العضو العزيز احمد ... ذكرت سابقا اننا لابد ان نرجع لكتالوج السيارة او ستيكر على قائم الباب الامامى شمال لمعرفة البديل للاطار المركب بالسيارة وكذلك ضغطه فى حالة الاحمال المختلفة... أشكرك
عرض للطباعة
طيب لو سمحت
اقرب فرع Fit&fix
من منطقة الهرم
وشكراً
55ش المنيل بجوار رايه أقرب Fit&Fix للهرم
مع تحياتى للجميع
شكرا ياباشمهندس على الايضاح ومعليش على الازعاج بس ...
1_يعنى خلاصة الكلام انوا اروح لاى فرع بريدجستون واشيل الخوابير واركب البطشه
2_لماذا يركبوا فى الخلف انا اللى اعرفوا انوا انتا لو جبت 2 كوتش جديد تركبهم قدام علشان لو حصل اى حاجه فى الكوتش القديم يكون فى الخلف علشان لو كنت على سرعه عاليه وانفجر الاطار القديم تقدر تسيطر على الموقف انما لو كان القديم قدام فاظن هيبقى بالسلامه
فارجو منك ايضاح هذه النقطه:S_thum1[1]:
ممكن يا استاذ نجاد تقولي ايه رايك في الكاوتش b700 تقريبا ده اسمه وكام سعره والمقاس كالتالي 13-75-175
وما هو افضل نوع موجود في بريجستون حاليا
العضو العزيز...
* أنا لم أقل بطشة بدل الخابور !!!!! انما هو لحام اسمه مينى كومبى يجمع بين البطشة والخابور معا فى الشكل والأداء.... ارجو ان يكون هذا واضح للجميع.
** دعنا نتفق اولا واخيرا على شئ واحد ان انفجار الاطارات سواء الامامية او الخلفية قد يؤدى الى انقلاب السيارة وطبعا هذا كله بيد الله سبحانه وتعالى ...والله وحده اللى بيسلم ....
ثانى اتفاق لو عندنا شئ نستطيع التحكم فيه وشئ آخر لا نستطيع التحكم فيه فأيهما يجب ان تكون حالته متميزه أو أفضل ؟؟؟؟ الأول أم الثانى !!!! المنطق والعقل يقولا أن الثانى الذى لا نستطيع التحكم فيه يجب ان يكون احسن حال من الذى نستطيع ان نتحكم فيه ... كذلك الاطارات الامامية تستطيع التحكم فيها بالدريكسيون ! مضبوط ؟؟ طيب الاطارات الخلفية كيف تتحكم فيها ؟؟؟؟ طالما اننا لا نتحكم فيها فيجب ان تكون الاحسن حال.
*** دعنا نعيد قراءة ما كتبته حضرتك عن انفجار الاطار ونفكر معا فى اسباب انفجار الاطارات عندنا فى الطرق السريعة وكيفية تجنب هذا ؟؟؟؟؟ وسوف اضعه كاستبيان لجميع اعضاء المنتدى ليردوا علينا ونحلل المعلومات ونصل للاسباب ...
اشكرك على مداخلتك وارجو ان اكون قد وفقت فى الرد عليك
اعضاء المنتدى الكرام ...:S_thum1[1]::S_thum1[1]:
فكرت ان اسالكم وتجاوبونى أونفكر سويا فى اسباب انفجار الاطارات عندنا فى الطرق السريعة وكيفية تجنب هذا من وجهة نظر كل واحد فينا ؟؟؟؟؟:U_thin1[1]: ما رايكم ؟؟؟
:36_1_37[1]: فى انتظار ردكم وليكن اخر موعد لتلقى الاجابات مثلا يوم الخميس الموافق 12 مارس 2009 ان شاء الله
اشكركم جميعا على تعاونكم
باشمهندس نجاد ازى حضرتك يارب تكون بخير
انا شايف ان اهم الاسباب لانفجار الاطارات هو عدم الاعتمام بضبط الهوا فى الاطارات ضيف كمان المشى على سرعات عالية جدا يعنى اكتر من 120 كم/س على طرق زى بتاعتنا مش مجهزة للسرعات دى ده برضوا بياكل جامد فى الاطارات لان الأسفلت عندنا خشن مش زى بره ومع الاحتكاك العالى مع السرعة العالية بيؤدى لاقدر الله الى انفجار الاطار
وبرضو مستنى رأى حضرتك
انا بقول ان السبب في الحوادث يالنسبة ليا
1- الطرق هنا زباااااااااااااااااااااال ة بخلاف طرق الدول الاوربية او حتى الخليجية( بس موش كلها اغلبها)
2- الواحد لما يحس ان الطريق فاضي ويحس بقوة الماتور بينفعل ويطيررررررررررررررررررر وتخ طيييييخ تااااااااخ
والعزاء في مكرم عبيد على طول او في مسجد الشرطة
3- الكاوتش وتغير المقاس بخلاف اللي نزله بيه العربية بمقاسات اخرى خالص (( ومعلومة انابحس النسبة والتناسب في العربيات موش الواحد يعملها بمزاجه بتبقى في حسابات ولا كن هذه الحسابات موش دقيقة)) يا عني الشركة المصنعة لو كانت شافت ان العربية الافضل ليها بهذا المقاس كان تم هذا
وشكرا وده كان راأي
الاسباب:
1_سوء احوال الطريق مما يؤدى فى بعض الاحيان الى انبعاج الجنط
2_السرعه العاليه مع اختيار كاوتش غير مناسب لذلك
3_وجود كاوتش قديم ومتهالك
واظن من اهم الحلول :
1-اصلاح حال الطرق السريعه
2_المحافظه على الكاوتش فى احسن حال
واتمنى ان تكون الاجابه صحيحه:C_laugh[1]:
انا عندى عربية فيات 124 كسف نضيط الكربراتير
المهندس نجاد,
إستفسار عن سعر كاوتش R16/205/55
أشكرك
لو مقاس العجلة 14 60/185 وعايز اخليها 14 60/195 هل دة يعمل مشكلة مع العلم ان العربية اصلا بتشيل اكتر من دة ومكتوب فى الكتالوج بتاعها المقاسات دية بس عرض 195 هيكون على جنوط 15 مش 14
وانا عايز اركب نفس المقاس بس اعرض الى 195 فهل دة بردة هيخلى العداد يقرا غلط ولا اية
وياريت تنصحنى باحسن كاوتش بريدجستون للسيارة لانى كان عاجبنى اوى الادريالين بس لقيتة غالى قوى وشوفت التيورانزا بس اعرف انة ناشف على العفشة ومش مريح فى المطبات وعن تجربة من اصدقائى معاهم لانسر بومة
السيارة هوندا سيفيك sir وعلى فكرة سرعة السيارة 260 كيلو بس طبعا جيبتهم مرة ومش ناوى اجيبهم تانى فالكاوتش عايزة h مش v دة غير انى عرفت ان v بينزل من اول مقاس 15 للجنط
وشكرا وياريت يكون فية اسعار ومكان المركز اللى اشترى منة الاطارات وخدمة مابعد البيع على الاطارات زى الضمان والتركيب وشكرا ليك جدا
المقاس القياسى للاطارات للسيارة فيات 132 1600 cc ولو مقاس الجنوط الاسبور نكون شاكرين
السلام عليكم ورحمة الله وبركاته
سلام مخصوص للباش مهندس نجاد
ربنا يجزيه كل خير عن شلال المعلومات والخبره التى لا يبخلبها على
اى حد ربنا يجعله فى ميزان حسناتك يا باش مهندس
السلام عليكم
عايز اعرف فين توكيل بريدجستون في الاسكندريه
و هل هو معرض وصيانه ولا لا
وشكرا
اولا وقبل اى شئ اود ان اذكر اعضاء المنتدى الكرام انى اقوم بالرد على استفساراتكم واحاول ان ارد عليها جميعا وذلك حسب استطاعتى وذلك لأنى أعتقد أن هذا هو واجبى نحوالجميع ولا يجب أن يبخل احد من الناس بما لديه من علم وهذا هو القصد والنية لله تعالى فلا داعى للشكر ولكم منى الشكر الجزيل وبارك الله فيكم...
أما موضوعنا فلقد لاحظت والحمد لله ان اجابات او رايكم فى اسباب انفجار الاطارت يشمل الكثير مما قد فكرت فيه وكنت انوى الكلام عنه ولكنكم وفرتم على الكلام الكثير والتكرار الممل ولنسرد اهم الاسباب بشكل عام فيما يلى :-
1- سؤ حال الطرق.
2- عدم الاهتمام بالصيانة الدورية للاطارت.
3- جشع "بلية" واعوانه ومحاولتهم الدائمة للاستيلاء على ما فى جيوب المواطن المسكين وذلك عن طريق تخريم الاطارات والاصلاح بالخابور السريع.
4- عدم توافر الميزانية اللازمة لتغيير الاطارت فى الوقت المناسب مما يؤدى لتأجيل الشراء او شراء اى اطار سعره رخيص على حساب الجودة او شراء المستعمل وما يصحبه من مخاطر لا يعلم مداها الا الله سبحانه وتعالى.
5- قلة الثقافة العامة لدى "بلية" الفنى الذى نستقى منه معلومات خاطئة قد تؤدى بنا الى الحوادث والعياذ بالله مثال على ذلك ضغوط الهواء للاطارات فى الصيف يجب ان تقل عن المعتاد بسبب حرارة الجو وهذا الكلام غير صحيح بالمرة.
سوف اقوم بالكتابة عن كل سبب من هذة الاسباب غدا ان شاء الله ... اشكركم جميعا
المهندس نجاد
انا مش قادر اعرف تاريخ الانتاج علي كاوتش بردجستون
ممكن حضرتك تقولي اعرف اذاي
ده الارقام اللي لاقتها علي الكاوتش دول فردتين مختلفتين عايز اعرف انتاج كلا منهما
0225241
0210958
وشكرا جزيلا
يا بشمهندس نجاد
سلامو عليكم
انا عندي ريجاتا 1500 موديل 85 كامة واحدة ومقاس الجنط الاصلي بتاعها
5,1/2x13"H1
وكاوتشاتها مقاس 165/70 SR13
وعايز اعرف ايه العرض المناسب للجنط السبور اللي يديني ثبات محسوس في السرعات وممكن يتكلف في حدود كام
وهل هضطر لتغيير مقاس الكاوتشات مع الجنط ولا ممكن يركب عاللي عندي
شكرا مقدما عالافادة وتبقى التكلفة الاجمالية قد ايه؟
سلامو عليكم
مطلوب وسطة عندي سيارة تويوتا 2007 عاوز اعمل لها صيانة بتوكيل تويوتا العبور
0124904184
مطلوب وسطة عندي سيارة تويوتا 2007 عاوز اعمل لها صيانة بتوكيل تويوتا العبور
0124904184
مهندس نجاد قمت من فتره في حددود شهر بشراء فردتين من فرع المنيل و فمت بمليء جميع الفرد بغاز النيتروجين و لكني فؤجت بعد الشهر ان الضغط ذائد في جميع الفرد الا فرده واحده الضغط كان اقل دا طبيعي ولا ايه عشان اللي انا قرأته في المنتدي ان النيتروجين لا يتأثر زي الهواء العادي اللي بيذيد و يقل حسب الرطوبه
ارجو التوضيح
من فضلك ياباشمهندس أنا أشتريت عربية هونداي جيتس 1100 ولقيت فيها عيب وهو عند الضغط علي البنزين لزيادة السرعة لاتتجاوب (بطئ شديد جدا في الاستجابة ) رحت توكيل هونداي في العاشر من رمضان قاموا بتغيير البوجيهات وتنظيف دائرة البنزين وعمل صيانة كاملة ولم يحدث أي تغيير
وبعدين قالوا هاتها في يوم تاني علشان نكشف علي الكتينة أو طلمبة البنزين أو الحساس
بصراحة أنا حسيت اني مش في توكيل لان كلمة أو أو ده تخوف أحسن يقوموا باستبدال السيارة بالكامل للبحث عن العيب
أرجو الافادة ماذا أفعل وأين أذهب السارة مو 2005
المهندس نجاد
جزاك الله خيراً
أريد أن أسأل عن بريدجستون أكتوبر
هل هو بيع فقط أم أن هناك خدمة إطارات؟
فرع اكتوبر هو مخزن ومن الممكن الشراء منه فقط ولا يوجد خدمة
1071جنية Turanza ER30 & Turanza GR80
هناك لوران على الكورنيش و زيزينيا طريق ابو قير امام مسجد يحيى وسموحة امام زهران مول وكلها مراكز صيانة
السلام عليكم
كنت عايز استفسر على مية العربية فى ثلاثة الوان (اخضر و ازرق و احمر فاتح أو روز كدة )
ممكن حديقولى ايه ميزة الالوان دى وياريت معلش حد يشرحلى اذا كان ممكن احط من الون الازرق او الاحمر ولا كولوا واحد بس ميفرقش غير الالوان فقط
شكراااااا:U_thin1[1]:
ما معنى الرموز على الكاوتش
R-h-13/75/175
الصورة ديه ممكن تساعدك
http://www.postimage.org/aV2h_WzA.jpg
الفرده ال 14 175\70 بكام؟ عشان ابقى عارف قبل ماجى
انا كنت عايز اسال هو ضغط الكاوتش في الهيونداي فيفا كام لان انا بظبطه على 30 ولما رحت عملت صيانه الألف ودخلت في البنزينة بعدها اضبط الكاوتش فؤجت ان كل الكاوتشات 38
ولو سمحت كان ليا سوال تانى إيه يحصل لو الواحد زود الضغط في الكاوتش يعنى مثلا 35
اسف طولت عليكم
فى عندك (15/50/215) و بكام؟
السلام عليكم
سيارتي تويوتا فور رنر سيرف موديل 92 ماهو الاطار المناسب لو سمحت؟
م نجاد مفيش نية ان شاء لفتح مركز خدمة بالمنصورة او خطة مستقبلية لذلك .
سؤال للبشمهندس
عندى عربيه كيا برايد غيرت الكوتش بتاعها و الجنوط بجنوط اسبور مقاس 13 وجبت كاوتش نوعه accelera ولكن جبته اعرض من اللى كان فيها ثم لاحظت ان العربيه بعد ال100 فيها رجه غريبه مكنتش موجوده قبل كده
فكنت عايز اسال هللا ده نتيجه ان الكوتش عريض ولا ملوش علاقه
وشكراااا
الحقيقة أنا عندى شكوى و سؤال.
أما الشكوى فهى تتعلق بفرع المعادى (توتال) حيث ذهبت يوم الاربعاء الماضى للكشف على ضغط النيتروجين و أكدت على الفنى أن يضبط على 32 حسب تعليمات صانع السيارة (كولت 2007). المهم قاس و زود حاجات بسيطة و قال لى كله تمام. المهم، اليوم خطر فى بالى أن أقيس الضغط بجهاز ديجيتال صغير أحتفظ به فى السيارة و كانت المفاجأة أن الصنايعى اللوزعى برده ركب دماغه و ضبط الضغط على 30!!!!! يعنى هو حيفهم أحسن من ميتسوبيشى و كونتننتال مع بعض؟!!! أعتقد أنه يجب عليكم توعية هؤلاء العمال بأهمية اتباع الأسلوب العلمى، يعنى لو كان شاكك فى كلامى كان أبسط شىء يقرأ التعليمات التى على القايم و ليس التشبث برأى خاطىء. أرجو أن يصل صوتى للمسئول عن هذا الفرع.
أما السؤال هو أن أحد الجنوط steel و ليس alloy اخد خبطه جامده و حرفه اتعوج مما ادى الى انبعاج الاطار و انخفاض الضغط الى 24 (و كان هذا هو سبب قياسى لباقى الاطارات كما ذكرت سابقا). هل يمكن اصلاح الجنط عند فرعكم فى الاسكندرية؟