الفتيس بيعض !!!!!!

**lidosasa** · 04-10-2012 10:38 AM

معايا سوزوكى ماروتى
ومن يومين بحس إن الفتيس تقيل شوية وخصوصاً فى الغيار الثانى وفيه عضة بسيطة وأنا بنقل على التانى .
ملحوظة أنا معظم مشى بالعربية على التانى نظراً للزحام داخل المدينة وكمان الشوارع كلها مكسرة لإن شركة المياه بتغيير شبكة المياه والصرف والواحد أكنه راكب عربية فى الملاهى . وكمان لسه شارى العربية من عشر أيام ومش عارف صاحبها كان مغيره أو مشحمه أخر مرة إمتى ؟!!
يا ترى أيه الحلول وياريت تكون بالترتيب التصاعدى يعنى أبسط الحلول إلى الأصعب .

**lidosasa** · 05-10-2012 02:41 PM

المشاركة الأصلية كتبت بواسطة moustafamoussa

da el tabe3y ..heya bet3od 3al tany

شكراً يا باشا على الرد والإهتمام وفعلاً ناس كتير قالت إن ده الطبيعى بتاع الماروتى

**Amr Axel** · 05-10-2012 06:15 PM

لا عادي موضوع العضة ده طبيعي حتي في الالتو عندي الي حدا ما
و اعتقد الحل انك تشحم عصاية الفتيس

**lidosasa** · 05-10-2012 07:28 PM

المشاركة الأصلية كتبت بواسطة axel

لا عادي موضوع العضة ده طبيعي حتي في الالتو عندي الي حدا ما
و اعتقد الحل انك تشحم عصاية الفتيس

شكراً على الرد . وعموماً العضة خفيفة مش كبيرة والحال ماشى والحمد لله

**lidosasa** · 14-10-2012 03:13 PM

المشاركة الأصلية كتبت بواسطة scientist9508

بدون أى فتاوى منى

أنا ممكن أوصف لك ميكانيكى ممتاز تروح له من أول اليوم ينزل الفتيس و يكشف لك عليه حته حته و يرجعه ليك كما لو كان جديد لكن لازم أقول لك إنه مصنعيته غاليه شويه بس هو ممتاز

و خلى بالك لو لا قدر الله الفتيس محتاج حاجه لازم تجيبها أصليه علشان تعيش معاك وتخلص من قرف الفتيس و من صداعه يعنى بالبلدى تعمل حسابك فى الفلوس قبل ما تروح

ربنا يجزيك كل خير بس انا مش من القاهرة وربنا يسهل وحشوف ميكانيكى كويس أروح ليه يظبطه أحسن كل يوم حالته بتتدهور

**scientist9508** · 17-10-2012 01:19 AM

تحرك من غمره فى إتجاه العباسيه و قبل ما تطلع الكوبرى

هتلاقى على يمينك محل كوك دور

خلى بالك إن مطعم كوك دور تحت الكوبرى

بعد مطعم كوك دور بأمتار قليله هتلاقى محل قطع غيار سيارات

بعد محل قطع الغيار مباشرة هتلاقى على يمينك شارعين

واحد على ناصيته محل قطع الغيار

و واحد على ناصيته مدرسة صقر قريش

إدخل فى الشارع إللى على ناصيته محل قطع الغيار و إسأل على عاطف الميكانيكى

أنا لسه راجع من عنده دلوقتى و ظبطلى الدبرياج و الفتيس . . . . حاجه روعه

لكن خد بالك إنه لو طلب منك قطع غيار لازم تجيب الأصلى علشان يعيش

و ربنا معاك