موضوع لهواة الطاسات :)

**تامر.محمد** · 07-10-2012 05:08 PM

الناس اللي بتحب تغير شكل طاسات العربية , هاحاول هنا كل ما اشوف حد بيبيع طاسات بشكل مختلف اكتب مكانها و سعرها

مبدئيا المحل اللي جنب بلدوزر الرينو (في صقر قريش) عنده الاشكال دي

ده موجود مقاس 13 للكليو اظن

فيه منه اكبر لأني شفته قبل كده على لاجونا , بس مش موجود عند الراجل ده

و بتاع اللوجان ده موجود مقاس 15

و الطاسات اللي في الصورة دي موجودة

و طاسات الفلوينس بشكل الفابريكة موجودة

و طاسات الميجان الشكل المنتشر اوي في 2005 موجود برده بس ده خاماته ضعيفة بغباء

كل ال15 السعر 120 جنيه للطقم , ده اول كلام

**Amr Axel** · 07-10-2012 05:52 PM

خلوا بالكم الناس اللي في العاشر و الحي السابع اسعارهم مبالغ فيها و يا سلام لو نازل قدامه من العربية هيضربك ارقام غريبة زميل معاه التو نزل قدامهم بيقولهم طاسات مقاس 13 بصوا للعربية قالوله 90 ج و خليته يروح يجيبهم هي هي بــ45 ج فتخيلوا لو عربية اكبر
بس فيه واحد في شارع جانبي في الحي السابع مش فاكر انهي شارع بالظبط اسعاره تعتبر مقبولة
يعني مقاس 13 يعمل 40 -50 - مقاس 14 60-80 ج و هكذا و ديه اساسا الاسعار الطبيعية دلوقتي للطاسات
و فيه في اول شارع دمشق هتلاقوا ناس معلقيين طاسات كتيير برده اسعارهم في المتوسط بس عايزين اللي يفاصل معاهم
و في ش احمد سعيد كذلك نفس موضوع دمشق

**تامر.محمد** · 07-10-2012 06:03 PM

المشاركة الأصلية كتبت بواسطة axel

خلوا بالكم الناس اللي في العاشر و الحي السابع اسعارهم مبالغ فيها و يا سلام لو نازل قدامه من العربية هيضربك ارقام غريبة زميل معاه التو نزل قدامهم بيقولهم طاسات مقاس 13 بصوا للعربية قالوله 90 ج و خليته يروح يجيبهم هي هي بــ45 ج فتخيلوا لو عربية اكبر
بس فيه واحد في شارع جانبي في الحي السابع مش فاكر انهي شارع بالظبط اسعاره تعتبر مقبولة
يعني مقاس 13 يعمل 40 -50 - مقاس 14 60-80 ج و هكذا و ديه اساسا الاسعار الطبيعية دلوقتي للطاسات
و فيه في اول شارع دمشق هتلاقوا ناس معلقيين طاسات كتيير برده اسعارهم في المتوسط بس عايزين اللي يفاصل معاهم
و في ش احمد سعيد كذلك نفس موضوع دمشق

اللي في اول شارع دمشق ده انا سألت عنده في مرة لقيت نفس الاسعار دي

فيه واحد تاني في شارع جانبي متفرع من شارع دمشق ده اللي عايز مرة اعمل تقرير عن طاسات رينو اللي عنده , شكله جامد

بالنسبة لبتاع الحي السابع انا مش عارفه , يا ريتك توصفهولنا

**Amr Axel** · 07-10-2012 06:10 PM

المشاركة الأصلية كتبت بواسطة تامر.محمد

اللي في اول شارع دمشق ده انا سألت عنده في مرة لقيت نفس الاسعار دي

فيه واحد تاني في شارع جانبي متفرع من شارع دمشق ده اللي عايز مرة اعمل تقرير عن طاسات رينو اللي عنده , شكله جامد

بالنسبة لبتاع الحي السابع انا مش عارفه , يا ريتك توصفهولنا

انا مش فاكر بصراحة انهي شارع بالظبط بس هو شارع متفرع من شارع الورش يعني كأنك جاي من عند المدينة الجامعية و اخدت الطريق المختصر اللي يطلعك ع الشبراوي و ابو رامي عالطول هو في شارع جانبي ع اليمين من الشوارع ديه في نص الشارع

اما الناس بتوع دمشق زي مقولت عايزين اللي يفاصل لما جيت اشتري من واحد منهم طاسات للعربية قالي 70 ج خدتها بــ45 ج و كانت بعلامة السوزوكي كمان و كان عايز يضربني هههههههههههه

**Amr Axel** · 09-10-2012 11:53 AM

المشاركة الأصلية كتبت بواسطة MohammedAladel

نصيحة لو نازل تشترى أى حاجة من مكان فيه فصال بلاش اللى هيشترى منك يشوف عربيتك حتى لو نازل تشترى طماطم :)

بالظبط
مش طاسات و لا طماطم ده انت حتي لو نازل تشتري ورقة
الناس بقت مسعورة اي بياع عايز يزود و خلاص و لو شاف عربية حتي مش هقول ماروتي لو شايف 127 حتي لازم يزود أصلها زادت يا بيه تزيد في خلال 4 ساعات ليه هو سعر عملة

**تامر.محمد** · 10-10-2012 02:01 AM

المشاركة الأصلية كتبت بواسطة mohammedaladel

نصيحة لو نازل تشترى أى حاجة من مكان فيه فصال بلاش اللى هيشترى منك يشوف عربيتك حتى لو نازل تشترى طماطم :)

اه , انا فعلا مش عارف ايه الحكاية دي !
الواحد من دول يلاقيك نازل من عربية يتجنن !

**تامر.محمد** · 25-10-2012 01:49 AM

اضافة :
في شارع دمشق فيه محلين , واحد بتاع طاسات على اول شارع جانبي بعد السجان بشوية على نفس الصف عنده الاشكال دي , بيبيعهم ب140 و اظن ممكن يفاصل

هما كلاسيك اوي بس قلت يمكن يعجبوا حد
و الشكل ده فيه منه 15

و فيه محل تاني في وش نفس الشارع الجانبي بتاع قطع غيار رينو عنده الشكل ده , مش فاكر بيبيعه ب120 ولا ب140
لكنه حلو اوي

فيه محل هناك كمان لقيته على ناصية التقاطع اللي بعدها , بتاع ستيكرات عنده الستيكرز دي اللي تتلزق على اي طاسة او جنط يركب عليه الستيكر , الطقم ب10 جنيه تقريبا للكبير , و ما كانش فيه الصغير لما كنت هناك

يا رب اكون افدتكم ولو حاجة بسيطة :)