انا بفكر ابيع عربيتي

**sanhory** · 03-10-2012 10:27 AM

المشاركة الأصلية كتبت بواسطة bmya

السلام عليكم ورحمه الله وبركاته

انا اليومين دول مشعشعه في دماغي اوي اني ابيع عربيتي واجيب حاجه كبيره
وبفكر في اوبل فيكترا ايه رأيكم

عربيتك ماشاء الله واسعة و اعطالها ولا حاجة اذا كان عالشنطة هاتلك شبكة شيك من اللي بتتحط عالسقف تركبها وقت اللزوم و شكرا على كده

**S O P H O S** · 03-10-2012 11:13 AM

مش عارف حاسس اني مش مع الفكرة دي
والله اعلم ..

**Khaled Online** · 03-10-2012 12:22 PM

بيع
وأنا شاري
بس مش عايزين دبح ههههه

**bmya** · 04-10-2012 05:04 PM

يا محمد الفكيترا 2009 2008 دي فيكترا C وفعلاالعربه دي اعطالها كتير كمان مش منتشره لكن انا بفكر في الفيكتر الشيب القديم B دي اعطالها اقل بكتير وكمان قطع غيارها منتشره نوعا ما هي عجباني من زمان صراحه انا متردد برده عموما في وحده قدامي احتمال كبير انزل اشوفها بكره و ربنا يسهل

سنهوري باشا طيب ايه رأيك ابيعها واجيب sir على ضمانتك :)

**bmya** · 05-10-2012 05:10 AM

مناعارف طبعا ان الsir اللي يجبها لازم يكون عاوزها مش جايبها بالصدفه :)
وانا بحب الهوندا جدا بس انا صراحه عاوز حته الماني بقه تقعد مع الواحد
التيدا حلوه اوي بس بطه كده :) مش شبابي وكمان احنا معانا صني 2008 كفايه وحده نيسان عاوزين ننوع بقه وكمان هتبقى غاليه انا عاوز حاجه مدفعش فلوس يعني تكون نفس رينج عربيتي او ارخص يبقى تمام :)

**Y a r i s** · 06-10-2012 05:33 AM

بص يا باميا يا عزيزي مدام فكرت البيع مشع شعه في دماغك كده اليومين دول عاوزك توقف جمب العربية وتبص على جنبك الشمال وتتف تالت مرات وتقرى قل اعوز برب الفلق تالت مرات وانت مره حاطط ايدك فوق الكبوت ومره فوق السقف ومره على باب الشنطة من ورى

لان احيانا يكون حد نشك عين في العربية كرهك فيها. .... واستهدى بالله كده واعرف ان انتا معاك جوهرة متفرطش فيها علشان مترجعش بعدين تقول ياريتني ما تهورت وطلقتها .... دي كانت ماشية وزي الفل الي انا عملتو ده والمثل بيقولك ايه عربية في الايد ولا الف في المعرض
@@@@@@@
وتحياتي ليك يا غالي