مشكله فى نيسان صنى 95

**amr_adel00** · 30-09-2012 05:23 AM

السلام عليكم يا شباب..
اخوكوا عمرو من قسم الدايو و محتاج مساعدتكم..
فى الاول اسف على الاطاله :)
انا والدى معاه صنى 95 و عنده مشكله فى المؤشر بتاع الحراره المشكله ان المؤشر بيترفع عن المكان الطبيعى بتاعه اللى هو تحت النص بشرطه كده او شرطتين.. فى الاول افتكر ان العربيه بتسخن منه بس لما وقف و فتح الكبوت فى مره من المرات, شاف ان المراوح شغاله عادى و الريداتير فيه مياه عادى.. بردوه راح عمل تسليك للريداتير و دورة غسيل للموتور و راح للكهربائى و اشترى ثرموثتات و اتأكد ان المراوح بتعمل بكفاءه و برده لسه المؤشر بيترفع فوق النص.. و الموضوع متكرر بشكل مخلى والدى كاره العربيه جداااااا
اللى خلانى بقول ان المؤشر بايظ انه لما المؤشر بيترفع منه بيركن و يبطل تقريبا 5 دقايق و يرجع يدور يلاقى المؤشر ظبط و رجع فى مكانه الطبيعى.. اعتقد ان لو العربيه بتسخن فعلا مش هتلحق تبرد و ترجع للطبيعى بتاعها فى 5 او 10 دقايق..
يعنى ممكن يكون فى حاجه مثلا فى صباع الحراره او فى الارضى بتاع المؤشر او فى العداد نفسه, ده مجرد رأى الشخصى..
بس طبعاااا محتاج رايكم لان انتوا طبعا اهل الخبره..
فلو ممكن الافاده يبقى جزاكم الله خيرا.. :)
و ايه الممكن يتعمل مع الموضوع ده ؟؟
ارجوا تقبلوا اسفى على الاطاله مره تانيه

**amr_adel00** · 30-09-2012 05:19 PM

معقوله يا جماعه
14 مشاهده و ولا رد ؟؟
بصراحه 1000 شكر على المجهود العظييييييييييم اللى فى قسم النيسان

**amr_adel00** · 01-10-2012 07:07 AM

29 مشاهده و بردوه اعد باكلم نفسى..
طب متاااابع

**ahmed88** · 01-10-2012 08:19 AM

يا أستاذ عمرو ماهو الناس مش صاحيين 24 ساعة واللي دخل شاف الموضوع أكيد ميعرفش الحل فمقدرش يفيدك و ممكن أصلا واحد مش عضو في المنتدى شاف الموضوع فاتحسبت مشاهدة ...
لو انتا متابع القسم هتعرف أنهم مش بيتأخروا عن إفادة حد و فيه ناس مش بتدخل المنتدى غير بالليل بعد مايرجع من شغله ..
فاصبر شوية و إن شاء الله هيفيدوك ..
أنا لوكنت أعرف مثلا كنت أفدتك

**amdd** · 01-10-2012 09:02 AM

اسلوبك ده ميخليش حد يرد عليك
غير طلمبة البنزين

**FBIAhmed** · 01-10-2012 09:59 AM

المشاركة الأصلية كتبت بواسطة amr_adel00

السلام عليكم يا شباب..
اخوكوا عمرو من قسم الدايو و محتاج مساعدتكم..

فى الاول اسف على الاطاله :)
انا والدى معاه صنى 95 و عنده مشكله فى المؤشر بتاع الحراره المشكله ان المؤشر بيترفع عن المكان الطبيعى بتاعه اللى هو تحت النص بشرطه كده او شرطتين.. فى الاول افتكر ان العربيه بتسخن منه بس لما وقف و فتح الكبوت فى مره من المرات, شاف ان المراوح شغاله عادى و الريداتير فيه مياه عادى.. بردوه راح عمل تسليك للريداتير و دورة غسيل للموتور و راح للكهربائى و اشترى ثرموثتات و اتأكد ان المراوح بتعمل بكفاءه و برده لسه المؤشر بيترفع فوق النص.. و الموضوع متكرر بشكل مخلى والدى كاره العربيه جداااااا
اللى خلانى بقول ان المؤشر بايظ انه لما المؤشر بيترفع منه بيركن و يبطل تقريبا 5 دقايق و يرجع يدور يلاقى المؤشر ظبط و رجع فى مكانه الطبيعى.. اعتقد ان لو العربيه بتسخن فعلا مش هتلحق تبرد و ترجع للطبيعى بتاعها فى 5 او 10 دقايق..
يعنى ممكن يكون فى حاجه مثلا فى صباع الحراره او فى الارضى بتاع المؤشر او فى العداد نفسه, ده مجرد رأى الشخصى..
بس طبعاااا محتاج رايكم لان انتوا طبعا اهل الخبره..
فلو ممكن الافاده يبقى جزاكم الله خيرا.. :)
و ايه الممكن يتعمل مع الموضوع ده ؟؟
ارجوا تقبلوا اسفى على الاطاله مره تانيه

سلام عليكم

انا للاسف مدخلتش نت امبارح فلسا شايف المشاركه دلوقت

حضرتك ممكن تفك حساس الحراره و تغيره و جرب و لو منفعش ممكن حضرتك تشتري ترمومتر طبعا ترمومتر مش من الصيدليه ترمومتر كبير و تقيس درجة حرارة الميه و لو طلعت مزبوطه يبقى المشكله في مؤشر التابلوه خلص الخطوات دي و قولي النتيجه

تحياتي