الموضوع: مشكلة كبيرة مع عربيتى a113

وأيه سبب التغير فى صيانة 1000

كان بتطلع ريحة من اول ما جبتها قالولى لازم نغير الطقم كله دة غير ان الله يسامحهوم انا مشترياها وهى فيها عيب وانا واجهتوهوم وقالولى ايوة مع شوية من استعمالك

للأسف انا بنت لوحدى ومش بعرف اتخانق وعايزة ارتااح من قرف الصيانة والخم الى فيها انا اصلا مش مش بمشى بيها كتير انا عاملة دلوقتى 1900 كيلو بس :) ونفسى فى ميكانيكى ابن حلال يحللى المشاكل دى و اطلع من الصيانة دى

هو في سؤال صغير انتي بتقولي عامله 1900 كيلو
ازاي بتقولي ان معاد صيانو ال 5000 قرب

وازاي يعني عربيه تغير طقم دبرياج وهي عامله 1000 كيلو
العربيه دي كان فيها عيب صناعه اكيد

روحي التوكيل وغيريها في الضمان ومتدفعيش ولا قرش
ولو محصلش ده اشتكيهم في جهاز حماية المستهلك
ونعمل للتوكيل فضيحه هنا في المنتدى كمان
ايه الاستهبال ده

ماهى الصيانة كل 3 شهور وقالى ادام مش بستخدمها كتير تبقى خليها كل 6 شهور وال 6 شهور عدوا وانا مش عاملا غير 1900
ماهى فعلا كان فيها عيب ومعرفتوش غير بعد ماشترتها عشان هما ناس معندهمش ضمير وانا معملتش حاجة وهما بنفسهم اعترفو ان فيها عيب
بيغيروا الحاجة وبيحطو غيار مضروب وانا طبعا مش هعرف اذا كان سليم ولا ل
انا مش عارفة اعمل اية الصراحة
طب انا لما اروح الصيانة اعمل اية ؟

يصي هو اول حاجه مفيش حاجه اسمها صيانه كل 3 او 6 شهور الناس دي نصابه
الصيانه بتبقا بالكيلو متر يعني عملتي 1000 كيلو تروحتي تعملي صيانه ال 1000
عملتي 5000 تروحي تعملي صيانه ال 5000 مش بالشهور يعني
تاني حاجه انتي بتقولي انهم غيرولك الطقم كلو
وقطع الغيار الجديده الي بتركب في التوكيل بيكون عليها ضمان
انتي هتروحي تقوليلهم الكلام ده القطعه الي ركبوها بايظه ولازم يكون عليها ضمان
امال ايه بقا الفرق بين التوكيل بين والاسطه بليه

الحل خدي حد معاكي بيعرف يتكلم
يتكلم معاهم بالادب استجابو وعملوها في الضمان كان بها مرضيوش وعصلجو يقل ادبو عليهم ويعملهم فضيحه هناك ويدخل لاكبر راس في التوكيل ده لغايه ما يعملوها
ده حقك انتي مش بتشحتي منهم

متدفعيش ولا قرش في الاسطوانه دي تاني

انت اتعلمتى السواقة على العربيه ديه