استفسار عن سعر الكشف على اللوجان

**dodyam** · 27-09-2012 02:21 PM

حاليا بنحاول نشترى لواحد صاحبنا لوجان فكنا عاوزين نكشف عليها فى التوكيل علشان نطمن و يقولنا الهيستورى بتاعها فيكلف كام الموضوع ده
أنا آخر مرة كشفت على ماتريكس فى هيونداى بـ 100 جنيه هل نفس الكلام و لا ايه
ولو عند مركز خدمة بره يكلف كام
و آخر حاجة لو حد يعرف مركز خدمة فى اسكندرية يدلنا

**pharmacology** · 27-09-2012 03:05 PM

سعر الكشف الشامل علي العربية في التوكيل 500 ج

ومراكز الخدمة في اسكندرية فيه فرع في العامرية وفرع في سموحه

هتلاقي العنوان بالتفصيل علي الرابط ده
Renault Network

**adel_edrees** · 28-09-2012 12:27 AM

كتير أوى ده أنا لو بأعمل عملية كانت تبقى أرخص من كده

**أبو آسر** · 15-10-2012 01:57 AM

أنا لسة كاشف على عربيتي قبل ما أشتريها ب300 جنيه عند مركز خدمة معتمد (فرنش موتورز) ثالث شارع شمال من شارع أحمد عصمت من جسر السويس

**gebreel** · 15-10-2012 10:03 AM

التوكيل بيبقى فيه كشفين
واحد تقريبا بحوالي 350 ده ميكانيكا و عفشة بس
و الثاني ب 550 ده ميكانيكا و عفشا و صاج و كل حاجة

**أبو آسر** · 15-10-2012 04:07 PM

المشاركة الأصلية كتبت بواسطة pharmacology

طيب ممكن اعرف من حضرتك الكشف ده كان عبارة عن ايه بالظبط ؟؟ ياريت تفاصيل اكتر لاني لسه خارج من حادثة وبفكر ان شاء الله اعمل الكشف ده علي العربية ؟؟؟

هما بيرفعوا العربية ويبصوا على الشاسيه والعفشة والكاوتش وبعدين يشوفوا الدهان عن طريق جهاز كده بينور ألوان أخضر يعني مش رشة برتقالي يعني رشة بس من غير معجون أحمر يعني رشة بمعجون وبعدين يحطوا الجهاز في كابل الكونترول ويشوفوا في errors ولا لأ ويشوفوا الميكانيكا والموتور والحالة العامة يعني وأخيرا بيتصلوا بالتوكيل يشوفوا العربية دي عملت صيانات ولا لأ وحالتها إيه عندهم

**أبو آسر** · 16-10-2012 01:45 AM

المشاركة الأصلية كتبت بواسطة pharmacology

شكرا لك جزيلا علي الرد

امال ليه انا لما سالت في التوكيل قالولي الكشف الشامل ب 500 ج ؟؟؟ يعني معقول السعر بيختلف من فرع لفرع تاني ؟؟؟ وهل في الاخر بيدوك تقرير ولا بيبلغوك شفوي ؟؟

أظن أسعار التوكيل غير أسعار المركز المعتمد على الأقل في موضوع الكشف ده ده غير إن التوكيل بالحجز ! لكن ده بتروح في أي وقت
وبيدوك تقرير طبعا مكتوب فيه كل حاجة وممكن تطلب منهم أسعار قطع الغيار المطلوب تغييرها كمان بس طبعا هيدوك أسعار التوكيل وما أدراك ما أسعار التوكيل

يا راجل علامة الرينو بـ 162 جنيه ؟؟؟ لييييه ؟ مصنوعة من الدهب ؟!

الموضوع: استفسار عن سعر الكشف على اللوجان

LinkBack

أدوات الموضوع

عرض

-

-

-

-

المواضيع المتشابهه

الكشف عن اللوجان 2013

استفسار عن ديبرياج اللوجان من وحوش اللوجان

استفسار عن السنتر لوك فى اللوجان

ارجو المساعده فى كيفية الكشف على اللوجان قبل الأستلام ؟

استفسار عن اللوجان

الكلمات الدلالية لهذا الموضوع

المفضلات

المفضلات

ضوابط المشاركة