محتار اشترى أى إنذار ولف ولا سباي ؟؟

**Ahmed salamaa** · 02-10-2012 03:27 AM

انا توصلت ان السباي احسن حاجة بس عايز اعرف اما سال لقاة بكاااااااااام

**ggaamm** · 02-10-2012 11:52 AM

المشاركة الأصلية كتبت بواسطة ahmed salamaa

لو سمحت يا باشا اسعارهم اية

السباى ب 370 والولف ب285

ودى اسعار اولية قبل الفصال

**ggaamm** · 02-10-2012 11:55 AM

المشاركة الأصلية كتبت بواسطة mo7amed9abry

الاتنين ولف و سباي سكه و بالذات الولف زباله بس أغلب الكهربائية السكه بتطلبه و بينصحوا بيه الزبون لانهم مش بيعرفوا يركبوا الا هو لان الانواع الجديدة مش اى كهربائى يركبها الا اذا كان فاهم و ناصح

هات لك أحسن حاجة سيمفونى تايوان و فيه منه درجات 100 و 200 لغايت 750 و بتفرق بس فى حاجات بسيطة و أحسنهم 750 و أشدهم و أقواهم و الريموت بتاعه بيفتح زى المطواه و بيتوصل سنتر تقريبا مش فاكر 2 باب و تشترى بس معاه 2 كوز سنتر فيه منه 5 طرف و 2 طرف بس اشترى برضه كوز السنتر التايوان

امممممممممم والله الصنايعى امبارح قالى هات سباى وملكش دعوة
حسيت فيه بنبرة ثقة وعشان كده توجست خيفة منه
ههههههههههههههه

طيب بخصوص السيمفونى فيه منه 2 واى ويدور بقى العربية والكلام ده ؟؟

**ggaamm** · 02-10-2012 11:56 AM

المشاركة الأصلية كتبت بواسطة michohat

طب بالنسبة لنقطه ان الولف ضمان 5 سنين هل فعلا الضمان ضمان ولا اي كلام ودعايه بس
انا مش مركب لسه برضه

صاحب المحل بيقول طبعاً ضمان ومحترم كمان

لكن من خبرتى فأشك فى الكلام ده جملة وتفصيلاً .. لأن مافيش حاجة فى مصر بضمان
الضمان من عند ربنا :)))

**ggaamm** · 02-10-2012 11:59 AM

المشاركة الأصلية كتبت بواسطة mo7amed9abry

هات لك أحسن حاجة سيمفونى تايوان و فيه منه درجات 100 و 200 لغايت 750 و بتفرق بس فى حاجات بسيطة و أحسنهم 750 و أشدهم و أقواهم و الريموت بتاعه بيفتح زى المطواه و بيتوصل سنتر تقريبا مش فاكر 2 باب و تشترى بس معاه 2 كوز سنتر فيه منه 5 طرف و 2 طرف بس اشترى برضه كوز السنتر التايوان

كلمت واحد عالإنذار ده

قالى انسسسسسسسسسااااااا لما العادى مش موجود انت عاوز منه 2 واى !!

أحباط :))

**akmm** · 02-10-2012 12:08 PM

متابع وباهتمام .

**drttemon** · 02-10-2012 04:03 PM

المشاركة الأصلية كتبت بواسطة ggaamm

السباى ب 370 والولف ب285

ودى اسعار اولية قبل الفصال

منين ياباشا والكهربائى اللى انت رحتله دا فين ؟

**michohat** · 02-10-2012 05:01 PM

انا كنت الاول مشدود للاسباي بس لقيت ان الميزة اللي فيه وهي انه بيحسسك ان العربية بتتفتح او حاجه بتحصل ليها محدوده بمدى ارسال الريموت وطبعا في اغلب الاحيان بنركن بعيد عن المدى ده
علشان كده دورت ولقيت مواضيع لاعضاء هنا كانوا موصلين جهاز الانذار علي موبايل عادي وليكن 3310 او اي عده قديمه و بطريقة معينه تتوصل بالانذار العادي وبكده العربية مهما بعدت بتعرف اللي بيحصل لها
ولسه بفكر اني استخدم للفكره ده عده محترمه ( مستعمله طبعا) ولتكن n 73 علشان ممكن استغل الكاميرا و اعمل ليها وصله واحطها ف العربية بحيث لو عاوز اتصل بالعربية فيديو كول واشوف اللي فى الصالون
وكمان فيه ناس عملت مواضيع عن تحديد الموقع باستخدام برامج تنزل على الموبايل وجربت البرامج دي لحد ما وصلت لبرنامج شغال مع جوجل وانك بتعمل حساب وتدخل تتابع العربية منه بسجل تاريخي للاحداث

وطبعا لحد دلوقت لسه مش عملت اي حاجه من دول مستني الوقت اللي ابقى فيه فاضي

http://www.nilemotors.net/Nile/23601...post3873693037

http://www.nilemotors.net/Nile/274755-a.html

**Amr Axel** · 02-10-2012 06:31 PM

عن نفسي بستخدم وولف من سنين طويلة جداااااا و مفيش مرة خذلني و فعلا عليه ضمان
و عايز تركبه روح ركبه في توكيل وولف نفسه مش محلات
توكيل وولف موجود في اخر جسر السويس ورا اسواق القنال و اللي بيركبوا هناك ناس فاهمين و شغل نضيف
و اول مرة اسمع ان فيه منه 2 واي انا شوفت موديل للوولف بريموت فيه شاشه رقم الموديل w27
بس غالبا اللي انت شوفته ده مضروب و نازل تحت اسم وولف و ده سبب اني بقولك من توكيله عالطول لأن لما حبيت اشوف ايه انلظام خارج التوكيل لقيت حاجات غريبة و اسعار اغرب مرة ده مصري و مرة انجليزي و مرة الماني و مرة صيني وصلت ان واحد يقولي ده ياباني و عايز اقوله انا مش راكن الفيل ع الناصية
و بخصوص السعر اخر مرة سألت كان 220 تقريبا و انذار و سنتر ع بعض 300 ده اللي فاكره لما سألت اخر مرة

اما السباي بصراحة مجربتوش عشان احكم عليه لكن الناس شكرت لكن مقدرش انصحك بحاجة مجربتهاش بناءا ع كلام الناس