عايز اسوق العربية بدون زجاج امامي ! ارجو المساعدة

**pharmacology** · 30-09-2012 11:39 PM

السلام عليكم

انا معايا لوجان وعملت بيها حادثة من شهر ونص والزجاج الامامي والجانبي عندي اتكسر .. انا من دمياط واقرب حد كويس بيركب زجاج في المنصورة ( حوالي 70 كيلو ) او في العاشر مصنع جريش ( حوالي 200 كيلو ) .. كل اللي بفكر فيه ازاي هسوق العربية بدون زجاج امامي وهمشي المسافة دي .. هل ممكن مثلا احط " مشمع " او اي غطاء شفاف وامشي بيه ولا أأقطر العربية ( ودي هتكلف تقريبا 400 ج لو وديتها المنصورة ) .. هل فيه حد ممكن يفيدني او يقولي اعمل ايه ؟؟؟ وشكرا لكم مقدما

**michohat** · 01-10-2012 12:00 AM

من ناحيه انك تمشي بالعربية فانت المفروض تمشي بسرعه بطئيه او او ف حما عربيه قدامك علشان تفضل متحكم ف العربية وانك لو زودت السرعه العربية هتعمل زي فرامل عكسية بسبب الهوا اللى بتقابله وبيدخل الصالون
ومن ناحيه تانيه خلي بالك من لجان المرور لانك كده بتخالف شروط الامن والمتانه واي عسكري ممكن يوقفك ويسحب العربية
وانتظر برضه اراء الاعضاء الافاضل

**pharmacology** · 01-10-2012 12:25 AM

المشاركة الأصلية كتبت بواسطة michohat

من ناحيه انك تمشي بالعربية فانت المفروض تمشي بسرعه بطئيه او او ف حما عربيه قدامك علشان تفضل متحكم ف العربية وانك لو زودت السرعه العربية هتعمل زي فرامل عكسية بسبب الهوا اللى بتقابله وبيدخل الصالون
ومن ناحيه تانيه خلي بالك من لجان المرور لانك كده بتخالف شروط الامن والمتانه واي عسكري ممكن يوقفك ويسحب العربية
وانتظر برضه اراء الاعضاء الافاضل

هو ده كده مخالف لقواعد المرور !!!! انا اول مرة اعرف المعلومة دي !!

**michohat** · 02-10-2012 01:43 AM

انت لو ماشي زجاجك مشروخ ممكن يوقفوك لان العربية مفتقده لشرط مش شروط الامن والمتانه

**akmm** · 02-10-2012 01:02 PM

البس نظاره شمس واى حد يوقفك قول له لسه الزجاج مكسور من ساعه ورايح اركب غيره ويا حبذا لوفيه شويه زجاج من المتكسر يكون على ارضيه العربيه كدليل وقتى انه لسه متكسر ... وحيقولا لك توصل بالسلامه .

**eng.m7md.ali** · 02-10-2012 01:22 PM

طيب ماتبعت تجيبه او شوف حد من اصحابك ينزل معاك تجيبه بالعربية وبلاش تسوق عربيتك بالطريقة دي

**bmya** · 08-10-2012 10:45 PM

بص ياباشا بناءا على تجربه بعربيتي القديمه
انا كنت راجع من دمياط الجديده وكنت لسه يدوب معدي كفر سعد راجع المنصوره وفجأه وانا ماشي على 120 وبعدي عربيه نقل الازاز المامي فرقع في وشي والمرايه اللي في النص خبطت في راسي وربناسترها وعرفت اقف وملبستش في حاجه والحمد لله متعورتش كدمه بسيطه من المرايه
المهم اعمل ايه قلت انا معرفش حد بتاع ازاز ومش عاوز البس من اي حد من الطريق روحت مكمل الطريق كله من غير ازاز تجربه رهييييييييييييييبه (وكنت بجري عشان عاوز انجز) العربيه كانت لانسر 99
المهم طبعا على كا وصلت مش المنصوره بقه انا كنت رايح ميت غمر يعني بعد المنصوره ب 50 كيلو كمان :)
اتروقت يومها تراب وقش رز وظلط وحشرات دبان ونحل وكل اللي نفسك فيه كان بيلبس في وشي ههههههههههه العربيه وانا كنا مزبله على ماوصلت
فلو عاوز تسافر مفيش حل تاني يبقى امشي براحتك 80 90 وغطي وشك باي حاجه واعمل حسابك انك هتتروق انت والعربيه زي ما قلت لك اي حاجه طايره هتمسي عليك تراب وقش وزلط وحشرات

**bmya** · 14-10-2012 01:21 AM

والله ياباشا انا مش عارف بس جايز ظلطه من الطريق مانات عارف النقل الله يحرقهم بيمشو يرموا ظلط ورمل على العربيات الملاكي هي المشكله بس ان الزجاج كان طبقه واحد بس يعني مش بيتشرخ وخلاص على كده لاءه اي شرخ تلاقيه اتهرى واتفرفيت ده غير اني كنت ماشي بسرعه فطبعا ساعد ان الازاز يتكسر بسرعه
انا لسه برده واكل ظلطه امبارح عملتلي نقره محترمه وقبلها برده ظلطه عملتلي شرخين حلوين عادي انها مصررر

الموضوع: عايز اسوق العربية بدون زجاج امامي ! ارجو المساعدة

LinkBack

أدوات الموضوع

عرض

-

-

-

-

المواضيع المتشابهه

مساعدة ... عايز اسوق بدون رخصة !!

طلمبة البنزين سخنت بدون سبب و العربية كانت هتولع و ربنا ستر برجاء المساعدة

عايز ازود اداء العربية ارجو المساعدة ؟؟

برجاء المساعدة عايز اركب زجاج كهرباء

ارجو المساعدة - زجاج المرايا مازدا 3

الكلمات الدلالية لهذا الموضوع

المفضلات

المفضلات

ضوابط المشاركة