الموضوع: هلى يمكن المقارنه بين موديلات 2006 و 2007 و كورولا الاحدث

بص يا باشا انا ركبت الشكل القديم انا لما زهقت منة و غيرت من موديل 2002 ل 2007 و رجعت تاني جبت 2004
دلوقتي انا معايا 2008 الشكل الجديد بس مانيوال
مفيش وجة مقارنة بين العربيتين الميزة الوحيدة في الشكل القديم سمعتها في البيع و الشراء انك تجيب عربية مش خايف على فلوسك فيها بس انا عن نفسي مستحيل اشتريها دلوقتي مستعمل بالاسعار الخيالية دية فرق كبير اوي بينها و بين الشكل الجديد
من برة حتى الشكل الجديد افخم بكثير و الصالون اشيك و مريح جدا جدا و الكمالييات اكثر الثبات احسن طبعا هي عيبها سمعة الفتيس الجنوب افريقي اللي نزلتها الارض في المستعمل غير كدة العربية مفيهاش حاجة بس عفشتها انشف حاجة بسيطة عن الشكل القديم عشان جنطها اكبر 16
زي بالضبط الكورولا العيون و الملكة متعرفش العيون ملهاش سوق لية مع انها احسن من اللي قبلها بس هو السوق بتاعنا كدة تلاقي عربية تويوتا 94 سعرها بيوصل 55 و احيانا 60 الف و العيون 99 و 2000 مبتجيبش 45 الف حتى
فمتمشيش ورا كلام التجار و تصدق ان الشكل القديم احسن و الكلام دة اة ممكن احسن كسوق بس كعربية اركبها انت و احكم عليها بنفسك

والله انت معاك حق والعربيه من ناحية الثبات فهى افضل ولكن الشكل العام وخاصة التابلوه اسوأ من 2007