هل تغييرسير الكاتينة عملية صعبة و تتطلب الذهاب للتوكيل؟ أم الموضوع بسيط و اي ميكانيكي يركبه بسهولة دون التأثير علي كفاءة المحرك و أداءه؟
و المفروض يتم تغييره كل اد ايه؟او كل كم كيلومتر؟
السيارة ابيزا 98 و سير كاتينة كاوتش.
شكرا
أحمد
عرض للطباعة
هل تغييرسير الكاتينة عملية صعبة و تتطلب الذهاب للتوكيل؟ أم الموضوع بسيط و اي ميكانيكي يركبه بسهولة دون التأثير علي كفاءة المحرك و أداءه؟
و المفروض يتم تغييره كل اد ايه؟او كل كم كيلومتر؟
السيارة ابيزا 98 و سير كاتينة كاوتش.
شكرا
أحمد
لو الميكانيكا بتاعة العربية معقدة يبقا تروح التوكيل ولكن لو اعربيتك ابيزا لحد 98 هتتعمل عند اى ميكانيكى فولكس او المانى عادى جدا والموضوع سهل ان شاء الله...
معرفش الحقيقة فى الابيزا ايه وضعه بس هوة فى اللانوس بيتغير كل 40 الف وفى التويوتا فى انواع بتتحسب بالكيلو سعنى انا جبت سير بيشتغل 100 الف كيلو كان بحوالى 250 جنيه .
روح التوكيل احسن
شكرا للاهتمام.
و ميكانيكي محترم زي ما الاخ عبد الله فالك حيركبو مفيش مشاكل و بالنسبه لسير كاتينه الابيزا بيتغير كل 100 الف كيلو بس انا برجح كل خمسين الف تغيره يبقي احسن و اضمن و أأمن
هو بتاع الايبيزا والسكودا والفولكس (كله نفس الموتور) المفروض يتغير كل 100 الف او 5-6 سنين ايهما اقرب
بس التوكيل بيغيره على 60 الف علشان يعفى نفسه من المسئولية
والله انا الى اعرفه ان ما دام السير كوتش بيتغير عند ال 40000 كم او ال 50000 كحد اقصي ولازم يكون سير اصلي ويفضل طبعا تغير الشداد والبليه بالمره لان تغيره سواء في التوكيل او عند الميكانيكي بياخد نصف اليوم تقريبا ولو الميكانيكي متخصص في الفولكس يكون احسن من التوكيل علشان تشوف بنفسك كل الى بيتعمل في العربيه وتتاكد ان كل حاجه ركبت امامك جديده وكمان علشان تاخد فكره على الي بيحصل في عربيتك مش تقعد زي الباشا في التوكيل تشرب شاي وقهوه في التكييف ومش عارف ايه الى بيحصل في عربيتك
على العموم انا عارف طبعا مميزات التوكيل بس بفضل الميكانيكي الفاهم لان موضوع تغير سير الكاتينه مش سهل علشان التقسيمه بتاعه العربيه لو مش مضبوطه هتبهدل الدنيا
+1اقتباس:
بس بفضل الميكانيكي الفاهم لان موضوع تغير سير الكاتينه مش سهل علشان التقسيمه بتاعه العربيه لو مش مضبوطه هتبهدل الدنيا
ممكن مدام التوكيل غالي تغيرة في بنزينة تحت اشراف مهندس افضل من ميكانيكي مش متجرب.
انتم ليه دايما كلامكم يا اما التوكيل يا اما ميكانيكي
ليه ماتروحوش مركز خدمة محترم ويكون شفال فيه مهندسين
هيبقوا فاهمين زي التوكيل ويمكن أحسن وكمان هتشوف كل حاجة بعنيك
ونصيحة
ميكانيكي+ عربية انجيكشن = عك ومصايب