الموضوع: عندي رجه سخيفة أوي (أوبل فيكترا بي 2)

فعلا دلوقتي التوكيل بقي انسب وارخص خيار
المشكله بقي في الصعيد انه لا فيه توكيل ولا فيه صنايعيه

المشاركة الأصلية كتبت بواسطة MaaM

مجرد بفكر بصوت عالي
600 جنيه عند مليجي و شداد بـ ؟؟ عند هيثم اللي ماكانش شايف قدامه
وفي الاخر المشكلة ما اتحلتش ! ياترى لو روحت للتوكيل ودفعت الف جنيه مثلا وقولتلهم فيه رجة في العربية ، هل كانوا يسلموك العربية بالرجة بتاعتها ؟!

انا دفعت 3000 جنيه عند س (عفشة وطقم سرفيس) وفي الاخر العربية لسا فيها
- صوت صفافير مع الفرامل (بالرغم من تيل امامي وخلفي جديد وكمان صنفرة 3 مرات للامامي)
- طقطقة مع لف الدركسيون يمين او شمال مع الفرامل ودلوقتي الحمد لله بقت كمان من غير الفرامل
- تسريب في الدورة من ساعة اما كنت هناك ولا كان حد من البشوات هناك ملاحظه

و الله أنا شخصيا بحترم صيانة التوكيل جدا .. على الأقل معاه service manual .. و بيشتغل منه .. مش شغال try and error .. بس نعمل ايه بأه .. أسعارهم مبالغ فيها خلوا الناس تكرههم .. غير ان برضه عندهم مشاكل في الصيانه زي باقي الناس.

المشاركة الأصلية كتبت بواسطة islambana

فعلا دلوقتي التوكيل بقي انسب وارخص خيار
المشكله بقي في الصعيد انه لا فيه توكيل ولا فيه صنايعيه

أنا فعلا في الكورسا لما كان يبقى في حاجه غريبة .. أروح التوكيل يكشف و يشخص .. و لو السعر غالي أصلح بره.

المشاركة الأصلية كتبت بواسطة tananybasha

والله دى بقت قله ادب ان احنا ندفع فلوس على عيب مااتصلحشى

اه و الله .. المفروض فعلا مياخدش فلوس .. عشان هو اللي شخص .. و دبسني في قطع غيار كمان.

المشاركة الأصلية كتبت بواسطة m_adeleid

دي مشكله ايدل يا فندم
خلي حد يفكه ينضفه الاول و ركبه و جرب ان شاء الله حتروح
او لو عاوز تقطع الشورت في البسين شوف ايدل سليم جربه علي عربيتك الاول علشان تتأكد
نفس الحركه دي موجوده في عربيات كتير وكمان حتلاقيها لو مشغل التكييف
لو انجكشن بيكون ايدل
لو كربراتير بتعلي العربيه شويه

أنا رحت امبارح للميكانيكي .. قال لي الأيدل مافيهوش حاجه.

امبارح طلعت من الشغل على صابر أنا وواحد زميلي .. طلعت من القرية الذكية الساعه 4 .. صحراوي في دائري في وصلة المريوطية في دائري تاني لحد مدينة نصر .. رحت ملقيتش صابر هناك .. الولد اللي هناك قال لي الار بي ام طبيعي جدا .. و دي قاعدة موتور عاوز يتغير .. بس تعال بالنهار عشان نكشف براحتنا .. قمت رجعت 6 أكتوبر تاني.

انا عندي المشكلة دي في العربية والتوكيل مش عارف يحلها
لو عرفت المشكلة ياريت تبلغني وانا متابع معاك

المشاركة الأصلية كتبت بواسطة haitham2011

بص يا كريم ان شاء الله كل مشكله و ليها حل

ماليش خلفيه في ال ايكو تك بس نفكر كلنا مع بعض بصوت عالي
كنت شوفت صور عربيتك في موضوع البيع - ربنا يباركلك فيها و يحسنلك سوقها - و كان مهندس سيد لفت الانتباه ان ال rpm واطي علي 0.6 تقريبا و ده ممكن يكون سبب كبيرللهزه اللي موجوده

بص من عند البوابه و واير البنزين بيبقي فيه زي صابع صغير مسنود علي مسمار لما تلف المسمار في وضع الربط ال rpm يزيد و لو عكست بيقل ال rpm

النقطه كلها هل الجزء ده موجود في ال ايكو تك و لا لأ

منتظرين راي الخبرا و ملاك الb2

للأسف العربية دي معرفش في موتورها حاجه .. عشان مفيش أي حاجه فيه اتعملت قدامي .. و مش عاوز ألعب في حاجه معرفهاش .. في الكورسا كنت بنضف الأيدل و الحاجات دي بنفسي .. عشان شفتها بتتفك قدامي كذا مره.

عموما لو أيدل يبقى أحسن من كرسي موتور .. على الأقل تغييره أسهل.