الموضوع: استفسار بخصوص حلاقة شعر الراس بمكنة حلاقة موزر

المشاركة الأصلية كتبت بواسطة ahmeed_top27

سلام عليكم جميعا انا عندى استفسار بسيط اوى انا اشتريت مكنة كهربا موزر المانى ولما جيت احلق كان معها مشط واحد المهم اشتريت طقم درجات فلما جيت احلق وحطيت مشط 9ملى وابتديت احلق لاقيت شعرى الجزء الى حلقتة اتشال كما لو انى حلقت على درجة واحد فطبعا اضطريت اكمل حلاقة شعرى كلة على نفس الدرجة مع انى كنت عاوز طول الشعرة 9 ملى انا عاوز اعرف دة عيب بقى المكنة ولا عيب الدرجة ولا العيب فين بالظبط ان خايف لحسن اكون اشتريت مكنة مش تمام منتظر الردود وشكرا ليكم مقدما

مشط 9 مللي لو انت مثبته مظبوط وزقيته علي الاخر المفروض يحلق علي نمرة 3 من غير ما تضغط الدراع بتاع الماكينة ....... ونمرة 3 بيبقي شكلها خفيف اوي بس جلدة الراس يدوب حتكون باينة بالعافية .... لو لقيتها بتحلق زي المشط نمرة 1 يبقي ده عيب المشط اللي انت جايبه مش عيب الماكينة لان المشط ده وظيفته انه يبعد الشعر عن موس الماكينة .....
الدراع اللي في الجنب ده للتحكم في الدرجة بعد درجة المشط وده خمس مستويات يعني لو انت ركبت مشط 9 مم وضغطت الدراع لغاية الاخر الحلاقة حتطلع كانك حلقت بمشط 12 مم يعني نمرة 4.....

المشاركة الأصلية كتبت بواسطة ahmeed_top27

اية دة هو المشط الى بيكون 9 ميللى دة معناة انة بيشيل بمقدار 9 ملى من الشعر وانا الى كنت فاكر ان 9 ميللى دة هيبقى طول الشعرة بعد الحلاقة انت كدة وضحتلى وعرفت لية شعرى بقى على نمرة 3 وانا بس ليا سوال يعنى لو ان حابب مثلا احلق على درجة 4 او الشعر يكون تقيل يبقى ازود درجة المشط من 12 بقى صح كدة

لا انا ما قلتش كده خالص .... بس الصح ان المشط ال9 مم حيبقي طول الشعر 9 مم ولو استخدمت مشط 12 مم حيبقي طول الشعر 12 مم ......
مشط 3مم = نمرة 1 اللي هو جاي مع الماكينة أصلا
مشط 6مم = نمرة 2
مشط 9مم= نمرة 3
مشط 12 مم=نمرة 4
يبقي لو عاوز شعر يكون أطول حتستخدم المشط الاكبر ....... عاوز تحلق كلاسيك وما تظهرش فروة راسك يبقي تستخدم مشط 9 مم (يعني نمرة 3 ) او تستتخدم مشط 12 مم ( يعني نمرة 4 ) ......
مع ملاحظة انك تسيب دراع الماكينة الاسود للخارج .... لو زودت درجات الدراع يبقي انت كده بتتقل الشعر وتخلي الشعرة تبقي أطول .... ودرجات الدراع ده لغاية 3 مم اضافي ....... يعني لو استخدمت المشط نمرة 3 يعني 9 مم و زودت درجة الدراع علي الحد الأقصي حتبقي الحلاقة علي نمرة 4 مش 3 يعني شعرك حيكون أطول .....
لو عندك مشكلة في مشط ال9 مم ممكن تستعمل مشط ال6 مم مع استعمال أعلي درجة من الدراع (يعني الدراع لتحت خالص يكاد يلامس الماكينة ) ..... او استعمل مشط ال12 مم في الوضع العادي برضه حيكون معقول وشعرك حيكون أطول ..... ونعيما مقدما