رد الصاج بالشفط!!!!!!

**MEDO80** · 08-07-2008 09:37 PM

انا رحت للمحل الي الباشا قالي علية في سموحة و قالي ان مش اي خبطة ممكن تترد زي الي عندي كدا و قالي بالنسبة للتقشير مكن اجيب قلم بلون العربية بيكو تقريبا و اعمل بية مكان الحكة حيداريها
حد عندة فكره عن الكلام دا صح و لا لا و اجيب القلم دا منين و حيعزل الصاج علشان البارومة و لا لا ؟

**3mr Farrag** · 08-07-2008 09:52 PM

بيتجاب من اي واحد بتاع حدايد و بويات
سعره اعتقد في حدود 5 جنيه ....
بس مش عارف بقي موضوع العزل ايه نظامه

**MEDO80** · 08-07-2008 10:30 PM

حاجرب اجيبة و برضة حاحكيلكم اية النظام بس ادوني يومين علشان مشغول

**thegreatnileman** · 09-07-2008 09:03 PM

صلوا على النبى

اولا الموضوع بسيط جدا ودى فكره ربنا الهمنى بيها وجربتها ونجحت بس بشرط ان الجزء المراد شفطه يكون بعيد عن العضم بتاع الباب او الرفرف

تروح كارفور او اولاد رجب او اى سوبر ماركت كبير تلاقى هناك فى نوع من الشماعات بتتثبت فى الحائط عن طريق مكبس بلاستيك (شفاط) بس له دراع صغير ذى الهلب بيتنى يقوم يشفط الهواء ويخليها تمسك فى الحيط جامد جدا انا جربتها وثبتها فى صاج العربية وبعدين شديتها فسحبت الصاج

وفى حاجه اسهل جربتها فى رفرف لانوس قبل كده وهى (سلاكة البلاعه الكاوتش بتاعت الحوض) بس تكون جديده ونوع جيد وتغسل الصاج من التراب وتبقى مبلوله مياه وتكبسها فى الحته المطبقه من الصاج وتشدها مره واحده ان شاء الله تلاقى الصاج رجع زى مكان وتدعى لى

**MEDO80** · 09-07-2008 10:37 PM

علية افضل الصلاه و السلام

**kemo_nagy** · 11-07-2008 01:16 AM

المشاركة الأصلية كتبت بواسطة thegreatnileman

صلوا على النبى

اولا الموضوع بسيط جدا ودى فكره ربنا الهمنى بيها وجربتها ونجحت بس بشرط ان الجزء المراد شفطه يكون بعيد عن العضم بتاع الباب او الرفرف

تروح كارفور او اولاد رجب او اى سوبر ماركت كبير تلاقى هناك فى نوع من الشماعات بتتثبت فى الحائط عن طريق مكبس بلاستيك (شفاط) بس له دراع صغير ذى الهلب بيتنى يقوم يشفط الهواء ويخليها تمسك فى الحيط جامد جدا انا جربتها وثبتها فى صاج العربية وبعدين شديتها فسحبت الصاج

وفى حاجه اسهل جربتها فى رفرف لانوس قبل كده وهى (سلاكة البلاعه الكاوتش بتاعت الحوض) بس تكون جديده ونوع جيد وتغسل الصاج من التراب وتبقى مبلوله مياه وتكبسها فى الحته المطبقه من الصاج وتشدها مره واحده ان شاء الله تلاقى الصاج رجع زى مكان وتدعى لى

انا شفت حاجة زى اللى حضرتك بتوصفة دة معمولة مخصوص لرد الصاج تقريبا نفس الفكرة بس يصراحة ماشفتهوش فى مصر لقيتة بس على قنوات التليفزيون ...بصراحة عايز اجرب موضوع الشماعة دة ياريت لو عندك صورهلنا عشان روحت انهرضة اولاد رجب ماحدش فاهم منى حاجة....الف شكر يا باشا:)

**thegreatnileman** · 11-07-2008 05:13 AM

يا باشا طلباتك اوامر

هى دى بعض الصور للشماعه وكمان لو مساحة الخبطة كبير ممكن تستعمل السلاكه الكاوتش بتاعة الحوض بس تكون نظيفة زى ما انا قلت قبل كده

اتفضل الصور

ودى صورة للسلاكه اللى قصدى عليها وفى انواع ابسط من كده بكتير وتفى بالغرض

**muslem** · 12-07-2008 02:28 AM

طيب ايه رأيكم فى المعنطيس الكهربائي؟؟
و نضع بين المغنطيس و الصاج حتة قماشة قطن بس تكون سميكة شوية علشان لا يجرح الصاج و اظن المغنطيس حيكون مفيد برضوةفى المكان اللى ممكن يكون معصلج شوية لانه اقوى طبعا
انا خبطتي للاسف مينفعش فيها شفط او غيره لانه فى عضم الباب للاسف فى طرفه من تحت
ربنا يخفظ له ابنها اللى اتلخمت فى ابنه و خبطتنى و العربية مكمليتش حتى ربع سنة معى

**Tamer-Ezzat** · 12-07-2008 04:04 AM

انا جربت الشفط قبل كدة فى العتب وكانت نتيجتة باهرة .. فى التوكيل ...

الشماعة جربتها فى السقف حققت نتيجة بس فى الاخر اتكسرت ...

المغناطيس فكرة ممتازة بس كدة عايزين ملف كبير علشان تبقى قوة الجاذبية بتاعته عالية وأعتقد انه لابد من فصل البطارية لان متنساش ان جسم العربية كله أرضى ...

**banboty** · 12-07-2008 09:49 AM

ولكن ممكن بسهولة ترجع تانى , لان اي صاج بيبقى له عصب و العصب ده بيضعف لما العربية تتخبط او تتفقع و علشان تقوي العصب ده , لازم تعمل شغل السمكرة التقليدي من تسخين و حموات واستعدال و كده يعنى ...

الموضوع: رد الصاج بالشفط!!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

شفط الصاج

مشكلة حصلت واتحلت بالشفط

رد الصاج بالشفط - منقول

الصاج طري قوي قوي

سمكرة العتب المقفول بالشفط --- استشارة

الكلمات الدلالية لهذا الموضوع

المفضلات

المفضلات

ضوابط المشاركة