العربيه بطلع دخان ابيض وبتاكل زيت الحقونى

**m0dy_132** · 28-01-2009 10:54 AM

العربيه بطلع دخان ابيض فى الكبس وبتاكل زيت
محتاج
روحت لمكانيكى قلى صباب او طقم شمبرمع العلم انى عامل عمره بقالى 10 اشهر العربيه فيات 132

**Shiref_mohamed** · 28-01-2009 11:16 AM

كده طقم شمبر

**aYaBooY** · 28-01-2009 11:53 AM

كدة طقم شنبر ممكن يكون الي عمل العمرة معملهاش كويس او الخامات تعبانة او البساتم و الشمايز كانوا محتاجين شغل معلش ربنا يعوض عليك افتح و شوف فيها ايه و لو مش معاك فلوس ليها دلوقتي سمعت عن زيت اسمه زيت روسي بيتخط للعربية في الحالة ديه و بيسمحلك انك تمشي بيها 40000كم بس انا معرفش عنه حاجة و مجربتهوش برده

**m0dy_132** · 28-01-2009 12:02 PM

تقريبا يتكلف كام طقم الشنبر وحتى لو طله الصبابات حد يعرف وجزاكم الله خيرا

**aYaBooY** · 28-01-2009 03:26 PM

حسب الحاجات الي هاتتغير و مصنعية و امانة الميكانيكي و اعمل حسابك انك ممكن لما تفك تلاقي حاجات تانية محتاجة شغل و تفتح معاك لعمرة الموضوع ده لو شنابر بس يبداء من 500- 750 و لو فتحت اوي ممكن توصل 1500 - 2000

**samirayad** · 28-01-2009 04:21 PM

المشاركة الأصلية كتبت بواسطة m0dy_132

العربيه بطلع دخان ابيض فى الكبس وبتاكل زيت
محتاج
روحت لمكانيكى قلى صباب او طقم شمبرمع العلم انى عامل عمره بقالى 10 اشهر العربيه فيات 132

فى الغالب ده سيلات الصبابات عاوزه تتغير.......وممكن تعرف الموضوع ده بسهوله.....هل بسبب الشنبر ولا سيل الصباب كالأتى.......دور المحرك وانت رافع الكبوت....وخللى حد جوه العربيه يزود بنزين......أرفع مقاس الزيت .....لو طلعلك عادم كتير يبقى الشنبر تالف.....ولو لم يحدث ذلك .....يبقى الموضوع سيلات صباب تالفه......وأنا متوقع انها السيلات

**m0dy_132** · 28-01-2009 04:35 PM

الف شكر ليكو كلكو وجزاكو الله خيرا كثير
طيب يتكلف كام الاويل سى بتاع الصباب يا ابو سمره

**samirayad** · 28-01-2009 05:39 PM

المشاركة الأصلية كتبت بواسطة m0dy_132

الف شكر ليكو كلكو وجزاكو الله خيرا كثير
طيب يتكلف كام الاويل سى بتاع الصباب يا ابو سمره

شوف....أطمن الأول على التفويت من الكارتير من خلال مقاس الزيت زى ماقولتلك للاطمئنان.........وبالنسبه لطقم سيل الصباب هو مش غالى (أعتقد فى حدود20 جنيه).....بس الموضوع مش على دول بس.....لأنك لو حبييت تغير سيلات الصباب.....حتحل رأس السلندر....وبالتالى حتغير جوان رأس السلندر.....وبرضه المفروض حتعمل روديه للبلوف....وربنا يستر تكون قواعد البلوف كويسه.....وماتعوزش بلوف تانى علشان تعمل شغل صح........بس لو عملت الموضوع صح حتستفيد كتير...من ناحية سحب العربيه واستهلاك البنزين......ياعنى تقريبا كده ممكن تخشلك فى300 جنيه لو غيرت البلوف

**m0dy_132** · 29-01-2009 12:30 AM

الف شكر ليك ولاهتمامك والرد السريه جزاك الله خير وفتح لك ابواب رحمته ومغفرته وزادك علما تنفع بيه الاخرون وكمان انك طمنتنى شويه لغايه مشوف حكايه الدخان الى عند مقاس الزيت وهرد عليك بكره اطمنك بردو على شان تقلى التوجيه ازاى وطمنتنى من ناحيه الفلوس بتاعت السيل الصباب

**mmmmgogommmm** · 13-03-2009 11:27 PM

المشكلة دى اعتقد ان طقم الشمبر حكم الموتور من فوق ومعملش رودية من تحت فضرب لان النص العلوى قوى ومحكوم والسفلى سابة ضعيف نصيحة حل موتورك عند واحد كويس وخلية يعمل كل اللى محتاجة