الموضوع: تقرير وصور مقابلة راس سدر

المشاركة الأصلية كتبت بواسطة SE_coralsea

حمدا لله علي سلامة الجميع
.... أولا.. رحلة الذهاب :

(5).. بدأنا التحرك في حوالي الساعة 8:00 من الرحاب سالكين طريق القاهرة / السويس الصحراوي علي سرعة من 100 الي 110 كم/س حتي لحق بنا أ/ كريم منير في الثلث الاول من الطريق بعد ان تخطينا مدينة بدر و بدأت بعض المحاولات للشد و الجري ووصلت سرعة القافلة الي مايقرب من ال 140 كم/س ألا أني حاولت تخفيض السرعة مرة أخري قبل مدخل مدينة السويس نظرا لخطورة الطريق و وجود سيارات نقل ثقيل بكثافة في تلك المنطقة
(7).. و بعد دقائق وصلنا الي نقطة التجمع الثانية بمحطة وطنية حيث وصل منسق أوبل قادما من دمياط و تجمعت القافلة لنكتشف أن أحدي السيارات قد ضلت الطريق و أكملت الي أتجاه مدينة السويس لكن تم الاتصال بها و توجيهها الي مكان التجمع .
(10).. مرة أخري بعد أن وصلنا لداخل قاعة الفندق أبلغتني مدام / سما بأن أحدي السيارات لم تصل و قد ضلت الطريق و علي الفور بدأنا في محاولة توجيهها لمكان القرية ألا أن محاولاتنا لم تفلح لذا اضطررت أنا و أخي شنوري أن نخرج للبحث عنها و فعلا وجدنا السيارة متوقفة علي مسافة 5 كم من القرية في اتجاه مدينة رأس سدر حيث أصطحبناها معنا عائدين الي القرية


و الي لقاء قريب بأذن الله و رحلة جديدة مع نايل موتورز

حمد على الله على سلامة الجميع
وشكراً ليك يا بشمهندس / سمير على تعبك معنا في رحلتي الذهاب والعودة
ومين العربية اللي تاهت منك مرتين دي ؟!!
أوعى تقول - ربنا أمر بالستر
بص يا سيدي ملخص التواهان بتاع كل مرة :
المرة الأولى وأنا ورا شنوري وإحنا في الرحاب
ودي صورته وهو تايه ( وإحنا وراه )


ودي لما وجدناك

ودي ترحاب الشباب بعودة الراجل الإجتماعي التايه ( وإحنا وراه )


فبعدها قررت الإعتماد على الله ثم عليك ، فكانت المرة التانية ( بعد البوابة الأولى ) ، لاقيتك أختفيت - فقلت إنك سبقتني بكتير فسوقت بأقصى سرعة ليا علشان ألحق بيك ( ودا فيديو السرعة ) ، ولكن كلي أسف وأسى أكتشفت أنك دخلت شمال في إشارة مكتوب عليها سيناء لإتخاذ نفق الشهيد أحمد حمدي ، وأنا مشيت على طول ووصلت بحمد لله إلى الكيلو 15 السويس - هههههه - قال أيه عايزة ألحق بكم ، وبعد الإتصال بأشرف إبراهيم أفاد بأني أخد أول يوترن علشان أروح وطنية اللي قبل النفق ، وقد كان - والحمد لله .
View My Video

فرجعت تاني معاكم وكنت تاني عربية أو ثالث عربية وراك ، أنت وبعدين أ/ علاء الشناوي ، وبعدهم كريم فوزي وأشرف وبعدين أنا ، والحمد لله توهت برضوا لأني مشيت على طول برضوا بعد بوابة راس سدر وأنت كنتوا أول يمين ( تقريباً أنا غاوية أمشي طوالي لا يمين ولا شمال ) ، وعليها برضوا مشيت بأقصى سرعة علشان ألحقكم ولكنى وصلت بحد لله الكيلو 10 من راس سدر ، ورجعت تاني مرة أخرى للكيلو 18 اللي أنت جيت خدتني منها أنت والأخ / شنوري ورجعنا تاني 5 ك أخرى للعودة للقرية ، جزاكم الله خير .
ودي صورة أبني وأنا بتوههم - شاري دماغه

بس الحمد لله دا مش حصل في العودة - لأن توهان النهار غير توهان بالليل خالص
وشكراً لكم جميعاً لمتابعكم لي لأن السيدة الوحيدة في الرحلة اللي سايقة
شكراً للمهندس / سمير على متابعته لي ولجميع من في الرحلة .
وشكراً للمهندس / علاء الشناوي لأنه كان بيلحقني لما يكون فيه عربيات مش مظبوطة في طريقة سواقتهم خلال الطريق فكان بيقطع بينهم وبيني وبمتابعة الحاج / أحمد إبراهيم ، والبدري ، شكراً ليكم
وشكراً للأستاذ / هاني عبد الفتاح
وطبعاً اليوم كان جميل جداً شكراً كريم منير ، شكراً سما ، شكراً شنوري
والشكر الأكبر لمامة شنوري - فعلاً شنوري الإجتماعي وهي (الأم للإجتماعي )
وشكراً للشباب الجميل ( أشرف إبراهيم / كريم فوزي / الغزالي / البدري / وطبعاً أحمد سامي أبني )
وشكراً للأستاذ / محمد عبد الجليل على هداياك الكتير من إختيارك للمكان وإلى الهدية المقدمة منك في نهاية الرحلة
وأكيد أ/ Osama I اللي عمل لنا كروت التعارف اللي ساعدت كتير في تعارفنا على بعض
وسلامنا لحنين وعمرو وبنوتك الكبيرة - ربنا يحرسهم لك ويحفظهم من كل سوء .

ياريت محدش يزعل مني لو نسيته
ويارب رحلات ومقابلات كتير من دي فيها روح الأسرة والعائلة الحقيقي وربنا يديم المعروف بيننا إن شاء الله

المشاركة الأصلية كتبت بواسطة friendship7897

حمد على الله على سلامة الجميع




.
وشكراً للمهندس / علاء الشناوي لأنه كان بيلحقني لما يكون فيه عربيات مش مظبوطة في طريقة سواقتهم خلال الطريق فكان بيقطع بينهم وبيني وبمتابعة الحاج / أحمد إبراهيم ، والبدري ، شكراً ليكم

يا فندم لا شكر على واجب حضرتك ليكي عليا انا شخصيا حق الزمالة مرتين .. مرة في أوليمبيك جروب .. ومرة في نايل موتورز