ارجو المساعدة - زجاج المرايا مازدا 3

**mamido83** · 20-07-2010 01:09 PM

السلام عليكم يا مازداوية،

انا لسه خابط جنب العربية و كسرت زجاج المرايا اليمين و الحمد لله على كل شىء، الزجاج اتكسر جوه العربية و جيه فى ايدى و وشى بس جت بسيطه الحمد لله و الحمد لله الحمد لله ان الزجاج كان عليه لصق من وره و ده مخلاهوش يتكسر كله، الحمد لله على كل شىء

هو كف المرايا ده كله لاقيته جوه العربية ، و ركبته تانى كبس كده، المهم هو الزجاج اتكسر و كنت عاوز اجيب زجاج بس غير الى اتكسر ده
المكنة بيتهيألى سليمة

لو ممكن حد يقولى فين مكان حد كويس يتعمل عنده الزجاج المقعر زى الى كان راكب ده، انا قريب من شارع دمشق و بعدى من هناك كل يوم لو حد يعرف حد هناك يبقى جزاه الله خير لو يوصفلى مكانه

و برضه لو حد عارف محل بيبيع المرايا كاملة بسعر معقول عشان لو المكنةبايظة اجيب واحده جديدة و خلاص

الف شكر

**levelpower** · 20-07-2010 03:42 PM

الحمد لله انك بخير و ربنا يعوضك خير

انا اعتقد انك ممكن تلقى المرايا جديدة عند العالميه فى شارع دمشق بس معرفس سعرها كام ؟
ممكن تسألهم فى التليفون
العنوان 32 ش دمشق - مصر الجديدة
22560511-0108886667-0164444486

و ممكن تشوف محمد جابر الانصارى تشوف الاسعار عنده كام
55 ش دمشق - ميدان الجامع - مصر الجديدة
ت 22582995-24552703-0124782008

**janjon1978** · 20-07-2010 04:58 PM

مادام غلاف الزجاج البلاستيك ماكسرش --> فى واحد فى اول دمشق بتاع مرايات عملى الزجاج المقعر ب 40 جينه وهو عندة الاصطنبة

**mamido83** · 20-07-2010 05:28 PM

الف شكر يا رجالة على ردودكم و انشاء الله النهارده و انا نازل من الشغل هعدى على شارع دمشق و اركب الزجاج بتاع المرايا، بس يا باشا لو تقدر تقولى هو فين بالظبط فى اول دمشق و اسم المحل ايه؟

و الله جزاكم الله كل خير على ردودكم

**janjon1978** · 20-07-2010 06:09 PM

معرفش اسمة الحقيقة لكن هو بعد احمد جابر و محل الشافعى بكذا محل و الناس هناك عارفة فى اول دمشق و انت جاى من ميدان الجامع

**mamido83** · 20-07-2010 07:05 PM

المشاركة الأصلية كتبت بواسطة janjon1978

معرفش اسمة الحقيقة لكن هو بعد احمد جابر و محل الشافعى بكذا محل و الناس هناك عارفة فى اول دمشق و انت جاى من ميدان الجامع

الف شكر لحضرتك

**mamido83** · 21-07-2010 10:37 AM

السلام عليكم يا رجالة المازدا،

الف شكر على مشاركتكم امبارح، انا روحت ركبت المرايا بعد الشغل فى شارع دمشق و دفعت 50 جنيه ، المرايا بالتركيب و ظبط المرايا الشمال و الحمد لله جت سليمة المرادى ;)
و بجد جزاكم الله كل خير على ردكم امبارح :)

**waelabdualla** · 21-07-2010 11:52 AM

الف سلامة وان شاء الله ربنا يعوضك خير والحمد لله جت على قد كده

**almeya** · 06-08-2010 08:29 PM

الف سلامة على سلامتك يا مان

**mamido83** · 09-08-2010 11:08 AM

يا رجالة كنت راكن عند ماركتو امبارح فى اول عباس العقاد و بعد ما خلصت الشغل نزلت لاقيت المرايات بالكف مسروقين!!!! آه و الله العظيم مسروقين و الحتة دى مابتهداش ابدا
انا شاكك فى العيال الى بتكون واقفة هناك، فخدوا بالكم و ربنا يسترها علينا انشاء الله و الحمد لله على كل شىء

المهم، ايه افضل حل دلوقتى؟!!! هل المرايات بالكف بتاعها بيتباع؟ و بكام و انهى افضل مكان اشترى منه؟

جزاكم الله كل خير

الموضوع: ارجو المساعدة - زجاج المرايا مازدا 3

LinkBack

أدوات الموضوع

عرض

ارجو المساعدة - زجاج المرايا مازدا 3 - انشر الموضوع فى :

-

-

-

-

-

-

-

المواضيع المتشابهه

عايز اسوق العربية بدون زجاج امامي ! ارجو المساعدة

مقبل على شراء مازدا 3 ارجو المساعدة

ارجو المساعدة فى تعلية مازدا 323

زجاج المرايا للبومة اتكسر

أجيب زجاج المرايا منين ؟؟

الكلمات الدلالية لهذا الموضوع

المفضلات

المفضلات

ضوابط المشاركة