الموضوع: لوحه النمر

السلام عليكم يا عصابه

من غبر ما اطول عليكو
العربيه كانت بتسخن مني و انا علي الطريق و كانت تسخن اكتر و انا مشغل التكيف و الغريبه انها مش بتسخن خالص و انا واقف بيهه حتي و لو مشغل التكيف انما بقي لما تبداء تمشي علي الطريق
الحراره كانت في اخر الرد زون يعني كانت بتوصل علي اخرهه

طبعا حتقولولي اكيد في حاجه في دوره التبريد
هقولكم انا بردو فكرت في كده
و رحت للميككانيكي كشف علي العربيه و دوره التبريد ولا لقي اي حاجه

بس كان في تسريب بسيط في خرطوم من الخراطيم لا يؤادي لارتفاع الحراره بالشكل ده
المهم صلحنا الخرطوم و كلو تامام
انا بقي قلت العربيه هتبقي فله
لفتهه زي مهبه ولا فب اي فرق
المم رحت للميكانيكي تاني
قلي العربي كده مش مظبوطه قلتلو نعمل ايه طيب قلي مفيش حل نجربو كده نجيب رادياتير جديد
فا سبتلو العربيه و رحت ادور علي ردياتير اشتريه قلتلو شوف العربيه تاني لو فيهه حاجه اظبطهه
لغايت ما اجيب الردياتير لقيته بيتصل بيا بيقولي متجبش حاجه يا بيه
قلتلو ليه يا عام
قلي النمر بتاعت العربيه كانت نزله شويه زياده من مكانهه و كانت سده علي مكان فتحت التهويه بتاعت الردياتير الي تحت في الاكصدام
قلتلو نعم انا طبعا مصدقتوش نمر ايه دي الي تسد علي الردياتير يا عم قلي طب تعالي جرب العربيه
رحت لقيتو عاوج لوحه النمر لفوق شويه و قلي اطلع جرب

رحت وخدهه و طالع علي البحر من الشطبي للمنتزه و راجع
و الغريب بقي في الموضوع العربيه حرارتهه مبقتش تزيد ولا حتي وصلت لل 100 مع التكيف اخرهه 94 و ترجع تاني
انا قلت الحمدلله
و طبعا مكنتش مصدق نفسي و رحت عملت خرمين في الاكصدام فوق في مكنهم الاصلي و تنيت النمر شويه و العربيه بقت 100 100

بقي انا من اول الصيف مش عارف اتمتع بالعربه ولا عارف اشد زي زمان مع العيال السيس الي معهم عربيات 2012 من تحت راس ام الحراره دي و كل لما اجي اجري شويه ولا اقرص علي العربيه ولا حتي اشغل التكيف الفي الحراره عدت ال 100 و اروح واقف علي جنب و استني الاموره لغايت ما تبرد تاني
منهم لله الي عملو لوحه النمر بتاعت مصر تلاقيهه كبيره و مش رفيعه زي لوحات بلاد بره
دي صوره العربيه بلوحه النمر بتاعت بره


و دي صوره للوحات النمر بتاعتنا و كانت بالظبط نفيس الشكل كده و نزله لتحت عندي و مغطيه علي فتحه تهويه الاكصدام



اي حد عربيتو بتسخن و راح كشف عليهه و ملقاش فيها حاجه يبص علي لوحه النمر

و منه لله الي ركبلي لوحه النمر في المرور

شكرا
و طولت عليكو