لأصحاب Byd F3 فقط

**mich_e_l2000** · 04-07-2008 12:39 PM

عاوزين يا جماعة للناس اللى عندهم العربية دى او للى لية تجربة شخصية عنها يتكلم عنها ...يعنى عمل بيها كام كيلو ..رأية فيها...
وكذلك المزايا والعيوب ...
ورأية فى التوكيل ...,
اماكن قطع الغيار لو موجودة برة التوكيل

**mich_e_l2000** · 04-07-2008 12:58 PM

وسوف أبدأ انا ....
انا معى العربية دى من 5/2007 وهى من الفئة التانية Gli
عملت بيها حوالى 7600كم
العربية كويسة جدا معى حتى الان ...ثبات على الطريق كويس قوى ...تسارع رائع...تقفيل ممتاز من الداخل والخارج...كماليات رائعة ...
المشاكل اللى اعترضتنى فى العربية حتى الان
1-من اول ما اخدتها واحيانا المراية اللى على اليمين تعلق يعنى لازم ادوس على الزرار جامد عشان يستجيب ...فى الاول ماخدتش فى بالى وبعدين قلت اروح للوكيل يشوف يعمل فيها اية ودا كان طبعا فى صيانة الالف...ودا كان اول انطباع سىء للوكيل لانة لم يتعامل مع المشكلة وحسسنى انها حاجة هايفة ماتستحقش ضياع وقتة الثمين..
2-على حوالى 3000كم وانا راكن العربية لقيت زيت نازل من العربية ...من ناحية الفتيس ...فجبت ميكانيكى من المنطقة بص على العربية من تحت وقالى الفتيس بيجيب زيت ...فاتصلت بالوكيل ولكن المرة دى طلع جدع ...بعتلى تانى يوم عربية قطرتنى لغاية الوكيل بالعباسية وبعدين جة واحد يقال عنة انة كبير مهندسين يفحص العربية عغشان يحدد عيب تصنيع ولا عيب استخدام والحمد للة قالى عيب تصنيع وانهعا بسيطة جدا ....الالس بتاع الكوبلن سايب حبة ولازم يتغير ويتحط زيت جديد ويتربط على الجديد كويس ...وفعلا حصل والقصة مااخدتش اكتر من 15 دقيقة وطلعوا جربوا العربية فى الشوارع اللى حوليها وتمام التمام وكلة طبعا على حسابهم ....
ماعد ذلك فالعربية شغالة 100 100 مافيش مشاكل ...وربنا يبعد المشاكل

**mexmarine** · 04-07-2008 11:46 PM

لو فيه حد يا جماعه معاه ال f3 سيدان الكبيره او الصغيره و عليها اقساط و عايز يخرج منها انا مستعد ادخل مكانه و نتفاهم و على فكره انا فى شركة بترول يعنى هتعامل مع اى بنك مفيش مشاكل شرط انها تكون بحالة الزيرو و بحد اقصى 20000 كيلو

**muslem** · 06-07-2008 07:55 PM

انا عندى واحدة و عامل بيه 3000 كيلو مزياها كتير احسن بكتير مثلا على سبيل المثال اكتر من اللانوس من حيث حاجات كتير مثل ارتفاعها عن الارض و من حيث الكماليات و من حيث السعر و المتور كمان و من حيث توفير البنزين
بخصوص العيوب انا كان عندى الشنطة كانت بتقفل بالرزع شوية و بعدين لما عملت صيانة ال1000 قلت لهم على العيب فعدلوا القفل فبقت تقفل بدون رزع
و لما افتكر حاجة تانية حبقي اضيفها ان شاء الله

**Hacker5** · 09-07-2008 12:05 AM

هى قطع غيار العربية دى متوفرة فى التوكيل يعنى فوانيس و اكصدمات و عفشة و فلاتر و التوكيل عامة كويس و بيهتموا بالعميل؟؟؟؟؟؟؟؟

**muslem** · 11-07-2008 04:16 AM

هو من ناحية بيهتمو بالعميل فهم بيهتموا على الاقل ده حصل معى

**mazensayed** · 10-10-2008 08:02 PM

طب يا جماعه أيه أخبار أسعار قطع الغيار؟؟؟

**نور العمر** · 11-10-2008 12:55 PM

يا جماعة انا اصدقائي سافرو الصين تبع الشغل وكان في استضافتهم صاحب شركة البي واي دي وبيحكو عنها حكايات وهمية وخصوصا إن أعلى نسبة مبيعات لروسيا وقالولي إنه حينزل عربية سعة لترية صغيرة أول العام أنا إن شاء الله على إبريل عاوزة أشتري السيارة ... سألت التوكيل قالولي على نوفمبر حينزل ال f1 تنصحوني اشتريها هي 1000 سي سي و 67 باور هورس . شفتها على النت تحفة تشبه للبيكاتو شوية ..حتكون بنفس سمعة وكفائة ال f3 وكمان قطع الغيار ومعاملة التوكيل كويسة واللا لأ . دي أول عربية في حياتي وحتبقى صيني وححط فيها كل مليم معايا وحقسط الباقي وكمان أنا معايا طفلين ومبفهمش حاجة في عالم العربيات خالص غير إني أسوق فقط.
أرجو الرد

**نور العمر** · 11-10-2008 01:00 PM

أهم حاجة حلاقي قطع الغيار بسهولة.. واللا حتبقى تدبيسا .. مش عارفة آخذ القرار بس أنا مقتنعة بالصيني ...
أولهم : البي واي دي
ثانيا: الاسبرانزا لأن أبو الفتوح مسوق ليها كويس وانتشرت
ثالثا: الإيديا 1100 من هويدي موتور
رابعاً: البيني من توكيل سوزوكي

**نور العمر** · 11-10-2008 01:09 PM

ال f1 على هذا اللينك
والمفاجأة إنه فيه f8

http://www.fannat.com/Magazine.aspx?NewsID=424

الموضوع: لأصحاب Byd F3 فقط

LinkBack

أدوات الموضوع

عرض

-

-

-

-

المواضيع المتشابهه

لأصحاب الاستيد

لأصحاب الشادو 400 و 750

حصر لأصحاب الالنترا ...

لأصحاب الكريستالة

صور لأصحاب 620

الكلمات الدلالية لهذا الموضوع

المفضلات

المفضلات

ضوابط المشاركة