسجى بأه للشباب رغم دا كله مطلوب منه يشتغل و يبقى دكتور شاطر و يتابع كل ماهو جديد
و أول ما يبقى معاه شوية فلوس
يجرى جرى يتجوز...و بتبقى غالبا دكتورة زميلته
عشان يكرر نفس المأساه و يؤكد صحة نظرية الخروف
.
.
حاجة أخيرة كان بيقولها دكتور عندنا الله يمسيه بالخير
كان يقولنا البنات هتفضل كابسة على نفسكم طول حياتكم بمزاجكم أو غصب عنكم
و يختم كلامه قائلا و يوم القيامة
الجنة تحت أقدام الأمهات
و احنا ....ربنا معانا
تمت نظرية الخروف

على فكرة زى ما قلت قبل كده...أنا أمنية حياتى يبقى عندى بنت

**Nile_Storm** · 07-07-2008 10:35 AM

المشاركة الأصلية كتبت بواسطة kareem_Ashmawy

بما انك جبت سيرة ان البنت احسن من الولد...جيت على الجرح..و دا اللى كنت بقوله من زمان
أحب أأكد كلامك بنظرية من دماغ العبد لله....ألا و هى
نظرية الخــــــــــــــــــروف
و دى واضحة اوى عندنا فى الكلية ( انا فى طب القاهرة)
البنت من دول تشد مذاكرة طول السنة و لا كأننا أخر شهر فى السنة و الامتحان الأسبوع الجاى
من ساعة ما يروحوا البيت لغاية ما ييجوا الكلية تانى يوم و هما بيذاكروا
تقولش شفاااااااااااااط معلومات
و السؤال يتسأل فى المحاضرة و لا فى السيكشن تلاقى البت رزعت الاجابة من غير ما تفكر
و طبعا بيجيبوا درجات أعلى مننا بمراحل...لأنهم ببساطة ملهمش أى اهتمامات فى الوجود الا المذاكرة
و على فكرة 90 % من بنات طب مبيعرفوش يطبخوا...مفيش وقت
انما الولاد بأه ياعينى ليهم اهتمامات طبيعية أباحها الشرع لهم
زى الكورة و الكمبيوتر و العربيات و خلافه
كل ده ماشى مفيش عليه نقد
نيجه بأه للمهزلة
تلاقى البنات دول اللى جايبين أعلى مننا بكتير فى الأخر هما يتعينوا فى الكلية عشان مجموعهم
واحنا الشباب طبعا فى الشارع
نيجى بأه نلاقى انها مش هتستفيد من التعيين ده حاجة الا انها تاخد مكاننا نحن الشباب و خلاص
لأنها ببساطة
أولا مش محتاجة المرتب
لأن فى خروف أساسا متولى الانفاق عليها بأمر الشرع ( الخروف هنا يرمز لنا نحن معشر الرجال
سواء أباها الفاضل أو زوجها المحترم)
تانى حاجة مش هتعرف تملى مكتانها كدكتورة زى الرجل
و متقعدوش تقولولى بأه البنت زى الولد و أشطر منه كمان
دوروا كده فى ذاكرتكم تعرفوا كام دكتورة شاطرة و كام دكتور شاطر
أو بمعنى أخر عمرك سمعت عن جراحة ( يعنى دكتورة جراحة )
أو دكتورة قلب !!!! أو مخ و أعصاب ( و النسا لما الحالة بتبقى مستعصية بيهرعوا الى دكتور راجل و على فكرة أشهر أطباء النسا فى العالم من الرجال)
لأ و الأنقح تبص تلاقيها أول ما تتعين هوووووب بقت حامل و تاخدلها أجازة وضع و رضاعة و تعطل مكانها فترة مش قصيرة
يعنى هيا بتذاكر طول سنين الكلية و تزاحم الولاد على الشغل من الأخر طفاسة !!
.
نيسجى بأه للشباب رغم دا كله مطلوب منه يشتغل و يبقى دكتور شاطر و يتابع كل ماهو جديد
و أول ما يبقى معاه شوية فلوس
يجرى جرى يتجوز...و بتبقى غالبا دكتورة زميلته
عشان يكرر نفس المأساه و يؤكد صحة نظرية الخروف
.
.
حاجة أخيرة كان بيقولها دكتور عندنا الله يمسيه بالخير
كان يقولنا البنات هتفضل كابسة على نفسكم طول حياتكم بمزاجكم أو غصب عنكم
و يختم كلامه قائلا و يوم القيامة
الجنة تحت أقدام الأمهات
و احنا ....ربنا معانا
تمت نظرية الخروف

على فكرة زى ما قلت قبل كده...أنا أمنية حياتى يبقى عندى بنت

اذيك ياكريم اخبارك ايه
عملت ايه في الامتحانات

متنساش برضه لما الهوانم ياخدو التعيينات و يلاقو الموضوع مش "لذيذ" فيقدمو استقالتهم بعد 3 4 شهور كالعاده في كل دفعه و يضيعو الاماكن علي الباقي :( :( بيتعاملو في الموضوع ده بمفهوم انهم بياخدو دورهم في طابور العيش استخصار بس

**kareem_Ashmawy** · 07-07-2008 11:23 AM

تمام يا حبى الحمد لله
بلاش بأه سيرة الامتحانات
أكيد سمعتوا عن اللى حصل فينا
أجازة سعيدة
.
.
أه أنا نسيت برده موضوع الاستقالة ده
يضاف الى ما ذكر عاليه

**sherif_84** · 07-07-2008 11:44 AM

بالنسبة ليا الجملة بتاعت الأفلام ( كل اللى يجيبوا ربنا كويس )
بجد أنا مش بدقق على الحاجات دى لأنها فى الأول وفى الأخر هدية من عند ربنا سبحانه وتعالى وماينفعش نعترض عليها
ربنا يرزقنى ويرزقكم بالذرية الصالحة يارب