الموضوع: محتار اشترى أى إنذار ولف ولا سباي ؟؟

المشاركة الأصلية كتبت بواسطة michohat

انا كنت الاول مشدود للاسباي بس لقيت ان الميزة اللي فيه وهي انه بيحسسك ان العربية بتتفتح او حاجه بتحصل ليها محدوده بمدى ارسال الريموت وطبعا في اغلب الاحيان بنركن بعيد عن المدى ده
علشان كده دورت ولقيت مواضيع لاعضاء هنا كانوا موصلين جهاز الانذار علي موبايل عادي وليكن 3310 او اي عده قديمه و بطريقة معينه تتوصل بالانذار العادي وبكده العربية مهما بعدت بتعرف اللي بيحصل لها
ولسه بفكر اني استخدم للفكره ده عده محترمه ( مستعمله طبعا) ولتكن n 73 علشان ممكن استغل الكاميرا و اعمل ليها وصله واحطها ف العربية بحيث لو عاوز اتصل بالعربية فيديو كول واشوف اللي فى الصالون
وكمان فيه ناس عملت مواضيع عن تحديد الموقع باستخدام برامج تنزل على الموبايل وجربت البرامج دي لحد ما وصلت لبرنامج شغال مع جوجل وانك بتعمل حساب وتدخل تتابع العربية منه بسجل تاريخي للاحداث

وطبعا لحد دلوقت لسه مش عملت اي حاجه من دول مستني الوقت اللي ابقى فيه فاضي

http://www.nilemotors.net/Nile/23601...post3873693037


http://www.nilemotors.net/Nile/274755-a.html

اه فعلاً انا شوفت المواضيع دى كلها زمان بس لقيتها حوااااار ووجع دماغ وعاوزة واحد فاهم وفاضى :))

الجديد بقى انا قابلنى نفس الإنذار ده سباى ومعاه عدة موبايل و 2 ريموت وفيه جى بى اس وكل حاجة أنت عاوزها كل اللى عليك توصل وتحط خط فى العدة

وده من على موقع اجنبى
http://www.zmc.com.sg/product.php?ca...%20Car%20Alarm

المشاركة الأصلية كتبت بواسطة axel

عن نفسي بستخدم وولف من سنين طويلة جداااااا و مفيش مرة خذلني و فعلا عليه ضمان
و عايز تركبه روح ركبه في توكيل وولف نفسه مش محلات
توكيل وولف موجود في اخر جسر السويس ورا اسواق القنال و اللي بيركبوا هناك ناس فاهمين و شغل نضيف
و اول مرة اسمع ان فيه منه 2 واي انا شوفت موديل للوولف بريموت فيه شاشه رقم الموديل w27
بس غالبا اللي انت شوفته ده مضروب و نازل تحت اسم وولف و ده سبب اني بقولك من توكيله عالطول لأن لما حبيت اشوف ايه انلظام خارج التوكيل لقيت حاجات غريبة و اسعار اغرب مرة ده مصري و مرة انجليزي و مرة الماني و مرة صيني وصلت ان واحد يقولي ده ياباني و عايز اقوله انا مش راكن الفيل ع الناصية
و بخصوص السعر اخر مرة سألت كان 220 تقريبا و انذار و سنتر ع بعض 300 ده اللي فاكره لما سألت اخر مرة

اما السباي بصراحة مجربتوش عشان احكم عليه لكن الناس شكرت لكن مقدرش انصحك بحاجة مجربتهاش بناءا ع كلام الناس

أمممممممممم والله ياباشا انا من بعد الجهاز العجيب اللى شوفته النهاردة وبيقولوا عليه سباى 2 واى انا مابقتش اضمن اى حاجة

وبجد انا لو فى القاهرة كنت اخدت بالنصيحة وطلعت على ولف .. لكن للأسف

وشكراً لمرورك حضرتك

طبعاً يا جماعة بعد ما لفيت كتير على جهاز السباى 5000
وكل ما أدخل محل فى التوفيقية يقولى أنسى ماتدورش

انا مأخدتش بالنصيحة ودورت وأتصلت بهنا وهنا وفى النهاية وصلت أخيراً للجهاز

حسيت بقى ان الدنيا نورت كده وحلم تركيب الجهاز فى عربيتى بيقرب والإبتسامة على وشى عرض مترين

روحت للراجل اللى كلمته وطلعلى الجهاز ولازلت احتفظ بذات الفشخة والفرخة اللى فى وشى

وإذ ذات فجأة أول ما مسكت الجهاز أصاب بإحباط غير عادى وتتهشم كل ملامح الفرحة فى وجهى وكدت أنهار بالبكاء !!!

قلتله ياباشا هو مش ده 2 واى سباى ؟؟
قالى آه

فضلت اقلب وأعدل في الكرتونة ملهاش اى ملامح ولا حتى مكتوب عليها 5 من ال5000

اضرب عينى لفوق ألاقى الجهاز مكتوب عليه SPY 4
ومكتوب عليه غريب بالعربى !!

قلت افتح ابص عالجهاز .. قالى لأ ماينفعش معلش عشان مبرشم

قلتله طيب هو ده بيدور ؟؟

قالى لحظة كده .. تك تك تك اتصل بالكهربائى اللى بيتعامل معاه قاله لأ !!

وزاد أثر الصدمة على وجهى

قلتله ازاى ياعم الحج .. يبقى مش هو ده الإنذار
قالى اهوه مكتوب تو واى ولا مش مكتوب !!!

أقرا بقى مواصفات الجهاز مالاقيش فيه ولا خاصية من خواص ال5000 نهائى

كل اللى فيه انه بشاشة !!!

طبعاً فى لحظتها افتكرت حاجة جميلة جداً حصلت معايا وكنت يومها بارضو هتشل
انا كنت جايب انذار سباى بيدور العربية ب 350 وكنت طاير بيه الكلام ده من سنة ونص او اكتر
وأدخل محل معفن بالصدفة ألاقى نفس الكرتونة بتاعتى ونفس الريموت وسأل عليه يقولى ب 180 !!!

ساعتها اتشليت بارضو لكن اكتشفت صدفة من صاحب محل بارضو ان فيه اجهزة سباى بس مضروب ومش بيدو ولا اى حاجة وده بيقولوا عليه الشعبى !!

فى تلك اللحظة عرفت ان مافيش امل فى العثور على السباى الحقيقى :)))


يريت بقى اللى يعرف طريق واحد يدلنى .. لأنى خلاص هستقر عليه بإذن الله بعد ما الأخ axel نبهنى إلى انه ممكن يكون الجهاز الولف ده كمان مضروب وبصراحة انا لا استبعد ذلك مطلقاً

تحياتى للجميع ومستنى حد يدلنى على الجهاز
ويريت يتأكدلى انه مكتوب عليه 5000 و واى وبيدور العربية والكلام ده

المشاركة الأصلية كتبت بواسطة ggaamm

اه فعلاً انا شوفت المواضيع دى كلها زمان بس لقيتها حوااااار ووجع دماغ وعاوزة واحد فاهم وفاضى :))

الجديد بقى انا قابلنى نفس الإنذار ده سباى ومعاه عدة موبايل و 2 ريموت وفيه جى بى اس وكل حاجة أنت عاوزها كل اللى عليك توصل وتحط خط فى العدة

وده من على موقع اجنبى
ZMC Security

شوفت الجهاز ده بس انزهلت لما شوفت سعره مش فاكر كام الصراحه ولكن كان غالي
فعلشان كده قولت اجرب مع الانذار الحالي اللي ف العربية مركبه من 12 سنه واجرب اوصل له موبايل قديم بس الموضوع كل شوية يتأخر بسبب عدم وجود فراغ وعدم جهازية الموبايل

المشاركة الأصلية كتبت بواسطة ggaamm

طبعاً يا جماعة بعد ما لفيت كتير على جهاز السباى 5000
وكل ما أدخل محل فى التوفيقية يقولى أنسى ماتدورش

انا مأخدتش بالنصيحة ودورت وأتصلت بهنا وهنا وفى النهاية وصلت أخيراً للجهاز

حسيت بقى ان الدنيا نورت كده وحلم تركيب الجهاز فى عربيتى بيقرب والإبتسامة على وشى عرض مترين

روحت للراجل اللى كلمته وطلعلى الجهاز ولازلت احتفظ بذات الفشخة والفرخة اللى فى وشى

وإذ ذات فجأة أول ما مسكت الجهاز أصاب بإحباط غير عادى وتتهشم كل ملامح الفرحة فى وجهى وكدت أنهار بالبكاء !!!

قلتله ياباشا هو مش ده 2 واى سباى ؟؟
قالى آه

فضلت اقلب وأعدل في الكرتونة ملهاش اى ملامح ولا حتى مكتوب عليها 5 من ال5000

اضرب عينى لفوق ألاقى الجهاز مكتوب عليه SPY 4
ومكتوب عليه غريب بالعربى !!

قلت افتح ابص عالجهاز .. قالى لأ ماينفعش معلش عشان مبرشم

قلتله طيب هو ده بيدور ؟؟

قالى لحظة كده .. تك تك تك اتصل بالكهربائى اللى بيتعامل معاه قاله لأ !!

وزاد أثر الصدمة على وجهى

قلتله ازاى ياعم الحج .. يبقى مش هو ده الإنذار
قالى اهوه مكتوب تو واى ولا مش مكتوب !!!

أقرا بقى مواصفات الجهاز مالاقيش فيه ولا خاصية من خواص ال5000 نهائى

كل اللى فيه انه بشاشة !!!

طبعاً فى لحظتها افتكرت حاجة جميلة جداً حصلت معايا وكنت يومها بارضو هتشل
انا كنت جايب انذار سباى بيدور العربية ب 350 وكنت طاير بيه الكلام ده من سنة ونص او اكتر
وأدخل محل معفن بالصدفة ألاقى نفس الكرتونة بتاعتى ونفس الريموت وسأل عليه يقولى ب 180 !!!

ساعتها اتشليت بارضو لكن اكتشفت صدفة من صاحب محل بارضو ان فيه اجهزة سباى بس مضروب ومش بيدو ولا اى حاجة وده بيقولوا عليه الشعبى !!

فى تلك اللحظة عرفت ان مافيش امل فى العثور على السباى الحقيقى :)))

يريت بقى اللى يعرف طريق واحد يدلنى .. لأنى خلاص هستقر عليه بإذن الله بعد ما الأخ axel نبهنى إلى انه ممكن يكون الجهاز الولف ده كمان مضروب وبصراحة انا لا استبعد ذلك مطلقاً

تحياتى للجميع ومستنى حد يدلنى على الجهاز
ويريت يتأكدلى انه مكتوب عليه 5000 و واى وبيدور العربية والكلام ده

الجهاز الاصلي بيتباع ف القاهره وكان فيه اخ فاضل عامل تقرير وافي عن الجهاز و بيتباع فين فلو ليك حد ف القاهره او بتزل جيبه من هناك و يفضل طبعا ان استقريت ع الجهاز ده انك تشتريه وتركبه ف القاهره وعند كهربائي فاهم فيه علشان يشغل ليك كل الخواص
http://www.nilemotors.net/Nile/26947...way-5000m.html

السلام عليكم و رحمة الله و بركاته
الزملاء الأفاضل و الله فعلا شر البلية ما يضحك . المشكلة أن التجار اللي بيبيعوا الحاجات دي ناسيين حديث النبي صلي الله عليه و سلم (( التاجر الصدوق مع النبيين )) أو كما قال صلي الله عليه و سلم .
من خلال الردود توصلت أخيرا لأفضل جهاز أنذار و هذا من قبيل المداعبه . لو تفتكروا كان فيه اعلان بييجي في التلفزيون و بيقولك ممكن تكسب جهاز انذار و ليه كذا نغمة و من افضلهم ياااااااااااااااااااا لهوي . هههههههههه
و الله أنا اتمني أن كل التجار اللي بيبيعوا أي سلعة عموما يتقوا الله في المشتري و مش يبص بس للربح و لكن يتحري الصدق و الحلال فيه.
و جزاكم الله خيرا

المشاركة الأصلية كتبت بواسطة michohat

شوفت الجهاز ده بس انزهلت لما شوفت سعره مش فاكر كام الصراحه ولكن كان غالي
فعلشان كده قولت اجرب مع الانذار الحالي اللي ف العربية مركبه من 12 سنه واجرب اوصل له موبايل قديم بس الموضوع كل شوية يتأخر بسبب عدم وجود فراغ وعدم جهازية الموبايل


الجهاز الاصلي بيتباع ف القاهره وكان فيه اخ فاضل عامل تقرير وافي عن الجهاز و بيتباع فين فلو ليك حد ف القاهره او بتزل جيبه من هناك و يفضل طبعا ان استقريت ع الجهاز ده انك تشتريه وتركبه ف القاهره وعند كهربائي فاهم فيه علشان يشغل ليك كل الخواص
http://www.nilemotors.net/nile/26947...way-5000m.html

طيب تمام التمام هشوف الموضوع وعلى الله اعرف اوصله لأنه فعلاً شاحح فى السوق مش عارف ليه :))

على العموم انا هسأل على الجهاز التانى واعرف سعره بالظبط بره مصر ولو وصلت لحاجة هبعتلك بإذن الله

وشكراً على مشاركتك ياباشا

المشاركة الأصلية كتبت بواسطة aabozid

السلام عليكم و رحمة الله و بركاته
الزملاء الأفاضل و الله فعلا شر البلية ما يضحك . المشكلة أن التجار اللي بيبيعوا الحاجات دي ناسيين حديث النبي صلي الله عليه و سلم (( التاجر الصدوق مع النبيين )) أو كما قال صلي الله عليه و سلم .
من خلال الردود توصلت أخيرا لأفضل جهاز أنذار و هذا من قبيل المداعبه . لو تفتكروا كان فيه اعلان بييجي في التلفزيون و بيقولك ممكن تكسب جهاز انذار و ليه كذا نغمة و من افضلهم ياااااااااااااااااااا لهوي . هههههههههه
و الله أنا اتمني أن كل التجار اللي بيبيعوا أي سلعة عموما يتقوا الله في المشتري و مش يبص بس للربح و لكن يتحري الصدق و الحلال فيه.
و جزاكم الله خيرا

هههههههههههههههههه

اه والله فعلاً بقى عندنا أزمة ضمير وأخلاق ياريت الناس ترجع تانى تخاف ربنا وتشتغل بضمير فعلاً الوضع هيتغير 180درجة

ربنا يصلح الحال

وجزانا الله واياكم كل خير

انا نزلت امبارح جبت الولف ضمان 5 سنين 2 ريموت ب 175 و 20 جنية تركيب مخدش نص ساعة و الجهاز كويس الصراحة و الناس بتشكر فية و اخر ما زهقت من الكوالين اللي اي حد بيفتحها لاغيتها و شغال اقفل و فتح ريموت بس