الموضوع: استلمت لانسر شارك 2012

المشاركة الأصلية كتبت بواسطة flavio_egypt

الف مبروك وربنا يعطيكى خيرها ويحفظك من شرها
وممكن اعرف حضرتك اشتريتها منين لانى مش لاقيها خالص

جبتها من المصريه للسيارات اللي على كورنيش المعادي

المشاركة الأصلية كتبت بواسطة mido353235

الباور مش تقيل ولا حاجه ده اخف من السيراتو كتير وهو باور كهربا مش زيت على فكره

2012 بقت تنزل زيت .

المشاركة الأصلية كتبت بواسطة spidermohmd1

2012 بقت تنزل زيت .

انا مش فهمه هو الزيت أحسن ولا الكهربا؟

أولا ألف ألف مبروك ربنا يديكى خيرها ويكفيكى شرها , أختيار موفق بأذن الله .

بالنسبة لسؤال حضرتك عن الباور الزيت أحسن ولا الكهرباء :
فى 3 أنظمة للباور :
الكهربى والهيدروليكى والهيدرو-كهربى (استعمل فى بعض السيارات الفخمة زى مرسيدس w210 ,w211 , بس دلوقتى رجعوا تانى للهيدروليكى الخالص)
1)الباور الهيدروليكى : أول نظام باور اتعمل , ميزتة أنة أكتر نظام يعطى السائق feedback من الطريق مش بيعزلة عن الشارع , عيبة أنة بيزود استهلاك البنزين من 5-8%
2)الباور الكهربى : ميزتة أنة بيوفر استهلاك البنزين الزيادة بتاع الهيدروليكى وبرضة يعتبر أرخص نظام , عيبة أنة بيعزل السائق تماما عن الشارع , ودة يعتبر عيب وغير مطلوب , عشان كدة دايما تلاقى الفئات الفخمة من العربيات تستعمل الهيدوليك مش الكهربى (على سبيل المثال هوندا سيفيك 2012 باور كهربا , هوندا أكورد 2012 باور هيدروليكى)
3) الباور الهيدروكهربى : جمع مزايا النظامين , بس عيبة أنة غالى

فالنظام اللى مع حضرتك دة أحسن نظام .

وألف مبروك مرة أخرى .

أعتذر للأطالة وتقبلوا تحياتى

معلش كنت عايز اعرف يعني ايه الباور الكهربا بيعزل السواق عن الشارع

المشاركة الأصلية كتبت بواسطة hany63

معلش كنت عايز اعرف يعني ايه الباور الكهربا بيعزل السواق عن الشارع

يعنى الباور الكهربا بيمنع أى تغيير أو أى اختلاف فى المقاومة اللى بيحس بيها السواق فى الدريكسيون نتيجة تغيير القوى اللى على العجل اللى قدام (على سبيل المثال بسبب تغيير اتجاة السير أو تغيير فى سطح الطريق أو بسبب المرور على طبقة مياة على الشارع)
على سبيل المثال :
حضرتك ماشي بالعربية مثلا على سرعة 30 كم/س , ماسك الدريكسيون فى ايدك بتحركة سنة يمين و شمال فى مشيك الطبيعى عشان تفادى البلاعات والنقر وكدة , بتحس بقوة معينة أنت بتلف بيها الدركسيون.

جميل ؟!؟!

قررت تحود فى شارع جانبى عمودى على خط سيرك الأصلى (كنت فى شارع رئيسى وعايز تدخل شارع جانبى) , بس من غير ما تبطأ , عند ادارة الدريكسيون لاحظ القوة اللى بتلف بيها الدركسيون , فى احتمالين :

1)القوة اللى بتلف بيها الدركسيون لما بتحود تلاقيها أكبر من القوة اللى بتلف بيها الدركسيون وانت بتفادى البلاعات , ودة الوضع الطبيعى .

2) أو تلاقى القوة اللى بتلف بيها الدركسيون لما بتحود تساوى القوة اللى بتلف بيها الدركسيون لما بتفادى البلاعات , فى الحالة دى يبقى الدركسيون بيعزل حضرتك عن الشارع , لأنة مابيديش معلومات انت تقدر من خلالها تحدد مقدار التماسك بين العجل الأمامى والطريق .

وبصراحة أكتر عربية لقيت فيها الظاهرة دى كانت الالنترا (2010) سقتها وهى عاملة 8000 كيلو , فعلا تحس أنك ماسك دركسيون لعبة , لا بيتقل ولا بيخف ولا بتحس بأى حاجة , احود اكسر خد غرزة امشى فى مياة اعمل اللى تعملة هى نفس المقاومة اللى بتحس بيها فى ايدك (أنا بتكلم على سرعات أقل من 60 كيلو , بعدها الباور بيفصل , بس برضة مابتحسش بحاجة :)))

بينما الهوندا سيفيك الباور كهربا صحيح , بس مختلف نهائيا عن الالنترا
(أنا ماجربتش باور الشارك الكهربا اللى قبل 2012 , بس أكيد كويس:))

أتمنى أنى أكون عرفت أوصل الفكرة

أعتذر للأطالة وتقبلوا تحياتى .

المشاركة الأصلية كتبت بواسطة mostafa_nour

أولا ألف ألف مبروك ربنا يديكى خيرها ويكفيكى شرها , أختيار موفق بأذن الله .

بالنسبة لسؤال حضرتك عن الباور الزيت أحسن ولا الكهرباء :
فى 3 أنظمة للباور :
الكهربى والهيدروليكى والهيدرو-كهربى (استعمل فى بعض السيارات الفخمة زى مرسيدس w210 ,w211 , بس دلوقتى رجعوا تانى للهيدروليكى الخالص)
1)الباور الهيدروليكى : أول نظام باور اتعمل , ميزتة أنة أكتر نظام يعطى السائق feedback من الطريق مش بيعزلة عن الشارع , عيبة أنة بيزود استهلاك البنزين من 5-8%
2)الباور الكهربى : ميزتة أنة بيوفر استهلاك البنزين الزيادة بتاع الهيدروليكى وبرضة يعتبر أرخص نظام , عيبة أنة بيعزل السائق تماما عن الشارع , ودة يعتبر عيب وغير مطلوب , عشان كدة دايما تلاقى الفئات الفخمة من العربيات تستعمل الهيدوليك مش الكهربى (على سبيل المثال هوندا سيفيك 2012 باور كهربا , هوندا أكورد 2012 باور هيدروليكى)
3) الباور الهيدروكهربى : جمع مزايا النظامين , بس عيبة أنة غالى

فالنظام اللى مع حضرتك دة أحسن نظام .

وألف مبروك مرة أخرى .

أعتذر للأطالة وتقبلوا تحياتى

الف شكر لرد حضرتك و للافاده