العكس صحيح
عرض للطباعة
ياريت صاحب الموضوع يطمنا اخبار العربيه ايه معاه عشان انا حاجزها وهسستلم قريب وعربيه حضرتك 2012 ولا 2013
وهل فى فرق؟!!
عاوز اسال اخبار الدبرياج ايه والفتيس فى النقلات ناعم كده وسلس ولا رخم والدبرياج ناعم وسهل ولا تقيل
واخبار السرعات ايه والثبات
ولو ليك تجربه مع الوكيل ياريت تطمنى
واول صيانه فعلا ال5الاف مفيش الف؟!!
وايه اللى بيتم فيها
لو سمحت مستنى ردك
للرفع
ياريت حد يعمل تقرير وافى عن السياره من الساده الملاك ياريت
للرفعععععععععع
مازلت اشعر بالتميز لانى اخترتها
البنزين والسحب بيتحسنوا جدا
السواقه فى الاول بتبقى مقلق من كل حاجه ومن كتر ما انت ما قلق ممكن تلاقى العربيه بطلت منك (سوقت قبلها 80000 كم مش بتعلم سواقه)
لو سواق تاكسى زهقك والسكه اتفتحت قدامك وكنت على اول الغيار التالت وعملت كيك داون فى اقل من ثانيتين عتلاقيك جبت اخر الغيار ولازم تجيب رابع ولو السكه قفلت مره واحده قدامك تانى ف abs يطمنك ان العربيه مش عتزحف منك ابدا وعتفرمل فى الاتجاه اللى انت اخترته فعلا مش زى الانوس ولا السانديرو العاديه ولا الفرنا صوت الموتور عالى على السريع بس لو قفلت الازاز الصوت بيختفى تماما جدا قوى وتشغل بعد كده الكاسيت بتاع 2013 اللى مش موجود فى 2012 وحتى ممكن تعمل مكالمه منه و يعدى جنبك سيراتو ويبصلك نظره يا بختك
العفشه مستحيل تحك منك ولو كنت مركب 8 ورا وعلى فكره ده ينفع لو طبقت الكراسى وفكيت الفبره اللى بتطلع مع الشنطه (معلش موضوع حك العقشهده عقده قديمه عندى)
الحمد لله
التوكيل لسه بس هم محترمين ولو سفاحين بس انت هناك باشا مش توكيل هيونداى لو جايب اى 30 حتى بتتعامل هناك على انك سدنا الافندى (شغل ورش)
الطارق اكتر حد عتلاقى عندهم العربيه وهم ازبل ناس وكدابين كدب وفيهم كل العبر بس مش حراميه بتاخد العربيه من عندهم صاغ سليم
ياباشا مشكور انا حجزت من اباظه والله وجايبها اوفر برايس عشان استلام فورى
قولى الدبرياج عامل ايه والنقلات قريبه من بعضها ولا لا وانا فى المعرض بحرك الفتيس على الغيارات بسمع اصوات عاليه وانا بنقل والعربيه واقفه ده طبيعى ولا ايه انا مقلق من الدبرياج والفتيس طمنى ارجوك
واخبار استهلاك بنزين ايه؟!
وموضوع ان التنك بمفتاح ده مش رخم شويه !!!؟
اسف على الاطاله انا اصلى هستلم على الاحد او الاتنين ان شاء الله
انت عربيتك 2012 وتفرق ايه عن 2013؟!!1
ربنا يباركلك فيها يا باشا ..
الفتيس كويس وناعم لكن لو انت متعرفش ان المشوار طويل فى كل الرينو يعنى فى وضع الثبات لو رفعت رجلك عشان الاول مش عتتحرك اول ما ترفع ديبرياج وما بحسش بالنقلات والعربيه دايره
الاستهلاك بيتحسن لكن عندى ملاحظه ان كتر تشغيل التكيف اللى هو ممتاز بيسبب ارتفاع فى معدل استهلاك البنزين بشكل رخم
الفرق فى 2013 الكاسيت البلوتوث اللى بتتصل بيه وبس
على فكره الدهان عباره عن طبقه خفيفه جدا وده عيب فيها
للاخ اللى عيستلم مبروك مقدما عتلاقى فى الشنطه كيسين مسامير للجنوط كل واحد فى اربعه وعتلاقى مفتاح بلاستيك عشان تفك بيه الطاسه عامل زى مفتاح الدولاب ومتنساش الولاعه دايما بيحبوا يضربوا عليها واريال السقف
واعمل الكاوتش نيتروجين فى اقرب فرصه والكاوتش عتلاقيه منفوخ على 40 اظبطه اول ما تخرج من المعرض زى ما مكتوب على الباب اللى ناحيه السواق 32/29 مهما بتاع الكاوتش فتالك فيها وصيف وشتا متعبروش
حكايه تانك البنزين اعمل نسخه عند اى بتاع مفاتيح ب 10 جنيه وحطها فى العربيه وابقى اديها للواد بتاع البنزينه على فكره مش عتدور العربيه عشان مش بصمه بس انا لو منك انزل افتح بنفسك واقف على قلب الولا منعا للعك
عيقلولك اعمل تشميع و كير اكمنك لسه جايبها جديد مش عتستخسر بس راى فلوس على الارض طبيعه مصر الصحراويه والتراب تبوظ اجدعها غسله فى يوم واحد بس
الركنه بيها صعبه المرايات مش عتوريك حاجه محتاجه لسنسور بارك ده افيد لك ب 350 جنيه تركيبه فى التوكيل وبتجيبه معاك من بره(استقطاع)
اللى يقول ان صاحب الموضوع بخل بمعلومه عابلغ فيه شرطه المنتدى