الموضوع: كما طلبتم ***مقارنة بين الليون والجولف***

طول الفترة اللي فاتت كنت بفكر ازاي أقارن بين الاتنين دول

دول تقريباً عربية واحدة ؟! ومع اني امتلك الليون وركبت وسقت الجولف ٥ الجديدة أكتر من مرة لكنمقارنة بينهم صعبة جداً حتى اني فكرت أسيب الموضوع بس علشان الوعد اللي اديته قلت لازم اعملها وافتح لها موضوع جديد علشان تبقى واضحة للكل

أولا ً من حيث إلشكل

هنلاقي تصميم الجولف أكتر عدائية وهجومي وده بيفضله بعد الشباب

تصميم الليون مايل ناحية الراديكالية واللمسات الفنية الملفتة للنظر ودي حاجة أنا لاحظتها بنفسي في الشارع .
كحجم خارجي تبان الليون أطول وأضخم من الجولف مع انهم نفس الشاسيه

التصميم الداخلي

تصميم الجولف ما زال تقليدي بالنسبة لي على الأقل ومتكرر ولكن مريح للنظر لأن الناس اتعودت عليه

في الليون نفس الراديكالية في التصميم الخارجي انطبعت على تصميم التابلوه والكونسول الوسطي وأزراره وإن كان فيها بعد التجديد عن أي سيارة أخرى


ا

لكراسي والدركسيون أفضل بمراحل من الجولف

الخامات المستخدمة لا فرق بينها نهائي في العربيتين

كماليات الليون أكيد أفضل بمراحل بعيدة عن الجولف حتى في أعلى فئة
ما عدا الزينون و الفرش الجلد

ولأننا استبعدنا السعر

الليون فئة واحدة بس مانوال وهختار الفئة القريبة منها في الاوتوماتيك واللي ما زالت أغلى من الليون ب٢٠ ألف جنيه

الجولف تكييف بكر عادي في الليون اتوماتيكي مع كلايمت كونترول
MP3 بلاير مع زيادة في الليون wma

مثبت سرعة ومحدد سرعة في الليون والجولف مفيش

بلوتوث مع Vice Command في الليون والجولف مفيش
Follow me home في الليون
Winter tire Speed limettre
Ipod Connection مع بوكس مخصوص تحت الكرسي في الليون والجولف مفيش

في الليون ٨ أوضاع لكرسي السائق في الجولف مش فاكر
Isofix لكرسي الطفل في الاتنين

٨ سماعات فيفي الجولف مش فاكر

ملتفنكشن في الليون وفي الجولف لازم تدفع ٢١٠ ألف

فتحة سقف في الليون والجولف مفيش

دركسيون تلسكوبي في الليون والجولف معرفش

الزجاج الكهربائي بلمسة واحدة صعوداً وهبوطاً مع سفتي تريجر لو في عائق أمام الزجاج في الصعود في الليون والجولف معرفش في ال ٤ واللا لأ

غلق أوتوماتيكي للابواب بعد سرعة ١٥ كم/س في الاتنين

Power Steering كهربائي في الاتنين

أكيد في الاتنين المفتاح الفولد الشهير واللي من خلاله بتتحكم في فتح وغلق الشنطة والنوافذ على حدة وده في كل VW جروب و-BMW

فتح الشنطة من خلال علامة الشركة في الاتنين

جنوط ١٦ في الليون والجولف مفيش
الكاوتش في الليون ميشلان ٢٠٥/١٦ للسرعات في الجولف مش عارف

مقابض الابواب والمرايات بلون السيارة والجولف مفيش

مريات تضم كهربائياً لأعلى مش لجوه ذي ال BMW الجديد في الليون والجولف مفيش

فوج لايت في الليون والجولف مفيش

عوامل الامان
ABS، EBD، TCS ،ESP ،في الليون فيه DSR معرفش موجود في الجولف واللا لأ

٨ أيرباج متضمنة أير باج السقف في الاتنين

كراسي رياضية في الليون وبتبان فايدتها قوي لم يشتغل ال-TCS على الملفات بسرعة عالية في الجولف مفيش

بارات صلب في الإمام و الابواب في الاتنين

دركسيون رياضي في الليون والجولف عادي وإن كانوا من نفس الخامة تقريباً

فرامل دسكات مهواه في الاتنين أمامي وخلفي

نظام التعليق في الاتنين واحد تقريباً ونفس الإحساس في القيادة

ميكانيكياً الاتنين واحد في كل حاجة ماعدا إن واحدة أوتوماتيك والتانية مانوال

القيادة

أنا سقت الجولف الأوتوماتيك والليون المنوال وهما نفس الموتور والشاسيه والتعليق

لكن

الشكمان في الليون رياضي وده سبب علو صوت العربية أحياناً في التسارع المفاجئ
أيوة ده صوت الفلتر والشكمان مش صوت الموتور ذي ما البعض معتقد
في الجولف الصوت أوطى

الفتيس في الليون نقلاته قصيرة جداً وده بيخلي التسارع أعلى لكن على السرعات العالية ال-RPM بيكون عالي وإن كان إحساس ال-RPM العالي مش ظاهر جداً لكنه مقلق

الثبات والمناورة تقريباً واحد و-very very Funny بالمسطرة ذي ما بيقولوا

ال-TCS وال-ESp و الباور الكهربائي بيدوك صلاحيات عجيبة في المناورة ذي ما إنت عايز وبثقة متناهية على أي سرعة

التكييف مش بيأثر نهائياً على الموتور داخل أو خارج المدينة وتبريده سريع جداً في الليون
في الجولف أنا جربته مرة واحدة وكان تقريباً ذي الليون في التبريد وعدم تأثيره على الموتور

في حاجة وهي إن بعد لما أركن العربية وأوقف الموتور المروحة بتفضل شغالة في الليون لتبريد الموتور وده ملاحظتوش في الجولف

وأخيراً الليون هي الجولف والجولف هي الليون مع إختلاف الشكل الخارجي والتصميم الداخلي لكن كل القطع المكانيكية والكهربائية واحدة

لكن والحق يقال الجولف عملت سمعة ضخمة واللي بيشتريها حتى مع فقر الكماليات والسعر العالي بيشتريها علشان هي جولف ذات السمعة العالية واللي لا غبار عليها لمدى ٥ أجيال

الليون لها ثلاث أجيال إلى الآن و ليها سمعة ممتازة في أوروبا و بعض دول الشرق الاوسط ومنها الخليجوليها احترمها كمان في علم السباقات والتعديلاتوكفاية كلمة كوبرا وإن كان في الجولف يوجد الR32 ولكن ما زال السعر هو الفيصل واللي حاولنا نتجنبه هنا

Thanks
Eng.Sherif Shaker

المشاركة الأصلية كتبت بواسطة SAbuhashem

شكراً يا كمارو
بس حابب أوضح إن المقارنة مع أول فئة اتوماتيك في الجولف علشان احنا تغاضينا عن السعر

ودي المقابض مش بلون العربية فيها
وبالنسبة للتكييف أتأكد تاني


Thanks
Eng.Sherif Shaker

http://www.eaec.com.eg/vw_site/docs/....aspx?featId=1