المزاد العلنى لسيارات مجلس الدفاع الوطنى (المخابرات العامه)

**M.Elgergawy** · 30-09-2012 09:14 PM

تسلم ايدك ومجهود جبااااااااااااار
ومفهومش غير الشيروكي الصراحة

**yoko** · 30-09-2012 09:15 PM

المشاركة الأصلية كتبت بواسطة ahmed_adham

معنى كده اللي راكبين العربيات دي بيعملو اللي هما عايزينه وحدش هيحاسبهم بقى؟ يا حلاوه يا ولاد....

ايوه ملهومش مخالفات ولو طلعت رخصة العربيه محدش بيسألك على رخصة السواقة
بس عن تجربه معظمهم مبيقلوش أدبهم في السواقة يعني أخرهم سرعة لكن تكسير على اس او قله أدب او الكلام ده مبيحصلش مش زي بتوع الشرطة الي شفته خبط ناس عمد عشان يوسع لنفسه

**ahmed_eng2001** · 30-09-2012 09:32 PM

ربنا يباركلك على النشر و الافادة

موضوع كويس جدا ....

بالرغم من اعتقادى الكبير ان فيه تجار متخصصين فى الموضوع ده ... و حيحاربوا اى حد غريب عنهم انه يدخل فى الموضوع ده ... الا انى ان شاء الله ححاول اشارك فى الموضوع ده ...

للمرة التانية حضرتك مشكور جدا جدا

**ahmedkoko** · 30-09-2012 09:45 PM

هي مش المخابرات دي شغلها معظمه برا البلد. العربيات دي كلها بيعملوا بيها ايه؟؟

**Eng_hatemfathy** · 30-09-2012 10:00 PM

السلام عليكم لى صديق مهندس ضابط بالمخابرات وهو مهندس سيارات ومسئول صيانة سيارات المخابرات واخبرن من قبل عن جداول الصيانة الدورية وقد تكون هناك سيارات حالتها جيده ابتداء من موديلات 2004 وبالتأكيد السعر هيكون رائع والسيارة هيكون موثوق فيها يعنى مش عامله حوادث ومستخبية وورقها سليم 100% وعلى فكرة العربيه لا تباع الا بعد ان تستوفى وزارة المالية قيمة الجماركاو تعدم السيارة بقطع الشاسيه وهذا مطيق فى كل السيارات المعفاة مؤقتا والجمرك والتى تتبع الحكومة والمشتركة

**m_adeleid** · 30-09-2012 11:09 PM

المشاركة الأصلية كتبت بواسطة y a r i s

انا دخلت المزاد ده زمان واشتريت منو بيجو ٥٠٥
كل العربيات لطات ... يعني خوردة وانتا هتخودها تشيدها .... هما بيشتروا العربيات من غير جمارك يعني بسعر التكلفة ولمن يجو يبوعوها كمان بيكسبوا فيها. يعني هما بيبيعوا العربيات الخردة دي بالتمن الي اشتروه بيه. من خلال مزاد علني شايف الاستيكراد .... عمرك شفت بلد بتستكرد شعبها زي دولتنا

ده حتى الي بيوقف على المزاد جايبين حتت دين وااااااد. يعرف ازاي يحمي الجلسة. وازاي يشعلل المزاد بتلاقي الحضور كتير. وهو ايوه نبدء المزاء ب ١٠.٠٠٠ جنيه ايوه مين قال ١١ ورى هلى اليمين ١٢ ورى على الشمال. ٢٠ للحج محمد. خمسين للحج شريف ايوه يالله ياجماعه دي عربية جامده لغايت مايوصل العربية السعر الي هو عاوزوا

لا وبيحطلك اول المزاد العربيات الشمنشة او الحوادث علشان عارف بداية المزاد الناس لسه مسخنيتش واول مالناس تسخن ينزل بقه الحجات الحلوة. .

مش البلد بس اللي بتستكرد شعبها يا باشا
الناس كلها بتستنصح علي بعض و بتستكرد بعض والدليل
انت لو معاك مثلا لانوس موديل 99 وجبتها زيرو ب 39 الف حتيجي تبيعها دلوقت ب 40 -42 (اغلي من تمنها من 13 سنه اللي هوا اصلا كان تمن غالي برضو ساعتها علشان السرقه و المغالاه في الجمارك والضرايب)و تقول ده سعر السوق
و لو عندك شقه وجايبها بسعر معين و جيت تبيعها بعد 3 او 4 شهور حتحط مش اقل من 50 الف فرق والحجج سريعه التحضير مفيش اسهل منها
إن الله لايغير ما بقوم حتي يغيرو ما بأنفسهم
و في رأيي المتواضع تمتع بالسيء فالأسوأ قادم

**Eng_hatemfathy** · 30-09-2012 11:52 PM

المشاركة الأصلية كتبت بواسطة m_adeleid

مش البلد بس اللي بتستكرد شعبها يا باشا
الناس كلها بتستنصح علي بعض و بتستكرد بعض والدليل
انت لو معاك مثلا لانوس موديل 99 وجبتها زيرو ب 39 الف حتيجي تبيعها دلوقت ب 40 -42 (اغلي من تمنها من 13 سنه اللي هوا اصلا كان تمن غالي برضو ساعتها علشان السرقه و المغالاه في الجمارك والضرايب)و تقول ده سعر السوق
و لو عندك شقه وجايبها بسعر معين و جيت تبيعها بعد 3 او 4 شهور حتحط مش اقل من 50 الف فرق والحجج سريعه التحضير مفيش اسهل منها
إن الله لايغير ما بقوم حتي يغيرو ما بأنفسهم
و في رأيي المتواضع تمتع بالسيء فالأسوأ قادم

اسمحلى حضرتك بالمداخلة لان الموضوع مش موضوع سرقة او استنصاح انما هو تغير قيمة المال والتى تسمى فى الاقتصادtime value of money يعنى فى عام 99 كم كان يسوى الجنيه بالنسبة لدولار او الذهب واليوم كم يسوى الجنيه بالنسبة لهم -على سبيل المثال كان سعر جرام ذهب 18 فى شهر يوليو 2000 كان 26 جنيه واليوم 260 جنيه -كان سعر الدولار 3 جنيه وثمانون قرشا واليوم 6 جنيه ولذلك فبامكانك ان تعلم ان العربيات رخصت مش غليت يعنى لو لم تقل الجمارك فى 2005 كان زمان اللانوس دى وصلت 60 الف او 70 الف موديل 99 على الاقل -فالموضوع مش سرقة على قد ما هو انخفاض سعر االجنيه بسبب انهيار الاقتصاد المصرى وربنا يستر علينا لان الموضوع مش مبشر بالخير