e39 بطلع دخان ابيض مع الدوراة و المشي

**Deshahcoka** · 04-10-2012 05:02 PM

رجالة ...

دلوقتي في e39 كاملة بفتحة موديل 96 مرشوشة بالكامل نضافة مش حادثة و صالون نضيف و المكنة بقى 2800 الي هيا تقريبا M52B28 بس الفكرة انوا العربية بطلع دخان ابيض مع الدوراة و المشي و السحب ميت و بتستهلك بانزين بالعبيط ...

صاحبها مش عارف يمسك فيها 80 الف ...

رايكم في امل من العربية ديه ؟ يعني ممكن اشتريها و هل الموتور عاوز عمرة و لا يتجاب واحد اتسيراد جديد 28 برضه ؟ بالفتيس ال القديم راكب فيها مش استريبترونيك ؟

رايكم تسوى كام ؟

ولا ابعد عنها و اشوف حتة 320 ولا 318 موديل 2005 ولا 2006 مثلا ؟

**Ahmed_Adham** · 04-10-2012 06:59 PM

الدخان الابيض ده بيبقى فى الغالب جوان وش سلندر والعربيه بتحرق زيت. لو العربيه اتعملها عمره عند ميكانيكي نضيف هترجع بحاله كويسه. لو تعرف تجيب فيها سعر حلو بحجه عيبها ممكن تبقى لقطه. بس لو الميكانيكي اللى عملها مش تمام يبقى هترجع زي الاول تاني.

**drmagieed** · 04-10-2012 07:58 PM

إبعد أحسن

**eng.m7md.ali** · 05-10-2012 03:53 AM

هيا ان شاء الله حلها انك تسقط مكنة وتريح دماغك من قصة العمرة والكلام ده
واعتقد كدة ان المكنة مفوتة وممكن تلاقيها بترزع كمان عشان كدة بلاش عمرة

**reallistic** · 05-10-2012 10:13 AM

عاوز أستفسر عن حاجة
فيه ميكانيكي قاللي الواحد لما بيجيب موتور استيراد
حتى لو بعد تجربته طلع تمام المفروض يتحل و يتعمله حاجة زي ربع عمرة كده
يعني يتبص على وش السلندر لو فيه حاجة تتعمل و تنظيف و صنفرة البساتم تقريباً
و تغيير شنبر و طقم جوانات علشان يبقى تمام التمام و لتجنب أي مشاكل ممكن تظهر
يا ترى إيه رأيكم يا جماعة في الكلام ده ؟

أنا بأفحت العربية جري و شد
المهم الموتور بقى بيجيب زيت من تحت العمة و من عند غطاء التاكيهات
قاللي الموتور عاوز يتغير له شنبر و طقم جوانات
قوللته توكل على الله ، الراجل حل الموتور و بعت وش السنلدر للخراط
الخراط قال وش السلندر فيه تقفيع و عاوز يتظبط و البساتم تتصنفر تقريباً حاجة زي كده
المهم قلت للميكانيكي شوف العملية محتاجة و إيه و ظبّط الدنيا
الحمد لله سلمني العربية بسم الله ما شاء الله كأن موتورها جديد

**sheko_2000eg** · 05-10-2012 04:00 PM

اشتري العربية دي علي 77 او 80
سقط المكنة ال 2000 الفانوس متكلش بنزين معاك و كويسة و سعرها كويس

**zoueil** · 06-10-2012 03:10 AM

ابعد عن الشر و غنيله..................

**inspiron** · 06-10-2012 04:14 PM

والله حضرتك بتقول معاك 126 ألف .. أنا من رأيي اشتري العربية دي وسقط ماكينة استيراد وهتلاقي نفسك في الآخر راكب عربية وهم..بس بشرط حالة الصالون والعفشة يكونوا a1