ممكن أغير السماعات

**McLaren2012** · 02-10-2012 02:49 AM

الحقيقة أنا مش مستمتع بجودة صوت الكاسيت الجديد اللى فى 2013...صحيح الصوت واضح بس مفيهوش ريحة البيس أو التريبل على الرغم أنى عليتهم عالآخر فى إعدادات الصوت..ولا كأنك غيرت حاجة !!!!
سألت على صفحة رينو على تغيير السماعات..رد و قالى تخرج الضفيرة برة الضمان...طب يا عمنا غيروها أنتم بمعرفتكم لو عندكم سماعات أحسن أو أجيب أنا الأحسن و تركبوه أنتم....
رد و قالى لا ده ينفع ولا ده يركب....يعنى لا رحم ولا خللى رحمة ربنا تنزل!!!!!
حد عنده حل؟
يعنى ممكن أغير السماعات برة و متبانش فالضمان اللى عالضفيرة ميروحش؟؟

**sherifboo** · 02-10-2012 03:25 AM

حاجة فعلا تزعل الواحد طب لو عايزين ندلع العربيات دي نعمل ايه....ياريت لو في حل تساعدونا بيه يا وحوش

**amr.elsayed** · 02-10-2012 03:32 AM

بص فيه فى الكاسيت القديم فى المنيو قايمة اسمها load بتبقى on و off ولو عندك اعملها on علشان بتفرق كتييير

**McLaren2012** · 02-10-2012 04:08 AM

المشاركة الأصلية كتبت بواسطة amr.elsayed

بص فيه فى الكاسيت القديم فى المنيو قايمة اسمها load بتبقى on و off ولو عندك اعملها on علشان بتفرق كتييير

هى إسمها Loudness مش هى دى اللى حضرتك تقصدها؟
جربتها قبل كدة مفيش فرق للأسف!!

**samehbakr** · 02-10-2012 10:32 AM

المشاركة الأصلية كتبت بواسطة mclaren2012

الحقيقة أنا مش مستمتع بجودة صوت الكاسيت الجديد اللى فى 2013...صحيح الصوت واضح بس مفيهوش ريحة البيس أو التريبل على الرغم أنى عليتهم عالآخر فى إعدادات الصوت..ولا كأنك غيرت حاجة !!!!
سألت على صفحة رينو على تغيير السماعات..رد و قالى تخرج الضفيرة برة الضمان...طب يا عمنا غيروها أنتم بمعرفتكم لو عندكم سماعات أحسن أو أجيب أنا الأحسن و تركبوه أنتم....
رد و قالى لا ده ينفع ولا ده يركب....يعنى لا رحم ولا خللى رحمة ربنا تنزل!!!!!
حد عنده حل؟
يعنى ممكن أغير السماعات برة و متبانش فالضمان اللى عالضفيرة ميروحش؟؟

كل كلامك كويس بس محدش يقدر يخلي رحمة ربنا ماتنزلش ارجوكم يا ياصدقائي نخلي بالنا من كلامنا كلنا ساعات بنقول كلام كتير غلط لو فكرنا فية دقيقة مش ممكن نقولة تاني اسف لخروجي عن الموضوع بس كان لازم ناخد باالنا من كلامنا

**Egyzizo** · 02-10-2012 11:08 AM

لو الموضوع فارق معاك دوس ولا يهمك.

**sami128** · 02-10-2012 01:06 PM

السلام عليكم
انا معايا لوجان 2012 اشتريتها كسر زيرو
صاحب العربية الاول كان مغير الكاسيت و قبل ما انا اخدها ركب فيها الكاسيت بتاعها الاصلى تانى
لكن للاسف انه اضطر يرجع الكاسيت الاصلى على الشاسية بتاع الكاسيت اللى هو اشتراه
النتيجة ان الكاسيت بارز لبره حوالى 0.5 سم .... كنت قلقان جدا زى حضرتك ان التوكيل يتكلم على الموضوع ده بس الحمد لله مفيش اى مشكلة
روحت بيها مرة فرع العبور و مرة فرع المقطم و محدش اتكلم او قالى اى حاجة

**McLaren2012** · 02-10-2012 08:00 PM

المشاركة الأصلية كتبت بواسطة sami128

السلام عليكم
انا معايا لوجان 2012 اشتريتها كسر زيرو
صاحب العربية الاول كان مغير الكاسيت و قبل ما انا اخدها ركب فيها الكاسيت بتاعها الاصلى تانى
لكن للاسف انه اضطر يرجع الكاسيت الاصلى على الشاسية بتاع الكاسيت اللى هو اشتراه
النتيجة ان الكاسيت بارز لبره حوالى 0.5 سم .... كنت قلقان جدا زى حضرتك ان التوكيل يتكلم على الموضوع ده بس الحمد لله مفيش اى مشكلة
روحت بيها مرة فرع العبور و مرة فرع المقطم و محدش اتكلم او قالى اى حاجة

كلام حضرتك مظبوط هم مش هيقولولك أى حاجة إﻻ لو أنت كنت رايحلهم لا قدر الله فى مشكلة تخص كهرباء العربية هنا هتلاقيهم فنجلوا عنيهم و فتحوا بقهم على البحرى و إتلككولك بحجة أن العربية أنت خرجت كهربتها برة الضمان...بس بالنسبة لموضوع حضرتك بالذات معتقدش يعلقوا عليه ﻷن كاسيت العربية اللى متركب هو اﻷصلى

**blackhorse123** · 02-10-2012 11:01 PM

ياعم اعمل اللى نفسك فيه عادى انا بعمل كده فى العربيه ولسه مشتريها من ثلاثه شهور بس
سيبكم منهم

**medomadamody** · 02-10-2012 11:18 PM

ياباشا فى ناس سألت فى الموضوع ده اهم حاجه ان الى بيركبلك الكاسيت ميقطعش الفيشه ولو لازم خليه يركب كونفيرت علشان هما بيستسهلو قطع الفيشه بتاعت الكاسيت وده علشان محدش يتلككلك فى التوكيل