الموضوع: عملت العربية عند صابر اوبل

انا من يومين روحت لصابر الى فى رابعه العدوية عشان كان عندى زيت كتير مرشح ومش كنت عارف

ليه بس روحت ملقتش صابر وجه واحد بيقولوله (دوكش) هو الى اشتغلى فيها قالى محتاجه نغير جوان

كارتير الزيت وجوان الفتيس قولتله ماشى (وخد فى سعر جوان الزيت 70جنيه والفتيس 40 جنيه ومصنعيته حوالى 120 ) المهم غيرهم الزيت منع ليوم وجاب تانى بسيط هو كان قايلى لو لقيت زيت

تانى يبقى ده حاجه كده مش فاكر اسمها اولسيه خلفى او جوان خلفى قالى ده هياخد فى ايدى 3 ايام

عشان بيروح للخراط وكده

هو الكلام ده بجد ولا اعمل ايه عشان انا تعبت من الزيت ده

المشاركة الأصلية كتبت بواسطة hellboy

بص ياباشا ..المفيد.
-تغيير جوان كارتيره الزيت بيتم بطريقتين
-اما جوان كاوتش بيتلبس فوق جوان الكارتيره الداخليه زي مانت عملت وده حل مؤقت لانه هيجيب زيت تاني بس اقل من الاول بكتير
-او بتغير الكارتيره الداخليه (بيسموها الصاجه) كلها لان الكاوتش بتاعها بيبقي( بيلت ان ) بس دي سعرها عالي اخر مره سالت عليها كانت ب230ج برازيلي -360ج الماني جي ام

+بالنسبه لزيت اويل سيل الكرنك الخلفي اللي (الدوكش) شاكك فيه ده يبان علي الفاصل اللي بين الفتيس والموتور ,تحت عقربه الفتيس ,الاويل سيل هايف بس علشان يتغير بتفك الكوبلن الشمال والفتيس وطقم الدبرياج وترس الفولام بس عمره مابياخد 3 ايام زي مابيقول (الدوكش) انا غيرته مع الميكانيكي بتاعي في 3 ساعات ونص وكنت جايب لبس قديم وشغال بايدي معاه

بجد مش عارف اقولك ايه جزاك الله كل خير انا فعلا كنت لسه هسئل عن الكرتيره (الصاجه)عشان لقيت الدوكش شلها ورمها قولتله ايه ده قالى الجوان الكرتون الى ركبتهولك احسن منها قولته ازاى يعنى المهم
روحت غسلتها وجبتها معايا وقولت ابقى اسئلكو عليها بس المشكله ان لقيت فى زيت دلوقتى طالع من مكان الجوان بتاع الزيت الى غيره بردك ومرشح مش عارف اعمل ايه انا هرحله بكره ان شاء الله بس ياريت
تقولولى اعمل ايه احسن حاجه عشان الزيت ده زهقنى خالص