الموضوع: هل ممكن أغير الطنابير بنوع آخر ؟

ازيك يادوك احمد...عامل ايه ياباشا

طبعا ومما لاشك فيه ان اتساع قطر الطنبوره يؤثر ايجابيا على قوة الفرامل
لكن تغيير الطنابير فقط مش هيعطى النتائج اللى حضرتك متوقعها

دا غير ان ساعات الطنبوره الاكبر قطرا مش هتتناسب مع الماستر الحالى...

يعنى سيبك من تغيير طنابير بس

لازم على الاقل تغير مساتر الفرامل كمان...للاكبر او ذات عدد بساتم اكثر من الحالى
ويكون حجم التيل به اكبر

دا غير ان طبعا تغيير السيرفو والماستر العمومى لاكبر هيفرق جدا جدا

بس مبدئيا وعشان ما تكلفش كتير وتحس بردو بفرق

جوز طنابير + جوز مساتر....اكبر .... ويكونو بتوع بعضيهم

من موديل آخر من نفس نوع عربيتك...بس لازم تتا كد انهم يركبو..عشان ممكن
الماستر الجديد مايركبش على السرره اللى عندك