ممكن مقارنة بين النيو اكسنت و الرينو كليو و الشيفروليه افيو

**fahd_628** · 23-06-2007 05:47 PM

مشيت بها علي 200 كيلو في الساعة و كانت ثابتة الصراحة

هوة حضرتك بتتكلم على الرينو كليو ؟
هية كانت كام سى سى ؟

**hofo** · 24-06-2007 08:22 AM

ليه متفكرش تزود شوية وتجيب ماتريكس او فكر توفر فلوسك شزية وتجيب حاجة فى حدود ال 60 الف والفرق مش حيكون كبير

**mostafabakry** · 24-06-2007 08:39 AM

شكرا اتني استاذ محمد فاضل علي اهتمامك بسؤالي
انا بصراحة بدأت احتار في موضوع الإختيار
احد الأصدقاء لعب في دماغي تاني و حاول يقنعني بالفيرنا 1600 و انها عربية عمليه و قطع غيارها و صيانتها معقوله شوية و كمان سعرها كويس بالنسبة لغمكانياتها و انا بصراحة كنت بفكر قبل كده في الفيرنا وسالت عليها لقيت كلام الناس ساعة كويس وساعة مش ولا بد ولما شفت عربية صاحبي الرينو كليو فكرت اني اشتري كليو لكن موضوع الصيانة وقطع الغيار مشكلة كبيرة خاصة وانا من الصعيد (قنا) مافيش مراكز خدمة إلا للهيونداي و الدايو
انا اسف علي الاطالة لكن حضرتك عارف ان الواحد منا بيحوشلوا قرشين بالعافية عشاان يشتري عربية و ماعندوش استعداد ان يخسر القرشين دول و عاوز حاجة تكون كويسة مش متعبة
ايه راي حضرتك في الفيرنا 1600 و لو حضرتك مكاني كنت عملت ايه مع العلم انك لا تمتلك اكتر من 70000 جنية

مستني رد حضرتك
شكرا جزيلا

**mohamedfadel** · 24-06-2007 10:57 AM

المشاركة الأصلية كتبت بواسطة fahd_628

مشيت بها علي 200 كيلو في الساعة و كانت ثابتة الصراحة

هوة حضرتك بتتكلم على الرينو كليو ؟
هية كانت كام سى سى ؟

السيارة 1400 سي سي و فعلا جبت بيها 200 كيلو في الساعة علي طريق شرم الشيخ القاهرة دي مش مبالغة

**mohamedfadel** · 24-06-2007 11:05 AM

عناية الاستاذ/ مصطفي بكري
الحقيقة انا لم اقوم بقيادة الفيرنا 1600 خالص, و لكن الصراحة هي شكلها حلو و بعدين نفس موتور الماتركس اللي معايا تقريبا و هو موتور ناعم جدا و قوي بس لو ح تجيب اوتوماتيك استهلاك البنزين ح يبقي عالي شوية.
من الاخر رأيي لو انا في ظروفك السكنية كما اشرت و لا يوجد غير مراكز صيانة الهيونداي و الدايو
انا رأيي انك تتوكل علي الله و تجيب الفيرنا لان الكليو بدون صيانتها في توكيلها ح يكون صعب اوي و كمان مفيش حد ممكن يشتغل فيها ذي التوكيل.
بالاضافة لمميزات الفيرنا من سهولة الصيانة و توافر قطع الغيار و رخص ثمنها.
و اتمني لسيادتكم التوفيق

**mostafabakry** · 25-06-2007 12:29 AM

والله اخجلتني يا استاذ محمد بزوقك و احترامك الشديد و ادب حضرتك في الحوار
و ان مقتنع تماما برأي حضرتك واللي متفق تماما مع تفكيري و انا كده تأكدت اني بفكر كويس و ان شاء الله ناوي اشتري الفيرنا و ربنا يسهل
بس المشكلة في اني عاوز اشتريها بالتقسيط يعني انا ممكن ادفع في حدود 40 الف كاش و الباقي اقسطه علي سنتين او تلاته بالكتير بس بصراحة مش عارف ايه الاماكن اللي ممكن تقسط العربية وبفايدة صغيرة يا ريت حضرتك لو تعرف اي معلومات عن التقسيط تفيدني بها و لك مني كل الشكر و التقدير

**Karim_Monir** · 25-06-2007 12:42 AM

كلمتين علي جنب
الفيرنا تقفيل مصري وفي حاجات زي الزفت بتبان زي عيوب الزوايا والعزل مش اد كدة والتنجيد نص نص واللحامات تحس انك شايفها بعينيك
النيو اكسنت اعادة البيع بتاعتها مش عالية
شوفت مرة واحدة في السوق ماشية 14 الف زيرو باكياسها فابريكة برة وجوة وكان بيتكلم في 68 ولو شاف 65 هايخلص
وكانت نفس موديل السنة
2006
مش يبقي حرام

**mostafabakry** · 25-06-2007 03:08 PM

متشكر ا جدا يا استاذ محمد
طيب هو بياخد كام في المية من سر العربية مقدم ؟؟؟؟

شكرا مرة تاني

**mohamedfadel** · 26-06-2007 10:03 AM

مش عارف باضبط بس كل ما المقدم كان عالي كان افضل انا مثلا دفعت مقدمة للماتركس 63 الف و بقسط الباقي
زميلي دفع 80 الف للنيسان صني و بيقسط الفرق مع العلم انه واخد الصني السوبر صالون الاوتوماتيك
هو بيوفق الاوضاع حسب الامكانيات و عند برضه دخول بنك لو عاوز
بس المهم انه مش نصاب و مش حرامي و موثوق فيه

الموضوع: ممكن مقارنة بين النيو اكسنت و الرينو كليو و الشيفروليه افيو

LinkBack

أدوات الموضوع

عرض

-

-

-

-

-

المواضيع المتشابهه

مقارنة بين الرينو لوجان و هيونداي اكسنت

مقارنة بين الرينو كليو والدايو

مقارنة بين الرينو كليو و السيينا

مقارنة فعلية بين النيو اكسنت و الرينو لوجان

طلب مقارنة لو سمحتوا بين الشيفروليه لانوس و الرينو لوجان

الكلمات الدلالية لهذا الموضوع

المفضلات

المفضلات

ضوابط المشاركة