سؤال كتاوت و سؤال gti لبولو 2001

**elshrpeny** · 03-10-2012 12:55 AM

السلام عليكم ورحمة الله وبركاته

أولا : أنا عايز أسلم على أصدقائى فى المنتدى المحترميين الفاهميين المدهشيين الى أفادونى كتييير جدا على المستوى الشخصى وأفادوا المنتدى كله على المستوى العام , بكل حرفيه و مهنيه ولم يبخلوا على أى سائل مهما كان سؤاله كبيبر أو صغير على إفادته بكل حب و إخلاص وتفانى .

ربنا يخليكوا لينا و يبارك فيكم جميعاً أمين يا رب العالمين

أخش أنا بقى فى الموضوع
- بالنسبة للكتاوت / انا كنت من فترة جبت زجاج كهرباء أصلى أمامى للبولو ال 2001 وبعدين بعد الكهربائى ما ركبهوملى قالى إن الكتاوت عندى ضعيفة حتى قالى يوميها إنى مرعش بالعالى عشان مش فاكر إيه إلى يتحرق ( تقريباً الكتاوت دى ) فقولتله خلاص ممكن أغيرهم بقى لما أجى أركب الفوج لايت الأمامى حتى يبقى بالمرة قالى صح كدا
سؤالى بقى بس محدش يضحك علية / هو يعنى إية اصلاً الكتاوت ؟ و لما أحب أجيب نوع أقوى أو أفضل أجيب إيه ؟ مع العلم إن إلى فيها الأصلى تقريباً لأنى مجيتش جنبهم من ساعة ما أشتريت العربية , وفى حدود كام ؟ و الأصلى أسمة إية والإستيراد إسمة إيه ؟ دا إذا كان فى .

- اما السؤال الGTI / فهو إن أدامى صدر أمامى كامل GTI يشتمل على ( 2 فوانيس عدسات و تقريبا كدا فيهم زينون مش متأكد لأن فى من الخلف زى ما تقول كدا خرطوم متنى , شبكة GTI , إكصدام GTI , فوج لايت أمامى , و خلف الأكصدام حاجة زى شبكة حديد كدا إلى بتبقى فى ظهر مروحة المبرد ناسى أسمها دى تقريباً جايه معاها برده) ينفع يركب على البولو ال 2001 عادى مجرد شيل دا حط دا فك وتركيب فقط ولا فى ممكن مشاكل تقابلنى ؟

وهل الفوانيس الGTI الاصلى أفضل ولا الفوانيس العدسات الDEPO التايوانى أفضل لان التايوانى بصراحة بشوفها متركبة كتير و بحس إنها أشيك بكتير لان الفانوس بلاقى فية عدستين أما ال GTI فبلاقى واحده بس ( مع العلم إن ثمن التايوانى غالى برده مش رخيص يعنى مش حتة توفير ولا حاجة ) ولا عنصر الكفاءة و الإضاءة والخامة هو الفيصل إلى على أساسه أختار مش الشكل والعدسات ؟

ومعلش طولت عليكوا جامد وصدعتكوا

**mido_antouhh** · 03-10-2012 03:48 AM

دى على كام gti
ولو عايز تركبهم حتحتاج كهربائي فهمان
واهم حاجه وانت بتاخد الحاجات دى تاخد زرار الفوجات من التابلوه عشان يبقي شغل العربيه على نضيف قشطه
وربنا يوفقك
وانا بفضل الحاجه الاصلي فى اى جاجه لانها بتعيش اوى
وابقي بلغنا عملت اه وجبتهم بكام ومنين
لانى ناوى اعمل الى انت بتقول عليه
انا ميدو من اليكس سعيد بمعرفتك

**windofchange** · 03-10-2012 04:12 AM

اللي في ظهر مروحة المبرد اسمه الصدر

**mido_antouhh** · 03-10-2012 04:54 AM

؟؟؟؟؟؟؟؟؟

**elshrpeny** · 03-10-2012 05:53 PM

المشاركة الأصلية كتبت بواسطة mido_antouhh

دى على كام gti
ولو عايز تركبهم حتحتاج كهربائي فهمان
واهم حاجه وانت بتاخد الحاجات دى تاخد زرار الفوجات من التابلوه عشان يبقي شغل العربيه على نضيف قشطه
وربنا يوفقك
وانا بفضل الحاجه الاصلي فى اى جاجه لانها بتعيش اوى
وابقي بلغنا عملت اه وجبتهم بكام ومنين
لانى ناوى اعمل الى انت بتقول عليه
انا ميدو من اليكس سعيد بمعرفتك

الموضوع دا كله ب 5000 جنيه ( بدون تركيب طبعاً ) , حتى أنا قولتله مينفعش تتجزأ يعنى اخد اى حاجة فيهم لواحدها زى فوانيس بس مثلا او شبكه او فوجات قالى لاء كلهم على بعضهم عشانهم حاجة مختلفة قولتله ماشى , بس أنا مستغليهم شوية الصراحة , والله أعلم ممكن يكونوا يستاهلم وانا معرفش .

بس بصراحة كفاية إن وش العربية يقلب gti

وبعدين يا ميدو أكيد المفروض يدينى مفتاح الفوجات أومال هما 5000 جنيه ليه , وبعدين يعنى هو أنا هنورهم إزاى بلوقمة مفتاح باتشينو ههههههههههههه

وانا على فكرة برده بفضل الحاجة الأصلى بس انا كنت بسال على أساس حد ممكن يكون جرب التايوانى ويقولى بقى الفرق بس حصل خير ربنا يسهل إن شاء الله

و أنا أسعد بمعرفتك يا ميدو باشا , و أجدع ناس أهل إسكندرية ههههههه
وربنا يوفقك إن شاء الله إنت كمان و جايز إنت إلى تسبقنى و تيجى تقولى عملت إية ههههههههه

**elshrpeny** · 03-10-2012 05:57 PM

المشاركة الأصلية كتبت بواسطة windofchange

اللي في ظهر مروحة المبرد اسمه الصدر

الله يكرمك يا باشا
بس هل الصدر دا بيختلف ما بين العادى والgti ؟
وهل المروحة بتاعة المبرد ساعتها هتتغير برده ولا القديمة تشتغل ؟

وشكراً ليك جدا تاعبك معاية

**elshrpeny** · 03-10-2012 06:00 PM

و برده لسة محدش جاوبنى على الكتاوت و هل فى مشاكل فى تركيب الصدر ولا لاء ؟

يا مسهل كله على الله

**elbaz45** · 03-10-2012 11:11 PM

المشاركة الأصلية كتبت بواسطة elshrpeny

و برده لسة محدش جاوبنى على الكتاوت

بص يا باشا يا كبير انا هجاوبك على سؤالك بشكل عام بصرف النظر عن التطبيق بتاعها فى اى حتة المهم تكون الفكرة عندك
بص فى الصورة الجاية كويس

علشان مثلا اشغل موتور بيسحب تيار 30 امبير محتاج مفتاح فصل وتشغيل يستحمل اكتر من 30 امبير علشان مع الفصل والتشغيل المفتاح هيشرز ويلدع ويبوظ ومع التشغيل الكتير المفتاح هيسخن جدا وممكن يولع
علشان كده الrelay اللى بيسموه فى مجال العربيات كتاوت "cut out" هيا وسيلة لفصل تيار الكونترول عن تيار الباور يعنى علشان اشغل دايرة الباور لموتور 30 امبير اجيب relay بيوصل ويفصل دايرة الباور دى باستخدام دايرة تانية بامبير قليل جدا يمكن 0.5 امبير
انا كده شرحتلك الفكرة الهندسية ورا الموضوع طبقه انت على اى حاجة واتمنى اكون وصلت المعلومة بشكل واضح

**elshrpeny** · 04-10-2012 01:51 AM

المشاركة الأصلية كتبت بواسطة elbaz45

بص يا باشا يا كبير انا هجاوبك على سؤالك بشكل عام بصرف النظر عن التطبيق بتاعها فى اى حتة المهم تكون الفكرة عندك
بص فى الصورة الجاية كويس

علشان مثلا اشغل موتور بيسحب تيار 30 امبير محتاج مفتاح فصل وتشغيل يستحمل اكتر من 30 امبير علشان مع الفصل والتشغيل المفتاح هيشرز ويلدع ويبوظ ومع التشغيل الكتير المفتاح هيسخن جدا وممكن يولع
علشان كده الrelay اللى بيسموه فى مجال العربيات كتاوت "cut out" هيا وسيلة لفصل تيار الكونترول عن تيار الباور يعنى علشان اشغل دايرة الباور لموتور 30 امبير اجيب relay بيوصل ويفصل دايرة الباور دى باستخدام دايرة تانية بامبير قليل جدا يمكن 0.5 امبير
انا كده شرحتلك الفكرة الهندسية ورا الموضوع طبقه انت على اى حاجة واتمنى اكون وصلت المعلومة بشكل واضح

بسم الله ما شاء الله عليك يا باشمهندس باز
الله يكرمك ويعزك اللهم أمين
انا فعلاً كدا يعتبر فهمت بنسبة كبيرة , لان أنا ساعات لما باجى أدور العربية ألااقيها تقوم كدا ( تعمل صوت زى ما تقول صوت البطارية وهى بتقوم الماتور ) من غير ما تدور الماتور و أضطر أرجع المفتاح و أدور تانى + إن الكهربائى قالى مترعش بالعالى بعد ما ركبت الزجاج الكهربائى عشان الكتاوت عندك ضعيفة
يبقى فعلا الموضوع عندى شكلة كتاوت والله أعلم

ولكن يبقى السؤال .... أنهى نوع أفضل و أرقامة إيه يعنى موديلااته إيه الى تنفع مع البولو و أسعارها إيه و هكذا

**windofchange** · 04-10-2012 01:55 AM

وانت تغير الردياتير ليه ,,, انت مش هتغير موتور العربية بواحد اكبر علشان تغير الردياتير ومروحة التبريد....ردياتيرك طبيعي يركب عالصدر ده والله اعلم يعني حتي لو مركبش السمكري بيركبه بتعديل صغير,,,بس السعر غريب وعالي متهيألي ميعديش 1500 ل2000 جنيه والله اعلم برضه ياريت الاعضاء تدلي بدلوها هنا الصدر عندك حديد ولا فبر؟