الموضوع: هلى يمكن المقارنه بين موديلات 2006 و 2007 و كورولا الاحدث

هل من المنطق ان 2006 و 2007
افضل من 2011 و 2012 و 2013 بالتحديد
مشكلتنا احيانا هو اننا بنردد كلام التجار فقط
دي عربية اعتمادية اعلي دي ياباني وتقفيل هناك دي مفيش زيها

يكفيني الاستهلاك بمعني عربية من 5 او 6 سنوات استهلاك
ازاي هتكون افضل من موديل السنة او من سنة فاتت عموما لو الناس ليها راي ان 2007
افضل من 2012 و 2013 واكتر اعتمادية وافضل بكتير يبقي راي انحدار فمستوي
الشركة كله لان الشركة الي تعمل عربية من 6 سنوات افضل من موديل حديث واكثر اعتمادية
يبقي شركة بتموت فالصناعة مش بتنهض واسم كورولا مش المفروض ان بيقل بل العكس
انما 2007 احسن واعلي طب ماشي ادفع فلوس علشان نكسب وبلاش زيرو خالــص
معلش انا كلامي كله وجهة نظر شخصية وممكن يكون خطأ
تحياتي ..

شكرا لردك
اود ان اوضح اولا انى من عشاق الكورولا
وثانيا للتوضيح فقط انا لا اقارن بما يعنى انى اشترى 2007 ولا 2013ابدانا فقط عايز اعرف خبرات الناس فى الموديلات الحديثه واللى ركبت الاتنين، زى مانت شايف انا راكب من 1998 لحد 2010 كورولا وكنت مستريح جدا.
واساس الاستفسار هو وقوعى فى حيره شديده بين النمطيه فى الشراء - يعنى اجيب كرورلا تانى 2013 - وحب التغيير لتجرية الالمانى والاوربى زى الفوكاس والفانتازيا والقاشقاى او المغامره بالسبورتاج
عارف طبعا ان لا وجه للمقارنات والفئات بس انا بشرح سر سؤالى وهل كورولا 2013 بعد ما سمعناه من مشاكل فى الفتره السابقه سوف تكون باعتمادية الموديلات القديمه 6 و7
اسف للاطاله

هقول وجة نظر فقط لا غير و ممكن ناس كتير تعترض معايا بس عادى لان كلة عن تجارب حقيقية
الكورولا 2006 2007 انا من ركابها و عشاقها بس هيا كانت اكتر قيمة مقابل الفلوس فى وقتها ضمن العربيات و طبعا مميزات الكورولا الحلوة كلها كانت فيها ( اعتمادية - اعادة بيع - راحة فظيعة - امان - وسع المقصورة )
اما الكورولا الحديثة عربية حلوة جدا لا تقل عن القديمة بل بالعكس تكنولوجيا اعلى طبعا بس انا شايفها غالية شويتين
يعنى هتبقى زى القديمة و يمكن احلى بس مش هتبقى قيمة مقابل المال اوى لان طلع عليها سمعة مش تمام معرفش لية فكدة تعتبر اتلطت شوية فى سوق العربيات و اراهن ان التجار هما اللى عملوا كدة استغلالا لنجاح الكورولا قدام عربيات تانية عشان العربيات التانية تبيع و دية تبقى سمعة وهمية بس طلعت خلاص ( ما باليد حيلة )
فى البيع اعتقد عمرها ما هتبقى زى التانين ثانيا شكل مش ظريف بس هتفضل كورولا برضة
اما انا انصحك بالاوكتافيا ثبات ولا قبلة ولا بعدة و فعلا عربية تحس بطعم الالمانى فيها جدا مع انها مش صناعة المانية خالص بس بجد ممتعة ولا تقل اعتمادية عن التوياتا بل تزيد بحاجة بسيطة بس بجد شايفها قيمة مقابل مال اكتر من التويوتا الجديدة
و عضم مفيش زية مع انى مش راكبها بس مع اتنين زمايل و مرة دخلنا فى ميكروباص كان ماشى عكسى من ناحية الباب باب دخل لجوة مبقاش نافع و والله اتكسر عندنا فانوس و اتعوجت عوجة بسيطة جدا سمكرة ب 100 جنية فقط تخيل ناشفة الى ابعد الحدود انا عمرى ما تخيلت كدة فى عربية جديدة
و على العموم انا جبت بيجو 308 زيرو بعد التويوتا 2006 و كان السنة دى و مصرفتش مليم على التويوتا بعداد 200 الف كيلو تعب و شقى و بهدلة و سواقة مش تمام غير اسطوانة و ديسك و رمان بلى و تغير زيت فقط
اما الاوكتافيا فما يفوقها على الكورولا الثبات الوهمى و العضم الناشف ( جدا جدا )و السمعة الكويسة و دية هتحجاها جامد فى البيع و اوكد كدة على تجربة اصحابى للسواقة الغبية بكل ما للمعنى من كلمة ان الاوكتافيا اعتمادية عن التويوتا و لو بفارق بسيط حتى
من واقع التجربة و عدادات لا تقل عن 100 الف و اكتر بكتير الاوكتافيا ( مريحة اوى - موتور مش بيعطل لان التكنولوجيا بتاعتة مش جديدة و مجربة على مر السنين و معمر جدا جدا - صاج ناشف مقارنة باليابانى - ثبات يفوق اليابانى بكتير الاوكتافيا صخرة ماشية على الارض راسية اوى عن تجارب كتير لو كنت فى الكورولا كنت على الاقل هطلع سليم بس كنت ممكن اتشقلب 70 مرة - انتريور حلو - كماليات الدنيا كلها فيها فى الفئات الخليجى - اعادة بيع سريعة جدا و عالية و دية هتحسها لما يبقى معاك عربية تقيلة شوية على السوق - شكل هجومى فخم عن التويوتا - مواصفات امان عالية - اعتمادية رهيبة و الوحيدة اللى فى الفئة دية لما تركبها هتحس انك فرقت عن التويوتا )
الكلام كلة عن تجارب

لو عشقك فى اليابانى و عايز تركب اعلى فئات فية بس دية غالية شويتين تلاتة اربعة يعنى هات السيفيك عربية حكاية فى السواقة و الشكل و الامان و كل حاجة بس بيعها برضة بيخسر شوية بس دة لو انتا ركيب اوى يعنى ناوى تدفع و المهم تركب العربية حكاية عشان هيا مع قريب ليا

استاذ مسطول هيا الاوكتافيا إللى بتتكلم عليها دى هنا فى مصر ... بنشوفها يعني وكده .... ولا بتتكلم على أوكتافيا من الفضاء :)

شوف يا سيدى تجربة شخصية أوكتافيا 2011 يعني بقلها سنة ماشية والعداد مجابش22000 كيلو بيتغيرلها موبينا والصاج ضعيف جداااا ريش فتحت التكييف واحده منهم إتكسرت من لعب طفله اربع سنوات ... مقبض اليد الداخلى للباب بتزيق وتحس إنها هتتخلع منك وإنت بتقفل الباب ... بصراحة خامات الصالون فى غاية الضعف والسوء ... ودى تجربة تانية لصديق لى موديل 2011 من شهر غيير فتيس هيدروماتيك :(

يا راجل هى دى عربية ... ولا صله لها بالألمانى نهائياً ... الألمانى حاجه تانية خالص :)

بصراحة مستغرب كلامك عن الأوكتافيا

تحياتى للجميع على الردود
رجاء بس متسخنوش على بعض فى الحوار الموضوع كله للاستفاده
بالنسبه للاوكتفيا فيه بالنسبالى مشكلتين اولا (مشكله تافه جدا) حاسس انها هتكبرنى فى السن جدا ومحدش يسالنى ليه لانه موضوع نفسى ثانيا شوفت ليها حادثه فى صلاح سالم اقسم بالله العربيه داخله فى عمود النور من القايم قسمها نصين كل نص فى حته. بس للامانه من غير اجحاف من العربيات الثابته والتقيله.
نيجى للهوندا السفيك بصراحه عمرى ماركبتها بس الشكل الجديد اسوء من القديم وهى عربيه وهميه من كل شى الا الارتفاع عن الارض وانا من النوع اللى بسافر الاقاليم كل فتره وده ميمشيش معايا.
بالنسبه للكورولا معشوقتى حاسس انها اغلى من ثمنها وربنا يجازى التجار يعنى متوسط السعر دلوقتى 160 الف ولا ايه؟ وياعالم 2013 هتبقى بكام ولسه كمان اذا اخدنا قرض صندوق النقد وقيمة الجنيه نزلت ياعالم الاسعار هتكون ايه.
بس ليه سؤال تانى عن الكورولا 2013 هى لسه فى منها يابانى ونوع جنوب افريقى وهل الفتيس 2013 mmt ؟ ولكم الشكر
السؤال الاخير هو انواع السيارات اللى قلتها فى اول الموضوع وخاصة السبورتاج اغامر ولا ايه؟