accord 78

**weka9** · 07-10-2012 12:04 AM

للأسف زجاج العربية الخلفى اتكسر .. و طبعا قطع الغيار مش موجودة و منها الزجاج ده .. حد عنده فكرة أقدر اللاقيه فين .. انا حاطط صورة شبه للعربية علشان مش لاقى صور من ورا للاكورد 78 ..
انا فكرت لو ممكن أحط بلاستيك بدل الازاز و أحط عليه ستيكر مثلا لون أسود كأنه فاميه ولا حاجة , حد عنده فكرة اجيب البلاستيك منين ,, او لو حد عنده الازاز ده ممكن أرقام تليفونات .. لانى ممش من القاهرة .. اللى عنده فكرة تانية يقولها ياريت ,, شكرا

**weka9** · 07-10-2012 12:11 AM

هو شبه ده بالظبط

[url=http://www.google.com.eg/imgres?q=accord+77&um=1&hl=ar&tbm=isch&tbnid=apAtC rJWTrW6eM:&imgrefurl=http://jalopnik.com/1982-honda-accord/&docid=YF_A87fakr2EyM&imgurl=http://cache.jalopnik.com/assets/images/12/2009/01/82Accord-Rr_RH.jpg&w=804&h=526&ei=p5pwUNPAIJHSsgbfp4DoCA&zo om=1&iact=hc&vpx=569&vpy=444&dur=1786&hovh=181&hov w=278&tx=193&ty=63&sig=117293278188726739098&page= 1&tbnh=132&tbnw=188&start=0&ndsp=27&ved=1t:429,r:1 1,s:0,i:103&biw=1280&bih=933]

**Bassem Taha** · 07-10-2012 01:13 AM

حلوه جدا فكره البلاستيك
ممكن تعملها لو معرفتش تجيب زجاج
في مصنع اسمه جريش حاول توصلهم وممك يوفقلك زجاج نفس مقاس الزجاج عندك

**BODAAA** · 07-10-2012 06:33 AM

شوف شركة الثلاثى بس دة فى القاهرة فى الحرفيين بيبقى عندة زجاج الى عربية
ممكن تجيب رقمة من الدليل و اسالو و هحاول اسئلك برضو

**weka9** · 07-10-2012 11:06 AM

عادى أنا ممكن انزل القاهرة .. بس لو معايا تليفونات .. انا سمعت ان فى واحد جنب حمدى لادا اللى عند كوبرى المطار .. تقصد ده ؟؟.. قالولى اسمه التلتاوى ؟

شكرا للردود و الاهتمام

**samihanwar** · 07-10-2012 03:05 PM

متهيألى كده انك اكيد هتلاقيه عند الحاجه هى اللى متخصصه فى الحاجات دى

**mbx4e** · 08-10-2012 02:03 AM

البلاستيك دا اسمه اكريلك وهتلاقيه في شارع السبتيه في بولاق وارض الشريف في عابدين
الزجاج موجود بس بيعه ضعيف لو رحت لبتوع الزجاجفي معروف وشامبليون ممكن تلاقيه او يعملهولك بس اوعى يشتغلوك حاول تسال
وعندك مصنع جريش ومصنع سيفتي امان دا في اكتوبر يعملهولك عموله زي مانت عايز طبقه طبقتين تلاته في شماسه السواد اللي فوق وممكن بالسخان الكهربا بس هايبقى تكلفه عاليه بس هيستاهل

**weka9** · 09-10-2012 07:49 PM

شكرا يا ذوق .. ما تعرفش البلاستيك بيتكلف فى حدود كام ؟

**mbx4e** · 13-10-2012 04:55 PM

ما اعرفش بصراحه
بس انت هتصرف على الخامه وعلى مصنعيه التركيب وغالبا هيبقى عند نفس الراجل ب ساتاكد من شغله والفينش بتاعه

**misoalex** · 15-10-2012 12:22 AM

الاكريليك مش عملى فى الحجات دى على فكره خلى بالك جتصرف كتير عشان تفصله وتركبه وفى الاخر بعد فتره حيترمى
ده غير ان الزجاج الخلفى مهم فى حجات كتير وفى الحوادث لاقدر الله بيتكسر لكن الاكريليك ممكن يطير او يتقسم نصين ويموت حد لانه غبى وعامل السكينه لو اتكسر يبقى كده انت ممكن تتسبب فى كارثه

شوف الازاز بتاعك عند اى مصنع من مصانع الازاز زى جريش وامان واعمل بحث على جوجل حتلاقى ارقامهم وعناوينهم ممكن تتصل تسألهم الازاز موجود ولالا بدل ما تروح على الفاضى