الموضوع: اشتريت هوندا سيفيك 92 ex ومحتاج شوية اكسسوارات وعندي استفسار لاهل الخبرة

المشاركة الأصلية كتبت بواسطة engmesk2

ا/ سمسم .. انا اتاخرت علي حضرتك في الرد .. معلش لظرووف

كود الموتور D14A3 وزي ما قلت لحضرتك راكب عليه كاربيراتير .. مش عارف ازاي ...

وكنت عايز اقول لحضرتك ان التكييف عندي لما بشغله الموتور بيهمد وال rpm بيقل واحيانا العربية تبطل .. لما دورت شوية ع النت ناس قالت ان ممكن يكون فيه مشكلة فالـ iac - idle air control والمشكلة ان مش عارف هو فين ولا حتي ايه متوصل بيه .. زي ماقلت لحضرتك ان موضوع الكاربيراتير ده مبرجل الدنيا شكله وكمان فيه سلوك وجاكات وسوكيتات مش واصله بحاجه .. اظن انها ممكن تكون ليها علاقة بالانجكشن
الاصلي اللي كان راكب فيها .. ده لو كان اصلها انجكشن ...

وبرضه النور العالي بيهدي الموتور وبيخليه يدربك.!!!

منتظر رد حضرتك جداااا ...

اولا المحرك دة 1400 سى سى

والمفروض انة انجيكشن بس مش متعدد النقاط بيبقى حاجة اسمها single point او احادى النقاط

وانت بتقول انة محولة كربراتير ماشى , الماتور دة قوتة اصلا ضعيفة جدا تقريبا فى حدود ال 75 حصان او 73 حصان وهو كدة تخيل بقى لما ركب علية كربراتير اكيد سحبة هيقل

بالنسبة للتكيف وانة بيبطل فيها عندك اتنين solonied موجود بجانب البطارية من ناحية المحرك , زى علبيتين صغيرين كدة لونهم اسود جنب بعض هو دة ال iac ودة بيتوصل بالكربراتير لو مش واصل وبيتظبط السلك بتاعة

بالنسبة للنور العالى وانة بيخلى العربية تبرجل , دة من حاجتين بس الاول هنمسك الحاجة الاقل تكلفة

1- هتعمل سلك ارضى لو مافيش , او تقوية لو موجود وعندك مثلا تركب اتنين سلك ارضى واحد هتلاقية بيتوصل على وش التاكيهات بجسم العربية وبيتوصل مكانة هتلاقى فية مسمار جنب ال cut-out ( الكتاوت ) بيتربط فيها والثانى هتلاقية عند الفتيس سلك تخين كدة

2- لو ماتظبتش بردة يبقى مافيش قدامك غير انك تغير الدينامو لانة ضعيف

وياريت تقولى عندك الماتور دة فى الرخصة مكتوب كااااااااام

المشاركة الأصلية كتبت بواسطة engmesk2

شكرا ليك يا استاذ سمسم...

مكتوب انه 1493 سم3 !! ودي حاجة كنت هسال حضرتك عليها برضه !!!!

كده فيه مشكلة؟؟؟!!!!

هو كدة معناة ان المحرك 1500 سى سى

وطبعا دة غير الواقع لان الواقع اللى عندك 1400 سى سى , بس طالما رقم المحرك سليم خلاص

لان هما تقريبا فى المرور عارفين حاجة من الاتنين يأما 1500 سى سى وعارفينها من الكربراتير

او 1600 سى سى وعارفينها من الانجيكشن بالنسبة للجيل دة

المشاركة الأصلية كتبت بواسطة engmesk2

شكرا جدا لحضرتك والحمد لله ان مافيش مشكلة...

- طيب بالنسبة للاتنين solenoid دول نوصلهم فين في الكاربيراتير؟!! وهل التوصيلات دي اسلاك فقط ولا فيها خراطيم مثلا ..

وازاي اعرف ان الكاربيراتير اصلا مؤهل انه يتوصل له الوصلات اللي جاية من ال solenoid ؟

معلش اصلي نزلت المانيوال وتقريبا قريته كله.. ولما لقيت موضوع تغيير الانجكشن لكاربيراتير .. الدنيا اتلخبطت .. وزادت كمان لما ركب موتور تاني بالاضافة ان فيه اسلاك وكابلات وخراطيم مش واصلة بحاجة

فلو الاقي عند حضرتك اي معلومة او مانيوال فيه حاجة للكاربيراتير ووصلاته اكون شاكر جدا لحضرتك.

طيب ماتصورى كدة الماتور بتاعك تصوير تفصيلى عشان اقدر افيدك اكتر وشيل العمة منة وانا هشوف كدة