سعر الصنى الجديد

**Ultramisho** · 04-10-2012 01:39 AM

ياجماعة انتم زعلانين علشان الفين جنيه او مبدأ الغلاء علشان الاقبال
ده الالنترا الفولي لودد غليت من 157 إلى 164 يعني 7 الآف صدق او لا تصدق
اعتبرها فرق سعر دولار يعني صبر نفسك

على فكرة كان في موضوع لزميل بيسأل يجيب لانسر 1300 ولا صني الجديدة
ورشحتله صني علشان وسائل الأمان
بس قلتله
لو فكر يجب صني يشتريها باوفر برايس لانها عتغلى لو حجز وهتبقى محصلة بعضها
يعني طالما انا عرفت من المنتدى او غيره بموضوع الزيادة دي
اكيد النتم الي حاجزين كنتم سامعين عنها بس مش مصدقين

معلش قدر الله وما شاء فعل
المهم ان العربية تكون عجباكم
وربنا يديكم منها خيرها ويكفيكم شرها
اتمسوا بالخير

**د. علاء ابراهيم** · 04-10-2012 03:32 AM

المشاركة الأصلية كتبت بواسطة dodyam

طبعا أنا شايف ان عندكم حق
بس برضه فى حاجة
ان علشان تثبت السعر و انت بتحجز أعتقد لازم تكون دافع 25 % على الأقل
لكن احنا كنا بنحجز بألف جنيه عند الموزعين و بعض الأحيان 5 ألاف عند موزعين تانيين
وأنا بأحجز الموزع طبعا قالى ان السعر مش هيثبت

بس يا ريت نيسان تزود السعر على اللى حجز جديد أو حتى من أول سبتمبر بس لكن اللى حاجز قبل كده يبقى على السعر القديم

وفى حاجة تانية كلنا كنا عارفين ان الأوتو بـ 103 و كان عليها عرض بـ 100 فكويس ان نيسان عملتها بـ 102 كده برضه فى وفر ألف جنيه
دى وجهة نظرى

وهو فى مصر للأسف طبيعى ان سعر العربيات يزيد بدون سبب

رأيى ان نيسان أفضل من توكيلات تانية كتير

أولا : غيرت البطارية السائلة بجافة

ثانيا : زودت فى السعر ألفين بدل تلاتة

لكن يبقى نقطتين

أولا : تغيير البطارية لجافة لمن استلم بالسائلة

ثانيا : تطبيق السعر الجديد على من حجز بعد تاريخ محدد

متضامن معك فى كل كلمة

**limo81** · 04-10-2012 03:40 AM

هى مسأله مبدأ مش أكتر

**welo77** · 04-10-2012 11:31 AM

يا جماعة الموضوع مش 2000 جنيه الموضوع مبدأ محدش يقنعنى ان السعر كان عرض وكلام من ده لان ببساطة كانت نيسان اعلنت كده وقالت ان العربية سعرها الاصلى 102وده عرض لحد تاريخ معين وكنا كلنا عرفنا من الاول . وبعدين هل لو العربيه فشلت ومحدش اشتراها كانت هتغلى ؟؟؟؟؟القصة ان العربيه غليت لما زاد الاقبال عليها وده شئ مش تمام من الشركة وانا لما اتصلت بيهم بلغتهم الكلام ده كنوع من الاعتراض مع انى عارف انه ملوش لزمة فى بلدنا الحبيبة مصر.

**saint2011** · 04-10-2012 12:45 PM

المشاركة الأصلية كتبت بواسطة welo77

يا جماعة الموضوع مش 2000 جنيه الموضوع مبدأ محدش يقنعنى ان السعر كان عرض وكلام من ده لان ببساطة كانت نيسان اعلنت كده وقالت ان العربية سعرها الاصلى 102وده عرض لحد تاريخ معين وكنا كلنا عرفنا من الاول . وبعدين هل لو العربيه فشلت ومحدش اشتراها كانت هتغلى ؟؟؟؟؟القصة ان العربيه غليت لما زاد الاقبال عليها وده شئ مش تمام من الشركة وانا لما اتصلت بيهم بلغتهم الكلام ده كنوع من الاعتراض مع انى عارف انه ملوش لزمة فى بلدنا الحبيبة مصر.

الصديق العزيز شوف حضرتك أنا من ملاك السيارة ومتابع السيارة من اول السنة أى قبل نزولها ب 6 شهور وكان كل المتاح عنها عبارة عن معلومات وصور السيارة المنتجة بالصين تحت أسم VERSA وبعدين فى أخر أبريل وجدت أحد المعارض يعلن انه تم فتح باب الحجز للسيارة فأتصلت به وسألت عن السعر فقالى هو لن يزيد عن 105000 جنية قولتلة يعنى ايه قالى يعنى السعر هيكون من 100000 حتى 105000 فطبعا قلتلة أزاى أحجز سيارة ومعرفش ثمنها قالى حضرتك بتحجز ب 1000 جنية وبعدين كلة هيوضح فى أول شهر يونيو فطبعا انا مرضتش أحجز وخصوصا أن هذا المعرض مش من ضمن الموزعين المعروفين لنيسان لكن بعد كده عرفت أنه فعلا موزع معتمد وبعدين أنتظرت حتى 10/6 حيث تم الأعلان الرسمى عن السيارة فى حفل كبير فى ماريوت ميراج وكانت المفاجئه السعيدة أن السعر كان 100000 جنية للأتو و 95000 جنيه للمانويل يعنى كلام المعرض أياه مكانش غلط لكن السعر طبعا أحسن مايكون 105000 جنية لأنى بصراحة ده كان هيكون أكتر من أمكانياتى وبعد النجاح الذى حققته السيارة من أرقام مبيعات أعتقد أنه السعر الجديد 102000 يعتبر أيضا عادل ومنافس وخصوصا لو تابعنا قصة السيارة من البداية كما حكيت لحضرتك
وتقبل تحياتى

**mi22do** · 04-10-2012 03:40 PM

أسعار سمير ريـــان اليوم 4/10/2012
- صنـي موديل 2013 = 110 الف الفئة ex

**saint2011** · 04-10-2012 05:34 PM

المشاركة الأصلية كتبت بواسطة mi22do

أسعار سمير ريـــان اليوم 4/10/2012
- صنـي موديل 2013 = 110 الف الفئة ex

طبعا السعر ده أوفر برايس عشان بيسلمك بضاعة حاضرة وليس سعر الموزع المعتمد 102000 جنيه أتو أللى هيسلمك بعد شهرين على الأقل او ثلاثه شهور وبلاش نشترى بالأوفر برايس ونحجز وننتظر أفضل

**Ultramisho** · 04-10-2012 06:49 PM

المشاركة الأصلية كتبت بواسطة mi22do

أسعار سمير ريـــان اليوم 4/10/2012
- صنـي موديل 2013 = 110 الف الفئة ex

السعر ده لو متأكد منه ليه معنى واحد

اوفر بريس ايه الي حوالي 8% من ثمن العربية
يعني بقراءة بين السطور يبقى العربية هتغلى تاني بعد فترة وجيزة

ارجو - في حال لو الخبر مؤكد من قائله - يكون استنتاجي في الغلاء القادم خطأ
قلبي مع الحاجزين

**szaalouk** · 04-10-2012 06:55 PM

انا حاجز من شهر و ربنا يستر و ما تزيدش عليا تاني قبل ما استلم

**welo77** · 04-10-2012 07:14 PM

لا اعتقد ان فيه زيادة تانية .الموضوع كله عرض وطلب وطول ما المعارض بتعلى الاسعار وفى ناس بتشترى هتعلى تانى عادى جدا. والله اعلم

بس انا مستغرب جدا للناس الى بتشترى ب110 عندها التيدا السيدان احسن بكتير وب115